Araz Budaqov

Araz Məhəmməd oğlu Budaqov (7 dekabr 1938 – 27 may 2021) — Terapevt-həkim, müəllim, SSRİ səhiyyə əlaçısı, Azərbaycan SSR-in Sabirabad rayonunun Surra Kənd Zəhmətkeş Deputatları Sovetinin deputatı, Tibb İşçiləri Həmkarlar İttifaqı Sabirabad rayon Komitəsinin sədri.

Araz Budaqov
Budaqov Araz Məhəmməd oğlu
Araz Məhəmməd oğlu Budaqov.jpg
Doğum tarixi
Doğum yeri Umudlu, Ağdam, Azərbaycan SSR
Vəfat tarixi (82 yaşında)
Vəfat yeri Surra, Sabirabad, Azərbaycan
Vəfat səbəbi Ürək çatışmazlığı
Dəfn yeri Axısxa kənd qəbirstanlığı
Vətəndaşlığı
Milliyyəti azərbaycanlı
Həyat yoldaşı Əliyeva Şəlalə Ərəstun qızı
Uşaqları Əzimova Günay, Həsənova Güney, Əhmədova Günəş, Abasova Günel, Budaqov Məhəmməd
Atası Budaqov Məhəmməd İsmayıl oğlu
Anası Hüseynova Ceyran Ağa qızı
Elm sahəsi Tibb
İş yerləri Yolçubəyli kənd xəstəxanası, Qaratəpə kənd xəstəxanası, Ulacalı kənd xəstəxanası, Axısxa (Qaralı) kənd sahə xəstəxanası, Tibb İşçiləri Həmkarlar İttifaqı Sabirabad rayon Komitəsi
Təhsili Azərbaycan Tibb Universiteti
Üzvlüyü
Mükafatları 100 lenin ribЗнак «Отличнику Здравоохранения СССР»"SSRİ Qırmızı Xaç və Qızıl Aypara Cəmiyyəti"nin 50 illiyinə (1923-1973) həsr olunmuş ordenПобедитель социалистического соревнования 1973 года (знак)"Sosialist Yarışının Qalibi" medalı (1976)"Sosialist Yarışının Qalibi" medalı (1978)
araz.mehemmed.com

HəyatıRedaktə

AiləsiRedaktə

Araz Budaqov 7 dekabr 1938-ci ilAğdam rayonunun Umudlu kəndində kolxozçu ailəsində dünyaya gəlmişdir.[1] Atası Məhəmməd İsmayıl oğlu Budaqov, anası Ceyran Ağa qızı Hüseynova olmuşdur. Sonradan atası Budaqova Gülxar Qasım qızı ilə ailə həyatı qurmuş və o, Araza analıq etmişdir. Ailəsindəki 10 uşaqdan (7 oğul, 3 qız) ən böyüyü olmuşdur.[2]

1978-ci ildə həmkarı, tibb bacısı Əliyeva Şəlalə Ərətun qızı ilə ailə quran Araz həkimin bu evlilikdən 4 qızı və 1 oğlu dünyaya gəlmişdir.[3] Qızlarının hər biri ali təhsillidir və müəllimlik peşəsinə yiyələniblər. Araz Budaqovun 11 nəvəsi var və bu nəvələrdən son beşiyi onun adını daşıyır.

Araz həkim 27 may 2021-ci ilSabirabad rayonunun Surra kəndində dünyasını dəyişmişdir. May ayının 28-də isə rayonun Axısxa kənd qəbirstanlığında dəfn olunmuşdur.

TəhsiliRedaktə

1956-cı ilAğdam rayonunun Güllücə kənd orta məktəbini bitirmişdir. Araz Budaqov orta məktəbi qurtaran ildə də Azərbaycan Dövlət Tibb İnstitutuna daxil olmuş, 1962-ci ildə oranı fərqlənmə diplomu ilə bitirmişdir.[4]

