Surra (Sabirabad)

Surra — Azərbaycan Respublikasının Sabirabad rayonunun inzibati ərazi vahidində kənd.

Surra
40°04′47″ şm. e. 48°31′31″ ş. u.
Ölkə	Azərbaycan
Tarixi və coğrafiyası
Sahəsi	189 km²
Saat qurşağı	UTC+04:00
Surra

Tarixi

Bəzi tarixi mənbələrə görə kəndin əhalisi vaxtı ilə Salyan rayonunun Surra kəndindən köçüb buraya gəlmişlər. Surralılar da Kür vadisində yaşayan qədim sakinlərdəndir. Bəzi tədqiqatçıların fikrinə görə kəndin adı XIII əsirdə Qərbi Türkistandan Azərbaycana köçürülmüş Sorsor və ya Sursur tayfalarının adından götürülmüşdür. Lakin Azərbaycan ərazisində bir sıra Sorsor və ya Sursur kəndlərinin adları olması bu faktı təkzib edir.

Mədəniyyəti

Kəndin tarixi qədim dövrə təsadüf edir. Kəndin ərazisində tarixi e.ə. VI-I əsrlərə aid olan Surra yaşayış yeri mövcud olmuşdur. Surra yaşayış yerinin qalıqları 3 ha sahədə tapılmışdır. XX əsrdə aparılan meliorasiya işləri zamanı qədim yaşayış yerləri əkin sahələrinə çevrilərkən buldozerlər ərazidəki tarixi tapıntıların böyük qismini məhv etmişdir. Arxeoloji qazıntılar zamanı Surra kəndinin ərazisindən enolit dövrünə aid müxtəlif tapıntılar, eramızdan əvvəl VI əsrə aid küp qəbirlər, I-III əsrə aid küp qəbirlərdən tapılmış antropomorf və VII əsrə aid zoomorf gil əşyalar, həmçinin nekropollar aşkar edilmişdir. Bu nekropollar “Bud Təpəsi” adlanan yerdədir.

Coğrafiyası və iqlimi

Surra kəndinin giriş lövhəsi

Kənd Kür çayının sol sahilində yerləşir.

Kəndin iqlimi: yayı - isti, küləksiz; qışı isə sakit və mülayim xarakterlidir. Hazırda kəndin ərazisi 1890 ha-dır.

Əhalisi

Əhalisi bütünlüklə azərbaycanlılar və şiə müsəlmanlarıdır. Əhalinin sayı isə 1300 nəfərdən (300 ailədən) ibarətdir. Əhali sadə və mehriban adamlardır.

Tanınmış şəxsləri

• Araz Budaqov (Araz Məhəmməd oğlu Budaqov) - Azərbaycanlı terapevt-həkim, müəllim, SSRİ səhiyyə əlaçısı, Azərbaycan SSR-in Sabirabad rayonunun Surra Kənd Zəhmətkeş Deputatları Sovetinin deputatı, Tibb İşçiləri Həmkarlar İttifaqı Sabirabad rayon Komitəsinin sədri.
• Oqtay Əliyev (Oqtay Ərəstun oğlu Əliyev) - Azərbaycanlı rəssam

Şəhidləri

• Şəfi Babayev (Şəfi Adil oğlu Babayev) - Birinci Qarabağ müharibəsi zamanı gedən döyüşlərdə şəhid olub.
• Firavan Əsgərov - İkinci Qarabağ müharibəsi zamanı şəhid olmuşdur.
• Bəxtiyar Mayılov - İkinci Qarabağ müharibəsi zamanı şəhid olmuşdur.

İqtisadiyyatı

Əhalinin əksəriyyəti əkinçilik və maldarlıqla məşğuldur. Kənddəki təsərrüfatların sayı 300-dən artıqdır.

Təhsil

Şəfi Babayev adına tam orta məktəb

Kəndin şəhidi Şəfi Babayevin adını daşıyan tam orta məktəb fəaliyyət göstərir. Kənddə uşaq bağçası da var.

Din

Kənddə Surra kənd məscidi dini icması fəaliyyət göstərir.

Xarici keçidlər

• Şəfi Babayev adına Surra kənd tam orta məktəbinin rəsmi Facebook səhifəsi