Story of My Life (Lesli Roy mahnısı)
"Story of my life" (azərb. Mənim həyat hekayəm) — İrlandiyalı müğənni-söz yazarı Lesli Royun mahnısı. Mahnı İrlandiyanı, Niderlandın Rotterdam şəhərində keçirilməsi planlaşdırılan, sayca 65-ci Avroviziya Mahnı Müsabiqəsində təmsil edəcəkdi.
| Mahnı | |
| Story of My Life | |
|---|---|
| İfaçı | Lesli Roy |
| Yayımlanıb | 5 mart 2020 |
| Janr | pop musiqisi |
| Bəstəkar | |
| Sözlərin müəllifi | Lesli Roy |
| Studiya | Universal Music Group[d] |
Mahnı redaktə
İrlandiyalı milli yayım şirkəti RTÉ, Avroviziya Mahnı Müsabiqəsinin 2020-ci il buraxılışında ölkə təmsilçisini təyin etmək məqsədilə, ölkədəki tanınmış bəstəkar və sənətçiləri 2FM ilə birlikdə iş birliyinə dəvət etmişdir. Milli yayımçı, İrlandiyanın Avroviziya tarixində ilk dəfə olaraq ölkənin məşhur prodüser şirkəti olan "THISISPOPBABY"yi seçərək, iştirakın yaradıcılıq yönü ilə bağlı bütün hazırlıq işlərini ona həvalə edib. Nəticə olaraq, 5 mart 2020-ci tarixində, milli yayımçı ölkəni 2020 Avroviziya Mahnı Müsabiqəsində, "Story of my life" mahnısı ilə Lesli Royun təmsil edəcəyini elan etmişdir. Mahnının sözləri və bəstəsi Lesli Roy, Robert Marvin, Kett Qravit və Tom Şapiro tərəfindən ərsəyə gətirildi. İfaçı Lesli Roy mahnısı haqqında: "Mahnı şəxsiyyətin həyatda qarşılaşdığı bütün çətinliklərin öhdəsindən gələrək, yenidən ayağa qalxmağa səsləyir və hər zaman qələbə ruhlu olmağa dəvət edir" ifadələrini bildirmişdir.[1]
Buraxılış tarixi redaktə
| Ərazi | Tarix | Müddət | Format | Etiket |
|---|---|---|---|---|
| Dünya üzrə | 13 mart 2021 | 3:05 | Rəqəmsal yükləmə | Universal Denmark |
Beynəlxalq arenada redaktə
Avropa Yayım Birliyinin (EBU), 28 yanvar 2020-ci tarixində təşkil etdiyi ənənəvi püşkatma mərasimində, İrlandiyanın 12 may 2020-ci il tarixində baş tutacaq ilk yarımfinal mərhələsinin birinci hissəsində mübarizə aparacağı elan edilmişdir. Lesli Royun "Story of my life" mahnısı ilə Litvadan sonra və Rusiyadan əvvəl, yeddinci nömrə altında səhnədə çıxış edəcəyi açıqlansada, Avropa Yayım Birliyi (EBU) 18 mart 2020-ci tarixində, mövcud Koronavirus pandemiyasını əsas gətirərək, 2020-ci il Avroviziya Mahnı Müsabiqəsinin ləğv edildiyini elan etmişdir.[2]
Çartlarda redaktə
| Çart (2020) | Zirvə nöqtəsi |
|---|---|
| Irish Homegrown Top 20 (OCC)[3] | 12 |
İstinadlar redaktə
- ↑ "Ireland's eyes on Eurovision glory this year with Lesley Roy - Eurovision Song Contest". eurovision.tv. 5 March 2020. 22 March 2020 tarixində arxivləşdirilib. İstifadə tarixi: 7 March 2020.
- ↑ "Official EBU statement & FAQ on Eurovision 2020 cancellation". eurovision.tv. EBU. 18 March 2020. 18 March 2020 tarixində arxivləşdirilib. İstifadə tarixi: 17 May 2020.
- ↑ "Irish Homegrown Top 20 | Official Charts Company". Official Charts Company. 20 March 2020. 13 May 2021 tarixində arxivləşdirilib. İstifadə tarixi: 15 August 2020.