FəaliyyətiRedaktə

Tibb fəaliyyətiRedaktə

1962-ci ilAzərbaycan Dövlət Tibb Universitetini bitirdikdən sonra təyinatla Sabirabada gəlmişdir. Əvvəlcə, rayonun Yolçubəyli, QaratəpəUlacalı kənd xəstəxanalarında baş həkim kimi fəaliyyət göstərmişdir.[4] O, həmçinin təcili yardım stansiyasında da həkim kimi fəaliyyət göstərmişdir.[1] 1963-cü ildə Axısxa kənd sahə xəstəxanasında (əvvəlki Qaralı kənd xəstəxanası) baş həkim vəzifəsində çalışmağa başlamışdır və 2011-ci ildə isə oradan təqaüdə ayrılmışdır.[5] Bundan əlavə, illərlə SabirabadŞirvan şəhərlərinin, həmçinin ətraf kəndlərin çoxsaylı tibb təhsili qurumlarında və səhiyyə ocaqlarında tələbələrə dərs demişdir. O, eyni zamanda Tibb İşçiləri Həmkarlar İttifaqı Sabirabad rayon Komitəsinin sədri vəzifəsində (19771988) işləmişdir.

6 oktyabr 2005-ci il tarixində Azərbaycan Respublikasının Prezidenti İlham Əliyev və xanımı Mehriban Əliyeva Sabirabada səfərləri zamanı "Muğan" klinikasını istifadəyə vermişlər.[6][7] Açılış mərasiminə qonaq qismində Araz həkim də dəvət olunmuşdur.[8] Açılışdan sonra hazırlanmış xatirə kitabındakı təəssüratları:

 
"Muğan" klinikasının açılışı (6 oktyabr 2005)[9]
Ölkə prezidentinin Sabirabad rayonuna səfəri artıq tarixi hadisə kimi xatırlanır. Sabirabadın sosial iqtisadi inkişafına göstərdiyi qayğıya görə biz cənab İlham Əliyevə təşəkkürümüzü bildiririk. Rayonumuzda son bir il yarımda həddindən artıq quruculuq, abadlıq işləri görülüb, küçələr, parklar, xiyabanlar yenidən qurulub, bir çox iş yerləri açılıb, park və xiyabanlar salınıb. Biz də bu quruculuq işlərinə qoşulmuşuq. İcra Hakimiyyəti başçısının rəhbərliyi altında hər bir rayon sakini bu xeyirxah işə qoşulub. Ulu öndərimizin ad günü ərəfəsində şəhərdə xüsusi canlanma var. Yaradılan hər bir yenilik ümummilli liderimizə töhfəmizdir. Mən kollektivimiz adından ölkə başçısı İlham Əliyevə göstərdiyi qayğıya görə təşəkkürümü bildirirəm və bəyan edirəm ki, biz onun siyasətini həmişə dəstəkləyəcəyik.[10]
 
Araz Budaqovun deputat seçkilərində iştirak afişası
 
Araz Budaqovun Azərbaycan SSR-in Sabirabad rayonunun Surra Kənd Deputatları Sovetinə deputat seçilməsi barədə təsdiqedici sənəd (17 mart 1969)

Deputatlıq fəaliyyətiRedaktə

Araz Budaqov Azərbaycan SSR Sabirabad rayon sovetinin deputatı vəzifəsinə təyin olunmuşdur. Həmçinin o, 17 mart 1969-cu ildə 14 №-li Axısxa seçki dairəsindən Sabirabad rayonunun Surra Kənd Zəhmətkeş Deputatları Sovetinə deputat seçilmişdir.[11]

Uğur və mükafatlarıRedaktə

İşlədiyi müddətdə dəfələrlə "Sosializm yarışının qalibi" döş nişanı, Azərbaycan SSR Səhiyyə Nazirliyinin, rayon partiya komitəsinin, "Bilik" Cəmiyyətinin fəxri fərmanları ilə təltif edilmişdir. SSRİ səhiyyə əlaçısıdır. Azərbaycan SSR Ali Soveti Rəyasət Heyətinin fəxri fərmanını, Vladimir İliç Leninin anadan olmasının 100 illik yubiley medalı, həmçinin SSRİ Qırmızı Xaç və Qızıl Aypara Cəmiyyətinin medallarını və s. almışdır.[1]

