Tələt Xanlarov

Azərbaycan-sovet memarı

Tələt Ağasıbəy oğlu Xanlarov (26 avqust 1927(1927-08-26), Bakı2004, Bakı) — SovetAzərbaycan memarı, Azərbaycan EA-nın akademiki, Azərbaycan SSR əməkdar memarı (1975), Şərq Ölkələri Beynəlxalq Memarlıq Akademiyasının vitse-prezidenti, "Şöhrət" (2000) və "Şərəf Nişanı" ordenli, Prezident təqaüdçüsü olmuşdur.[1]

Tələt Xanlarov
Talat Khanlarov.jpg
Şəxsi məlumatlar
Doğum tarixi
Doğum yeri
Vəfat tarixi
Vəfat yeri
Vətəndaşlığı SSRİ SSRİ
Azərbaycan Azərbaycan
İşləri və nailiyyətləri
İşlədiyi şəhərlər Bakı, Sumqayıt, Naxçıvan
Əsas tikililəri Heydər Əliyev adına İdman Arenası
Memar Əcəmi metrostansiyası
Təbriz mehmanxanası
Elmi işləri Sovet Azərbaycanın memarlığı (1972)
Mükafatları
"Azərbaycan SSR əməkdar arxitektoru" fəxri adı — 1975
"Şöhrət" ordeni — 2000 "Şərəf Nişanı" ordeni  — 1980 Vladimir İliç Leninin anadan olmasının 100 illiyi ilə əlaqədar yubiley medalı — 1970
Vikianbarın loqosu Vikianbarda əlaqəli mediafayllar

HəyatıRedaktə

Tələt Xanlarov 26 avqust 1927-ci ildə Bakı şəhərində qədim Bakı əsilzadələri nəslindən olan Peterburq Universitetinin hüquq fakültəsinin məzunu Аğasıbəy Əli Qulu bəy oğlu Xanlarovun ailəsində anadan olmuşdur. Anası Sara xanım Azərbaycan Tibb Universitetinin ilk məzunlarından biri idi. Tələt ailənin böyük oğlu idi.[2]

Tələt Xanlarov 1956-cı ildə Azərbaycan Politexnik İnstitutunu bitirmişdir.[3]

O, 1956–1992-ci illərdə Dövlət Tikinti və Arxitektura Komitəsinin "Azərdövlətlayihə" Baş Dövlət Layihə İnstitutunda memar, layihənin baş memarı, 2 nömrəli memarlıq-layihələndirmə şöbəsinin rəhbəri, institutun Baş memarı vəzifələrində işləyərək əsas müəllif əsərlərini yaratmışdır.[3]

1992-ci ildən "Akademik T.A.Xanlarovun yaradıcılıq emalatxanası"na başçılıq edirdi və Bakı şəhəri və onun ətraf qəsəbələrində inşa edilməkdə olan "İmam Rza" məscidi, Qafqaz İslam Universitetinin kompleksi, Nərimanov rayonunda Cümə məscidi, prokuratura işçilərinin yaşayış binası, bir neçə inzibati, yaşayış binalarının və fərdi bağ evlərinin layihələrini tərtib etmişdir.[3]

1967–2002-ci illər ərzində Bakı Şəhər İcra Hakimiyyətinin Baş Memarlıq İdarəsinin Şəhərsalma Şurasının üzvü kimi fəaliyyət göstərmişdir.[3]

ƏsərləriRedaktə

Tələt Xanlarov 60-dan artıq layihənin müəllifidir, o cümlədən: Heydər Əliyev adına İdman Arenası,[Qeyd 1] Memar Əcəmi metrostansiyası, Mərkəzi Statistika idarəsi, Baş Təchizat idarəsinin Hesablama mərkəzi, Nərimanov[Qeyd 2] və Nizami[Qeyd 3] rayonlarında icra hakimiyyətlərinin inzibati binaları, Mingəçevir şəhərində avarçəkənlərin Olimpik bazası, Sumqayıt şəhərində Üzeyir Hacıbəyov adına "Kimyaçı" Mədəniyyət Sarayı, Naxçıvan şəhərində Təbriz mehmanxanası və s.[3]

Qara Qarayev, Hüseyn Cavid, Tofiq Əliyev, Əlövsət Quliyev və digər tanınmış şəxsiyyətlərin yaşadıqları binalarda xatirə lövhələrinin və qəbirüstü abidələrin müəllifidir.[3]

Təltif və mükafatlarıRedaktə

Elmi işləriRedaktə

  • Sovet Azərbaycanın memarlığı — Moskva: Stroyizdat, 1972. — s 112.

QeydlərRedaktə

  1. Yuzef QədimovTahir Abdullayevlə birlikdə.[3]
  2. İ.M. İbrahimovla birlikdə.[3]
  3. H.K Muxtarovla birlikdə.[3]

İstinadlarRedaktə

  1. "XANLAROV TƏLƏT AĞASIBƏY oğlu (1927-2004)". Azərbaycan Memarlar İttifaqı.
  2. Elturan Avalov, Azərbaycanın əməkdar incəsənət xadimi. Яркое творчество мастера. Азербайджанские известия. 22 avqust 2007. 3.
  3. 1 2 3 4 5 6 7 8 9 İnşaatçı. Xüsusi buraxılış TƏLƏT XANLAROV – 90. 26 avqust 2017. 1.
  4. "Azərbaycan memarlarının "Şöhrət" ordeni ilə təltif edilməsi haqqında Azərbaycan Respublikası Prezidentinin Fərmanı" (azərb.). e-qanun.az. 19 aprel 2000. İstifadə tarixi: 17 noyabr 2018.