Tofiq Allahverdiyev

Tofiq Əliheydər oğlu Allahverdiyev (18 fevral 1917, Bakı9 iyun 1987, Bakı) — Azərbaycan dövlət xadimi, Azərbaycan SSR Dövlət Texniki Peşə Təhsili Komitəsinin sədri (1966–1982).

Tofiq Allahverdiyev
Azərbaycan SSR Dövlət Texniki Peşə Təhsili Komitəsinin sədri[a]
1 mart 1966 – 18 oktyabr 1982
ƏvvəlkiMusa Ağayev
SonrakıHeydər İsayev
Azərbaycan Kommunist Partiyası Bakı Şəhər Komitəsinin birinci katibi
1955 – 1961
ƏvvəlkiMəmməd Qurbanov
SonrakıNəsrulla Nəsrullayev
Azərbaycan Həmkarlar İttifaqları Şurasının sədri
29 mart 1948 – 29 may 1950
Əvvəlkişura yenidən yaradılıb
Sonrakıİsmayıl Əskərov
Şəxsi məlumatlar
Doğum tarixi 18 fevral 1917(1917-02-18)
Doğum yeri
Vəfat tarixi 9 iyun 1987(1987-06-09) (70 yaşında)
Vəfat yeri
Partiya
Fəaliyyəti siyasətçi
Rütbəsi mayor
Elmi fəaliyyəti
Elmi dərəcəsi
Elmi adı

Təltifləri "Oktyabr inqilabı" ordeni 1-ci dərəcəli "Vətən müharibəsi" ordeni 2-ci dərəcəli "Vətən müharibəsi" ordeni "Qırmızı əmək bayrağı" ordeni "Qırmızı əmək bayrağı" ordeni "Xalqlar dostluğu" ordeni "Şərəf nişanı" ordeni “Əmək igidliyinə görə” medalı "Qafqazın müdafiəsinə görə" medalı "1941–1945-ci illər Böyük Vətən müharibəsində Almaniya üzərində qələbəyə görə" medalı

Həyatı redaktə

Tofiq Əliheydər oğlu Allahverdiyev 1917-ci ildə Bakı şəhərində həkim ailəsində anadan olmuşdur. 1930-cu ildə Paris kommunası adına zavodun fabrik-zavod şagirdliyi məktəbinə daxil olaraq qaynaqçı ixtisasına yiyələnmiş, 1940-cı ildə Azərbaycan Sənaye İnstitutunu dağ mühəndisi ixtisası üzrə bitirmişdir.[1] Təhsil illərindən, 1938-ci ildən komsomol işində çalışmışdır.[2] Azərbaycan LKGİ Bakı Şəhər Komitəsinin şöbə müdiri, sonra isə katibi olmuşdur.[3]

Tofiq Allahverdiyev 1942-ci ildən Böyük Vətən müharibəsi iştirakçısı olmuş, atıcı diviziyanın siyasi şöbəsində hərbi xidmət keçmişdir. Yaralandıqdan sonra ordudan tərxis edilmiş, yenidən komsomol işinə qayıtmışdır. 1944-cü ilədək Azərbaycan LKGİ Mərkəzi Komitəsinin katibi olmuşdur. 1944-cü ilin fevral ayından SSRİ Xalq Müdafiə Komissarlığı Kəşfiyyat İdarəsinin Akademiyasında bir il təhsil almış, 1945–1947-ci illərdə İranda, SSRİ konsulluğunda katib işləmişdir. 1947-ci ildə Azərbaycan Kommunist Partiyası Mərkəzi Komitəsi şöbə müdirinin müavini, 1947–1948-ci illərdə isə şöbə müdiri vəzifələrində çalışmışdır.[1] 1948-ci ildən həmkarlar ittifaqı sahəsində fəaliyyətini davam etdirmiş, Azərbaycan Həmkarlar İttifaqları Şurasının sədri olmuşdur.[3]

1950–1952-ci illərdə Tofiq Allahverdiyev Azərbaycan KP MK katibi, Azərbaycan KP Gəncə Vilayət Komitəsinin katibi vəzifələrində çalışmışdır.[4] Daha sonra "Gürganneft" tresti rəisinin müavini işləmiş, 1953–1955-ci illərdə SSRİ Neft Sənayesi Akademiyasının dinləyicisi olmuşdur. 1955–1961-ci illərdə Azərbaycan KP Bakı Şəhər Komitəsinin birinci katibi vəzifəsində çalışmışdır.[1] 1961–1966-cı illərdə Azərbaycan Neft və Kimya İnstitutunda dosent işləmiş, 1966-cı ildən 1982-ci ildə təqaüdə çıxanadək Azərbaycan SSR Dövlət Texniki Peşə Təhsili Komitəsinin sədri olmuşdur.[3]

Tofiq Allahverdiyev 1939-cu ildə Sovet İttifaqı Kommunist Partiyasının üzvlüyünə qəbul edilmiş, 1956 və 1959-cu illərdə Sov.İKP XX və XXI qurultaylarının nümayəndəsi olmuşdur.[5] 1956–1961-ci illərdə Azərbaycan KP MK üzvü və büro üzvü, 1971-ci ildən isə Mərkəzi Komitə üzvlüyünə namizəd olmuşdur.[6] SSRİ Ali Sovetinin (3-cü və 5-ci çağırış) və Azərbaycan SSR Ali Sovetinin (3-cü və 7–10-cu çağırışlar) deputatı seçilmişdir.[4]

Tofiq Allahverdiyev "Oktyabr inqilabı", "Qırmızı əmək bayrağı", 1-ci və 2-ci dərəcəli "Vətən müharibəsi", "Şərəf nişanı" ordenləri və SSRİ medalları ilə təltif edilmişdir. İttifaq əhəmiyyətli fərdi təqaüdçü olmuşdur.[3]

Tofiq Allahverdiyev uzun sürən xəstəlikdən sonra 7 iyun 1987-ci ildə vəfat etmişdir.[3]

Qeydlər redaktə

  1. 1 mart 1966 – 5 aprel 1967-ci illərdə Azərbaycan SSR Nazirlər Soveti Dövlət Peşə-Texnika Təhsili Komitəsinin sədri[⇨] və 5 aprel 1967 – 4 oktyabr 1978-ci illərdə Azərbaycan SSR Nazirlər Soveti Dövlət Texniki Peşə Təhsili Komitəsinin sədri kimi[⇨]

İstinadlar redaktə

  1. 1,0 1,1 1,2 Tofiq Əliheydər oğlu Allahverdiyev // Azərbaycanın təhsil nazirləri. Bakı: Bakınəşr. 2010. səh. 134–139. ISBN 978‑9952‑8145‑0‑7.
  2. Аллаһвердијев Тофиг Әлиһејдәр оғлу // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 34.
  3. 3,0 3,1 3,2 3,3 3,4 Т. Ә. Аллаһвердијев // Коммунист. № 134 (20303). 10 ијун 1987-ҹи ил. С. 4.
  4. 4,0 4,1 Аллаһвердијев Тофиг Әлиһејдәр оғлу // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 30.
  5. Allakhverdiev, Tofik Ali-Geydorogly // Prominent personalities in the USSR (ingilis). Metuchen, New Jersey: Scarecrow Press. 1968. səh. 20.
  6. Allakhverdiev, Tofik Ali Geidar ogly // Who's Who in the Socialist Countries (ingilis). New York: Saur. 1978. səh. 16. ISBN 0-89664-011-6.

Xarici keçidlər redaktə