Medal və ordenləriRedaktə

  • "Vladimir İliç Leninin anadan olmasının 100 illiyi münasibətilə" yubiley medalı — (7 aprel 1970)
  • "SSRİ Qırmızı Xaç və Qızıl Aypara Cəmiyyəti"nin 50 illiyinə (1923–1973) həsr olunmuş orden — (23 may 1973)
  • "Sosialist Yarışının Qalibi" medalı (1973) — (27 fevral 1974)
  • "Sosialist Yarışının Qalibi" medalı (1976) — (2 avqust 1977)
  • "Sosialist Yarışının Qalibi" medalı (1978) — (23 may 1979)
  • "SSRİ Səhiyyə əlaçısı" döş inşanı (13 iyun 1983)
  • Araz Budaqovun "SSRİ Səhiyyə Əlaçısı" döş nişanının sənədi

  • Araz Budaqova "Sosialist Yarışının Qalibi" medalının (1973) verilməsi barədə sənəd

  • Araz Budaqova "Sosialist Yarışının Qalibi" medalının (1978) verilməsi barədə sənəd

  • Araz Budaqova "SSRİ Qırmızı Xaç və Qızıl Aypara Cəmiyyəti"nin 50 illiyinə (1923–1973) həsr olunmuş ordenin verilməsi barədə sənəd

Fəxri fərman və diplomlarıRedaktə

  • "SSRİ Qırmızı Xaç və Qızıl Aypara" Cəmiyyətinin fəxri fərmanı (29 dekabr 1971)
  • "Azərbaycan SSR Qırmızı Xaç və Qızıl Aypara" Cəmiyyətinin 50 illik yubileyi ilə bağlı fəxri fərmanı (29 iyun 1973)
  • Azərbaycan SSR Səhiyyə İşçiləri Həmkarlar İttifaqını Respublika Komitəsinin fəxri fərmanı (3 dekabr 1975)
  • Azərbaycan SSR Ali Sovetinin Rəyasət Heyətinin fəxri fərmanı (21 sentyabr 1976)
  • "Bilik" Cəmiyyətinin təşəkkürnaməsi (3 fevral 1982)
  • "Bilik" Cəmiyyətinin təşəkkürnaməsi (28 avqust 1983)
  • Azərbaycan Kommunist Partiyası Sabirabad Rayon Komitəsinin fəxri fərmanı (1987)
  • "Bilik" Cəmiyyətinin təşəkkürnaməsi (8 fevral 1988)
  • Azərbaycan Respublikası Sabirabad Rayon İcra Hakimiyyətinin fəxri fərmanı (17 iyun 2001)
  • "Azərbaycan və Avropa" Redaksiyasının təltifnaməsi (4 noyabr 2008)
  • Sabirabad Mərkəzi Rayon Xəstəxanasının fəxri fərmanı (31 dekabr 2008)
  • Sabirabad Mərkəzi Rayon Xəstəxanasının fəxri fərmanı (17 iyun)

QalereyaRedaktə

Xarici keçidlərRedaktə

İstinadlarRedaktə

  1. 1 2 3 "Muğan" qəzeti, №109. 13 sentyabr 1990-cı il.
  2. "Suqovuşan" ictimai-siyasi qəzeti, №12 (7023). 15 iyun 2004-cü il.
  3. 1 2 "Suqovuşan" qəzeti, №17 (6665). 22 iyun 1995-ci il.
  4. 1 2 "Muğan Şirvan" qəzeti. 1 iyul 2021 tarixli sayı.
  5. "Muğanın səsi" qəzeti, №17–18 (7523). 12 mart 2021-ci il.
  6. Prezident İlham Əliyevin bölgələrə rəsmi səfərlərinin siyahısı, president.az
  7. "Muğan" klinikasının açılışı, azertag.az
  8. "Sabirabad". Şərq-Qərb Nəşriyyatı, 9 sentyabr 2008-ci il.
  9. Azərbaycan Respublikasının Prezidenti cənab İlham Əliyevin Sabirabada səfərləri, sabirabad-ih.gov.az
  10. "Aktual". 10 may 2006.
  11. "İllərin axarında". Elçin Nəsib
  12. "Təbliğatçı" jurnalı, №5 (31). May, 1984-cü il.
  13. "Muğan-Şirvan" qəzeti, №19–20 (60). 18–28 dekabr 2008-ci il.