Sey Şonaqon
Sey Şonaqon (清少納言?, ehtimal ki, 966, Heyan-kyo[d] – ehtimal ki, 1025, Kioto) – Heyan dövründə yaşamış yapon yazıçı, şairə və saray dayəsi.[1] "Yastıq kitabı" adlı əsərinə görə məşhurdur.[1] Bu əsər Yaponiya ədəbiyyatı tarixində zuihitsu janrının ilk nümunəsi hesab olunur.[1] Zuihutsu janrı qısa epizodlar, aforizmlər və şəxsi təsəvvürlərin qarışıq kolleksiyasından ibarət janrdır.[1]
| Sey Şonaqon | |
|---|---|
| yap. 清少納言 | |
 | |
| Doğum tarixi | ehtimal ki, 966 |
| Doğum yeri |
|
| Vəfat tarixi | ehtimal ki, 1025 |
| Vəfat yeri | |
| Fəaliyyəti | məşuqə[d], şair, esseist, gündəlik yazıçısı[d], yazıçı, tarixçi |
| Fəaliyyət illəri | 1000-ci ildən |
 Vikianbarda əlaqəli mediafayllar | |
Yaponiyada ilk romanın müəllifi olan Murasaki Şikibu ilə eyni dövrdə yaşamış, hətta Murasaki gündəliyində onun adını çəkmişdir.[1]
Həyatı
redaktəSey Şonaqonun ilk illəri və sonrakı həyatı ilə bağlı məlumatlar çox azdır.[1] Atası alim və şair Motosuke idi.[1] Şonaqon həmin dövrün bir çox qadınından fərqli olaraq Çin klassiklərini öyrənmişdir.[1] Kioto şəhərində yerləşən imperatorluq sarayında yaşamışdır.[1]
Bir çox şeir yazmış, şeirləri bir əsərdə toplanmışdır.[1]
Yastıq kitabı
redaktəSey Şonaqon İmperatriça Sadakonun dayəsi olarkən saray həyatı ilə müşahidələrini qeyd etməyə başlamışdır.[1] Şonaqon əsərini özü ilə hər yerə daşıdığı, hətta yastığında saxladığı üçün əsərə "Yastıq kitabı" adı vermişdir.[1] "Yastıq kitabı"nın məzmununun böyük hissəsi sevgi münasibətləri ilə bağlıdır; bu mövzu Heyan dövrü ədəbiyyatının geniş yayılmış mövzusu idi.[1] Kitab müəllifin sevdiyi və sevmədiyi şeylərin, quşların və digər təbiət ünsürlərinin, adların və maraqlı hesab etdiyi digər şeylərin siyahısı ilə doludur.[1] O, həmçinin xəyali səhnələr də yazmışdır.[1]
İlin dörd mövsümü üçün yazdığı açılış təsviri və onlarla bağlı əhvalı-ruhiyyələr Yaponiya ədəbiyyatında dəfələrlə təqlid olunmuşdur.[1] Şonaqon İmperatriça Sadako və digər imperatorluq ailəsi üzvlərini ideallaşdırsa da, ondan aşağıda olan insanlarla və özü ilə bağlı zarafatlar etmiş, geyim üslubu və davranışlarla bağlı kəskin müşahidələr aparmışdır.[1]
İstinadlar
redaktəƏdəbiyyat
redaktə- Perkins, Dorothy. Encyclopedia of Japan: Japanese History and Culture, from Abacus to Zori. Roundtable Press. 1991. səh. 301. ISBN 0-8160-1934-7. İstifadə tarixi: 8 may 2022.