Təvəkkül Xankişiyev
Təvəkkül Gülbala oğlu Xankişiyev (1924, Yuxarı Qaramanlı, Neftçala rayonu – 5 yanvar 1977) — Azərbaycanın dövlət və ictimai-siyasi xadimi, Azərbaycan Kommunist Partiyası Neftçala Rayon Komitəsinin birinci katibi (1973–1977), Azərbaycan SSR Ali Sovetinin IX çağırış deputatı.
| Təvəkkül Xankişiyev | |
|---|---|
 | |
Azərbaycan SSR Ali Sovetinin IX çağırış deputatı | |
| 1975 – 5 yanvar 1977 | |
| Seçki dairəsi | 305 nömrəli Xolqarabucaq |
Azərbaycan Kommunist Partiyası Neftçala Rayon Komitəsinin birinci katibi | |
| 28 aprel 1973 – 5 yanvar 1977 | |
| Əvvəlki | vəzifə yenidən təsis edilib |
| Sonrakı | İbrahim Qurbanov |
Salyan Rayon Xalq Deputatları Soveti İcraiyyə Komitəsinin sədri | |
| – 1973 | |
| Sonrakı | İbrahim Qurbanov |
| Şəxsi məlumatlar | |
| Doğum tarixi | 1924 |
| Doğum yeri | |
| Vəfat tarixi | 5 yanvar 1977 |
| Partiya | |
| Təhsili |
|
| Fəaliyyəti | siyasətçi |
Həyatı redaktə
Təvəkkül Gülbala oğlu Xankişiyev 1924-cü ildə Yuxarı Qaramanlı kəndində doğulub. Orta məktəbi bitirib Xıllı rayon torpaq şöbəsində uçot üzrə inspektor işləyən Təvəkkül Xankişiyev İkinci dünya müharibəsində iştirak edir. 1942–1949-cu illərdə Sovet Ordusunda xidmət göstərmişdir.
Təvəkkül Xankişiyev 1977-ci il yanvarın 5-də ov tüfəngindən açılan güllə ilə intihar etmişdir.
Siyasi fəaliyyəti redaktə
Müharibədən qayıtdıqdan sonra Xıllı Rayon Partiya Komitəsində əvvəlcə təlimatçı, daha sonra rayon partiya komitəsinin katibi işləyir. 1957–1960-cı illərdə Bakı Ali Partiya Məktəbinin dinləyicisi olan Təvəkkül Xankişiyev məktəbi bitirdikdən sonra Azərbaycan Neft Kəşfiyyatı tresti 2 saylı qazma kontorunun ilk partiya təşkilatının katibi olmuşdur. Sonra, o, Neftçaladakı Xanlar adına sovxozun direktoru, Salyan Rayon XDS İcraiyyə Komitəsinin sədr müavini, Salyan rayon Partiya Komitəsinin katibi və Salyan Rayon XDS İcraiyyə Komitəsinin sədri işləyir. 1973-cü ildə isə Neftçala rayonu təşkil edilərkən birinci katib seçilir.
Təvəkkül Xankişiyev dəfələrlə respublika Ali Sovetinə deputat seçilmiş, orden və medallarla təltif edilmişdir.
Mənbə redaktə
- Тәвәккүл Әлибала оғлу Ханкишијев // Азәрбајҹан ССР Али Советинин депутатлары. Доггузунҹу чағырыш. Бакы: Азәрбајҹан Дөвләт Нәшријјаты. 1976. С. 346.