Saturn oğlunu yeyir (rəsm əsəri)

Saturn oğlunu yeyir və ya Saturn ispan rəssam Fransisko Qoyyanın Quinta del Sordo adlandırılan evinin divarına bəzək məqsədi ilə çəkdiyi 14 tablodan biri. Digər tablolar ilə birlikdə 1819-1823-cü illərdə çəkilmişdir. Rəsmdə yunan tanrısı Kronun (Roma mifologiyasında Saturn ) övladlarından biri tərəfindən deviriləcəyindən qorxaraq övladlarını doğuşdan dərhal sonra yeyərək necə öldürdüyünü təsvir edir.

Saturn oğlunu yeyir
Saturno devorando a un hijo
Francisco de Goya, Saturno devorando a su hijo (1819-1823).jpg
Rəssam Fransisko Qoyya
Tarixi 1819-1823
Üslubu Ekspressionizm
Texnikası Gips üzərində yağlı boya, sonradan kətana köçürmə
Ölçüləri 143 sm × 81sm
Saxlanıldığı yer Prado muzeyi, Madrid
Saytı museodelprado.es/en/the-…
İnventar nömrəsi P000763[1]
Commons-logo.svg Vikianbarda əlaqəli mediafayllar

RəsmRedaktə

Qoyya oğullarından birini yeyərkən Saturnu təsvir edir. Uşağın başı və sol qolu yeyilmişdir. Tanrının uşağın sol qolunun başqa bir hissəsini dişlədiyi görülür. Açıq ağzına və gözlərin ağ rəngindəki fərqə görə bir növ dəlilik içərisindədir. Şəkildəki digər parlaq bölgələr uşağın ağ bədəni və ətrafındakı qırmızı qanla bədənin arxa tərəfində Saturn barmaqlarının birləşməsidir[2].

Rəsmin mənasının bir çox təfsiri təklif edildi: gənclik və qocalıq arasındakı qarşıdurma, hər şeyi yeyən vaxt, tanrının qəzəbi, müharibələr və inqilablar zamanı sanki öz uşaqlarını yeyən İspaniyanın alleqoriyası. Yetkinlik yaşına qədər sağ qalan Qoyyanın yeganə övladı olan Xavier və ya bəlkə də sevgilisi, qulluqçu Leokadia Veiss ilə münasibətləri də rəsm üçün mümkün ilham mənbəyi kimi görülür. Qoyya rəsm üzərində hər hansı bir qeyd yazsa belə günümüzə belə bir qeyd çatmamışdır. Bundan əlavə rəssam xalqa nümayiş etdirilməsi nəzərdə tutulmayan bu rəsmin mənası üçün heç bir açıqlama verməyib.





İstinadlarRedaktə