Təbib (qəzet)
Bu məqalədə yalnız ilkin və ya onunla əlaqəli mənbələrdən istifadə olunur. |
Təbib — Bakıda çap olunan, Azərbaycan Tibb Universitetinin qəzeti. Qəzet universitet daxilində yayılır. 2014-cü ilin yanvarından 8 səhifə olmaqla rəngli çap olunur[1].
| Təbib | |
|---|---|
.jpg) | |
| Format | A3 |
| Təsisçi | |
| Baş redaktorlar |
Məğrur Əliyev Məsul katib: Mənsur Ələkbərov, Müxbir: Arif Məmmədli |
| Yaranma tarixi | 1933 |
| Dil | Azərbaycan dili |
| Səhifə | 8 |
| Ünvan | Mərdanov qardaşları küçəsi 100. |
| Tiraj | 1.000 |
| amu.edu.az/publications/1 | |
Haqqında
redaktəAzərbaycan Tibb Universitetinin mətbu orqanı olan "Təbib" qəzetinin ilk sayı 1932–1938-ci illərdə Tibb institutuna rəhbərlik etmiş böyük ictimai-siyasi və dövlət xadimi Əziz Əliyevin şəxsi təşəbbüsü ilə 16 dekabr 1933-cü ildə "Tibbi qadro uğrunda" adı altında işıq üzü görüb. Həmin dövrlərdə qəzetin səhifələrində institutun professorlarından Əziz Əliyev, İ.Şirokoqov, M.A.Topçubaşov, Trubin, Luqov və başqalarının imzalarına tez-tez rast gəlmək mümkündür.
Qəzet 1937-ci ilin 20 noyabrından etibarən "Medisina qadrları uğrunda" adı altında öz fəaliyyətini davam etdirir. 1940-cı ilin mart ayından kiril əlifbası ilə nəşr olunur. 1941-ci ilin may ayına qədər 12 sayı işıq üzü görən qəzetin nəşri iyun ayında İkinci Dünya müharibəsinin başlanması ilə əlaqədar dayandırılır. Bundan sonra müəyyən fasilələrlə işıq üzü görən qəzet 1969-cu ildə "Tibbi kadrlar uğrunda" başlığı altında fəaliyyətini davam etdirir. 1990-cı ilin sentyabr ayından "Təbib" adlanır. 1995–1996-cı illərdə qəzetin fəaliyyəti zəifləyir, müvəqqəti olaraq nəşri dayandırılır.
"Təbib" qəzeti 1997-ci ilin iyun ayından tanınmış yazıçı, şair-publisist Eldar İsmayılın baş redaktorluğu ilə yeni redaksiyada nəşrə başlayır. Ayda iki dəfə işıq üzü görən qəzet 2014-cü ilin yanvar ayından etibarən 8 səhifə həcmində, rəngli şəkildə çap olunur. Azərbaycan Tibb Universitetinin rektoru, professor Gəray Gəraybəylinin əmri ilə 2021-ci ilin may ayında qəzetin baş redaktoru vəzifəsinə uzun illər aparıcı qəzet və saytlarda, o cümlədən televiziya sahəsində çalışmış, 44 günlük Vətən müharibəsində iştirak etmiş Məğrur Əliyev (Əli Polad) təyin olunur.
Hazırda "Təbib" qəzeti 5 nəfər redaksiya heyətindən ibarətdir: Məğrur Əliyev (baş redaktor), Mənsur Ələkbərov (məsul katib), Arif Məmmədov (müxbir), Qabil Abdullayev (korrektor) və Mirağa Cavadov (proqramçı-mühəndis).
Qəzet universitetin ictimai həyatı, elmi yeniliklər, ən müxtəlif tədbirlər, aktual mövzular, tədris prosesi, tələbə dünyası, ölkəmizdə və dünyada səhiyyə sahəsi ilə bağlı məlumatları mütəmadi olaraq öz oxucularına çatdırır. Qəzetin səhifələrində yer alan həkim məsləhətləri, tanınmış alimlərin çıxışları təkcə tibb ictimaiyyəti, tələbələr arasında deyil, həmçinin geniş oxucu kütləsi tərəfindən rəğbətlə qarşılanır.
"Təbib" qəzeti təkcə universitet həyatı ilə kifayətlənmir, Azərbaycan səhiyyəsi ilə bağlı və cəmiyyətin maraq dairəsində olan aktual məsələlərə daim diqqət ayırır. Müasir dövrün texnoloji imkanlarından istifadə edilərək, qəzetin materialları universitetin amu.edu.az saytı və ölkəmizin digər elektron informasiya resursları vasitəsilə mütəmadi olaraq daha geniş auditoriyaya çatdırılır.
Universitet rəhbərliyi, dekanlar, kafedra müdirləri, eləcə də professor-müəllim heyəti və tələbələrlə sıx əməkdaşlıq edən, onlara müxtəlif rubrikalar altında mütəmadi yer verən qəzetin yaradıcı heyəti vaxtaşırı sorğular apararaq, oxucuların maraq dairəsini nəzərə alır, yeni ideyalar həyata keçirir.
Hazırda "Təbib" qəzeti respublika səviyyəli nəşrlərdən geri qalmır. Məzmunla yanaşı, vizual tərtibatın da önəmini nəzərə alan redaksiya heyəti Yeni il, Novruz bayramı, Zəfər Günü və digər əlamətdar tarixlərlə bağlı fərqləndirici və gözoxşayan elementlərdən istifadə edir.
Bütün dövrlərdə öz ənənəsinə sadiq qalan "Təbib" qəzeti həm də Azərbaycan Tibb Universitetinin salnaməsidir. Belə ki, qəzetdə dərc olunan materiallar gələcək tədqiqatçılar üçün əhəmiyyətli bir mənbədir.
Əlaqə
redaktə- e-mail: tabibqazeti@gmail.com
- Facebook: https://www.facebook.com/profile.php?id=100056822552687
- Internet ünvanı: https://amu.edu.az/publications/1
- tel. +994(12) 595 24 97
Həmçinin bax
redaktəİstinadlar
redaktə- ↑ "Təbib" qəzeti, № 02 (1577), 31 yanvar, 2014-cü il
- ↑ Aytən Əliyeva. ""Bizim qəzet" layihəsi – Azərbaycanda 21 min tirajla çıxan ən bahalı qəzet". modern.az (az.). 2023-11-26 tarixində arxivləşdirilib. İstifadə tarixi: 2023-11-26.