Tüklü palıd

Tüklü palıd
Tüklü palıd
Elmi təsnifat
	Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Fabids Dəstə: Fıstıqçiçəklilər Fəsilə: Fıstıqkimilər Yarımfəsilə: Quercoideae Cins: Palıd Növ: Tüklü palıd
Beynəlxalq elmi adı
	Quercus pubescens Willd.;
NCBI	39471
EOL	1151340

Tüklü palıd (lat. Quercus pubescens) — bitkilər aləminin fıstıqçiçəklilər dəstəsinin fıstıqkimilər fəsiləsinin palıd cinsinə aid bitki növü.

Təbii yayılması

Yabani halda Cənubi Krımda, Zaqafqaziyanın şimal hissəsində, Cənubi Avropada və Kiçik Asiyada bitir.

Botaniki təsviri

Hündürlüyi 8–10 m-dək, enli çətirli ağac və ya koldur. Gövdəsinin və budaqlarının qabığı tünd bozumtul rənglidir. Yarpaq saplağı və yarpaqları tüklü, kənarları bütöv və ya seyrək dişlidir. Düz qalxan gövdəsi silindrvari formalıdır. Cavan zoğları çox tükcüklüdür. Yarpaqların uzunluğu 5–10 sm, forma və ölçülərinə görə çox dəyişkən, 4–8 cüt küt və ya ucu biz qanadlı, üstü tünd yaşıl, çılpaq, alt tərəfi boz-yaşıl tükcüklüdür. May ayında çiçəkləyir, qozaları noyabr ayında yetişir. Qozanı əhatə edən pulcuqları tükcüklüdür.

Ekologiyası

Yavaş böyüyür, işıq və istisevəndir, quru daşlı yamaclarda və əhəngli torpaqlarda bitir. Budanmanı yaxşı keçirir. Uzunömürlüdür. Şaxtaya və quraqlığa davamlıdır. Quraqlıq rayonlarda yaşıllaşdırma üçün qiymətli növdür, daşlı, digər növlər inkişaf etməyən torpaqlarda bitir.

Azərbaycanda yayılması

Bəzi rayonlarda park və bağlarda rast gəlinir.

İstifadəsi

Hündür canlı hasarlar və fiqurlu, budanmış formalar üçün gözəl materialdır. Mantar palıdı və digər istisevən cənub növləri yaşıllaşdırma üçün əlverişlidir.

Sinonimləri

Homotipik sinonimləri

Quercus alba var. pubescens (Willd.) Willd.
Quercus brevipedunculata var. pubescens (Willd.) St.-Lag.
Quercus robur var. pubescens (Willd.) Bonnier
Quercus sessiliflora var. pubescens (Willd.) Loudon

Yarımnövləri

Quercus pubescens subsp. crispata (Steven) Greuter & Burdet
Quercus pubescens subsp. pubescens
Quercus pubescens subsp. subpyrenaica (Villar) Rivas Mart. & C.Saenz