Tephroseris cladobotrys

Tephroseris cladobotrys (lat. Tephroseris cladobotrys) — bitkilər aləminin astraçiçəklilər dəstəsinin mürəkkəbçiçəklilər fəsiləsinin tephroseris cinsinə aid bitki növü.

Tephroseris cladobotrys
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superasterids Klad: Asterids Klad: Campanulids Dəstə: Astraçiçəklilər Fəsilə: Mürəkkəbçiçəklilər Yarımfəsilə: Asteroideae Triba: Senecioneae Cins: Tephroseris Növ: Tephroseris cladobotrys
Beynəlxalq elmi adı
Tephroseris cladobotrys Griseb. & Schenk, 1852
Şəklin VikiAnbarda axtarışı EOL   5104952

Botaniki xarakteristikası

Çoxillik, hündürlüyü 40-120 sm olan, gövdəsi sadə, düzdayanan, hörümçəktoruvari tüklənmiş, qısa kökümsovlu bitkidir. Yarpaqları tünd yaşıl, qıraqları bütöv, yaxud diş-dişlidir. Kökyanı və aşağı gövdə yarpaqları yumurtavari-uzunsov, küt və ya ucu biz, saplaqları enlidir. Orta gövdə yarpaqları oturaq, lansetvari və ya dar uzunsov, küt və ya ucu bizdir. Səbətləri çiçəkləyən vaxt sıx çətir formalı çiçəkqurupunda yığılır. Səbətin ayaqcıqları müxtəlif uzunluqda, hörümçəktoruvari tüklüdür. Sarğısı 5–7 mm enində yarımkürəvari, daxili yarpaqları 4–5 mm uzunluqda ucu biz lansetvari, onlardan 2-3 dəfə kiçik olan xarici yarpaqları xətvaridir. Dilcik çiçəkləri sarı və ya narıncı rəngdədir. Toxumcaları 3–4 mm, silindirvari, nazik qabırğalı, tüklü, qonurtəhərdir; kəkili ağ, parlaq, toxumcadan 1,5-2 dəfə uzundur.

Yayılması

BQ qərbi, BQ şərqi, BQ Quba sahəsinin rayonlarında yuxarı meşə və subalp qurşaqlarında yayılmışdır. Dağ çəmənlərində, yaylaqlarda, otlaqlarda, meşə talalarında və meşə kənarlarında bitir.

Yarımnövləri

• Tephroseris cladobotrys subsp. cladobotrys
• Tephroseris cladobotrys subsp. subfloccosa (Schischk.) Greuter