Seyid Həsən Paşa

Seyid Həsən Paşa (ö. 1828) — Osmanlı sultanı II Mahmud dönəmində kaptan-ı dərya olan dövlət xadimi.

Seyid Həsən Paşa
Osmanlı kaptan-ı dəryası
Əvvəlki	Əhməd Paşa
Sonrakı	Dəli Abdullah Paşa
Şəxsi məlumatlar
Vəfat tarixi	1828

Əslən Dimetokalı olub, saraya necə alındığı bilinmir. Baş qapıçılığa qədər yüksəldi və 1 mart 1818-ci ildə vəzirliklə Bursa valisi oldu. Həmin ilin 15 avqustunda kaptan-ı dərya olsa da, çox keçmədən 25 iyun 1819-cu ildə vəzifədən alındı. Öncə Əyriboz, daha sonra 1820-ci ilin oktyabrında Qarlili və İnəbaxdı mühafizəçisi, 1822-ci ildə Sivas valisi, 1824-cü ilin noyabrında Narda valisi oldu. Bir müddət vəzirliyi əlindən alınsa da, 1828-ci ildə geri verildi. Ancaq çox keçmədən vəzifədən alındı və köşkündə yaşamasına icazə verildi. Qısa zaman sonra orada vəfat etdi.

Mənbə

• Sicill-i Osmani II cild, səh. 310.
• Danışmend, İsmail Hâmi, (1961) Osmanlı Devlet Erkâni, İstanbul:Türkiye Yayınevi