The Half
The Half (azərb. Yarı) — Azərbaycan rok musiqi qrupu. 2017-ci il 14 mart tarixindən "Crambone Inventive League" leyblı daxilində fəaliyyətə başlamışdır. "The Half" musiqi qrupunun solo gitaraçısı və söz yazarı Nicat Gülməmmədov, ritm gitaraçısı Cahid Rəsullu, vokalisti isə Teymur Eyvazovdur.[1]
| The Half | |
|---|---|
| Əsas məlumatlar | |
| Üslub |
Psixodelik rok Alternativ rok Blüz Etnik-rok Post-rok |
| Fəaliyyət illəri | 2017-h.h. |
| Ölkə |
 Azərbaycan |
| Şəhər | Bakı |
| Dil | Azərbaycan dili |
| Leybl | Crambone Inventive League |
| Heyət |
|
| Əməkdaşlıq | Vugarixx |
| thehalfband.az | |
Tarixi
redaktə"The Half" musiqi qrupu Nicat Gülməmmədov və Cahid Rəsullu tərəfindən 2017-ci ilin yanvar ayında qurulub, daha sonra isə Teymur Eyvazovun da qrupa vokalist kimi qoşulması ilə tam fəaliyyətə başlamışdır.[2] "Balta" cizgi serialının 5-ci seriyası üçün "Andromeda" mahnısını hazırlamışdılar. Qrup "Ey gözəl" sinqlı ilə daha çox tanınmış və sevilmişdir. 28 avqust 2018-ci il tarixində Nizami Kino Mərkəzində keçirilmiş "Balta" cizgi serialının 5-ci seriyasının qala gecəsində konsert vermişdir.[3] Kreativ təqdimat formaları ilə seçilən qrup 2021-ci il 14 fevral tarixində sevgililər gününə xüsusi olaraq hazırladığı "Şablon sevgi" musiqi videosu ilə diqqət çəkmişdir. Eyni zamanda sözügedən mahnı daxilində 33 ədəd "sev" köklü sözdən istifadə edib Azərbaycan mahnıları arasında bu rekordu qıraraq yerli sevgi mahnılarına istehza etmişdir. Qrupun bir çox kliplərinin müəllifi Rəvan Muradovun rejissorluğu ilə hazırlanmış "Birdən ölsək" adlı animasiyalı musiqi videosu isə Animafilm festivalında 2023-cü ilin "Ən yaxşı Azərbaycan qısametrajlı animasiya filmi" mükafatına layiq görülmüşdür. Bu mükafat rejissora dünyanın ən nüfuzlu animasiya festivalı olan "Annecy" Beynəlxalq Festivalında iştirak haqqı qazandırmışdır. [4]
Diskoqrafiya
redaktəSinqllar
redaktəAlbom
redaktəSöhbətdən kənar
redaktə- Ölənə Qədər
- Necə Unudum Səni (Remake)
- Bir Yalnızın Hekayəsi II
- Düşünmə
- Söhbətdən Kənar
- Eyni Səhifələr
- Sevdim
- Once Upon A Time In Baku
İstinadlar
redaktə- ↑ "About Half". The Half (az.). Facebook. 2019-03-24 tarixində arxivləşdirilib. İstifadə tarixi: 2019-03-24.
“The Half” alternative rock, minimalistic instrumental, blues, ethnic rock, post rock və s. janrlarda ifa edən musiqi qrupudur. Qrup üzvləri Teymur Eyvazov, Cahid Rəsullu və Nicat Gülməmmədovdan ibarətdir.
- ↑ "FREESTYLE: TARLANTİS VƏ THE HALF QRUPU RETRO VƏ SOFT ROK KONSERTİ". www.yarat.az (az.). YARAT. 16 may 2017. 24 March 2019 tarixində arxivləşdirilib. İstifadə tarixi: 24 mart 2019.
“The Half ” qrupu 5 aydır ki, psixodelik və alternativ rok janrı üzrə fəaliyyət göstərir. Qrupun solo gitaraçısı Nicat Gülməmmədov, ritm gitaraçısı Cahid Rəsullu və vokalisti Tevfik Ayhandır.
- ↑ "Balta 5 - Qala Gecəsi". www.ikiqat.com (az.). İki Qat. 2019-03-24 tarixində orijinalından arxivləşdirilib. İstifadə tarixi: 24 mart 2019.
Ayrıca "The Half" qrupu öz canlı ifaları ilə tədbirə rəng qatacaq.
- ↑ "Azərbaycan Annecy Beynəlxalq Animasiya Film Festivalında təmsil olunur". azertag.az (az.). 2024-06-13 tarixində arxivləşdirilib. İstifadə tarixi: 2024-12-01.