Seyson Maeda
Seyson Maeda (前田 青邨, Maeda Seyson?, 27 yanvar 1885[1][2], Nakatsuqava[d], Gifu prefekturası – 29 oktyabr 1977, Kamakura, Kanaqava prefekturası) və ya doğum adı ilə Renzo Maeda – Yaponiya nihonqa rəssamı.
| Seyson Maeda | |
|---|---|
| yap. 前田青邨 | |
 | |
| Doğum tarixi | 27 yanvar 1885[1][2] |
| Doğum yeri |
|
| Vəfat tarixi | 29 oktyabr 1977 (92 yaşında) |
| Vəfat yeri | |
| Fəaliyyəti | rəssam |
| Mükafatları |
 |
 Vikianbarda əlaqəli mediafayllar | |
Tarixi
redaktə1885-ci ildə Yaponiyanın Gifu prefekturasında doğulmuşdur. 1901-ci ildə Tokioya köçmüşdür. Maruyama-Şico məktəbinin nümayəndəsi olan, qəzet və jurnal rəssamı Kacita Hankodan rəssamlıq dərsi almışdır. Okakura Kakuzonun təsiri ilə qədim yapon incəsənətini öyrənmişdir.[3] 1906-cı ildən sonra bir neçə rəssam qruplarının üzvü olmuşdur. Maeda "Kocikay" sənətçi qrupunun üzvü olmuş, Okakuranın 1913-cü ildəki ölümündən sonra Yaponiya Təsviri Sənət Akademiyasının yenidən təşkil olunmasında iştirak etmişdir.[4]
1922 və 1923-cü illərdə Avropaya səfər etmişdir.[3] 1922-ci ildə Fransada incəsənət təhsili almışdır.[5] 1935-ci ildə İmperator Təsviri Sənət Akademiyasında işləməyə başlamışdır. 1938-ci ildə Çinə səfər etmiş, Datun şəhəri yaxınlığında yerləşən buddist mağara məbədlərini ziyarət etmişdir. Bu mağaralar onun bir neçə rəsm əsəri üçün ilham mənbəyi olmuşdur.[3] Onun "Yoritomo mağarada" əsəri mükafata layiq görülmüşdür.[5]
1944-cü ildə saray rəssamı, 1946-cı ildə Nitten sərgisinin jürisi təyin olunmuşdur. Tokio İncəsənət Universitetinin incəsənət professoru olmuş, 1959-cu ilə qədər universitetdə dərs demişdir. 1949-cu ildə Narada yerləşən Horyu məbədinin əsas zalında baş verən yanğın nəticəsində məhv olmuş rəsm əsərlərinin restavrasiyası ilə məşğul olmuş ekspert qrupuna rəhbərlik etmişdir.[3] 1959-cu ildən sonra İmperatriça Naqakonun rəsm müəllimi olmuşdur.[6] Kabuki tamaşaları da yazmışdır.[5]
Üslubu
redaktəMaeda əvvəlcə tarixi və əfsanəvi mövzularda əsərlər çəkmiş, zireh geyinən fiqurları təsvir etmişdir. 1945-ci ildən sonra yapon festivalları və portretlər çəkməyə başlamışdır. Nihonqa üslubunda olan əsərləri Qərb realizminin elementlərini əks etdirmişdir.[4]
Mükafatları
redaktə1929-cu ildə Asahi Mədəniyyət Mükafatını qazanmışdır.[4] 1955-ci ildə "Mədəniyyət" ordeni ilə təltif olunmuşdur.[3]
İstinadlar
redaktə- ↑ 1 2 Iwasaki Y. Seison Maeda // Maeda, Seison (ing.). // Grove Art Online / J. Turner [Oxford, England], Houndmills, Basingstoke, England, New York: OUP, 2018. doi:10.1093/GAO/9781884446054.ARTICLE.T053050
- ↑ 1 2 Seison Maeda // Artists of the World Online, Allgemeines Künstlerlexikon Online, AKL Online (alm.). / Hrsg.: A. Beyer, B. Savoy B: K. G. Saur Verlag, Verlag Walter de Gruyter, 2009. ISSN 2750-6088 doi:10.1515/AKL
- ↑ 1 2 3 4 5 Kodansha Encyclopedia of Japan. səh. 80
- ↑ 1 2 3 Roberts. səh. 102
- ↑ 1 2 3 The Japan Biographical Encyclopedia & Who's Who. səh. 772
- ↑ Frédéric. səh. 600
Ədəbiyyat
redaktə- Kodansha Encyclopedia of Japan (ingiliscə). V cild (Libr–Nijo). Tokio: Kodansha. 1983. səh. 80. ISBN 0-87011-625-8. İstifadə tarixi: 15 sentyabr 2024.
- The Japan Biographical Encyclopedia & Who's Who (ingiliscə) (II). Tokio: Rengo Press. 1961. İstifadə tarixi: 15 sentyabr 2024.
- Frédéric, Louis. Japan Encyclopedia (ingiliscə). Harvard University Press. 2002. səh. 600. ISBN 9780674017535. İstifadə tarixi: 15 sentyabr 2024.
- Roberts, Laurance P. A Dictionary of Japanese Artists: Painting, Sculpture, Ceramics, Prints, Lacquer (ingiliscə). Weatherhill. 1976. səh. 102. ISBN 0-8348-0113-2. İstifadə tarixi: 15 sentyabr sentyabr 2024.