Tofiq Zeynalov
Bu məqaləni vikiləşdirmək lazımdır. |
Zeynalov Tofiq Məhəmmədəli oğlu (17 iyul 1944, Qovlar, Tovuz rayonu – 11 sentyabr 2024[4]) — 1991–1992 və 2007–2018-ci illərdə Tovuz rayonu İcra hakimiyyətinin başçısı.
| Tofiq Zeynalov | |
|---|---|
 | |
Tovuz Rayon İcra hakimiyyətinin başçısı | |
| 27 fevral 2007[1] – 7 iyun 2018[2] | |
| Sonrakı | Məmməd Məmmədov |
| 1991 – 29 may 1992[3] | |
| Sonrakı | Səməd Pənahov |
| Şəxsi məlumatlar | |
| Doğum tarixi | 17 iyul 1944 |
| Doğum yeri | |
| Vəfat tarixi | |
| Partiya | |
| Fəaliyyəti | siyasətçi |
Həyatı
redaktəZeynalov Tofiq Məhəmmədəli oğlu 17 iyul 1944-cü ildə Tovuz rayonunun Qovlar qəsəbəsində anadan olmuşdur[5].
Azərbaycan Kənd Təsərrüfatı İnstitutunun kənd təsərrüfatının mexanikləşdirilməsi fakültəsini və Bakı Ali Partiya məktəbini bitirib.
Əmək fəaliyyətinə 1960-cı ildə Qovlar İnternat məktəbində kitabxana müdiri kimi başlamışdır. 1964–1967-ci illər hərbi xidmətdə olub.
1971-ci ildə Tovuz rayon Komsomol Komitəsində təlimatçı vəzifəsinə təyin olunub. 1971–1973-cü illərdə Tovuz rayon Komsomol Komitəsində təşkilat şöbəsinin müdiri işləyib. 1973–1976-cı ilərdə Tovuz rayon Komsomol Komitəsinin birinci katibi işləyib. 1976–1978-ci ilərdə Bakı Ali Partiya məktəbində təhsil almışdır.
1978–1982-ci illərdə Tovuz şəhər 155 №-li Texniki Peşə Məktəbinin direktoru vəzifəsində çalışıb. 1982–1985-ci illərdə Tovuz rayon Partiya Komitəsində təlimatçı vəzifəsində işləyib. 1985–1986-cı illərdə Tovuz rayon Partiya Komitəsinin şöbə müdiri vəzifəsində işləyib. 1986–1989-cu illərdə Engels adına üzümçülük və şərəbçılıq sovxozunun direktoru vəzifəsində işləyib. 1989–1990-cı illərdə Tovuz rayon Aqrar Kombinatının baş direktorunun birinci müavini vəzifəsində işləyib.
1990–1991-ci illərdə Tovuz rayon Aqrar Kombinatının baş direktoru vəzifəsində işləyib. 1993–1999-cu illərdə M. B. Qasımov adına Üzüm istehsalı və emalı müəssisəsinin direktoru, YAİK-in sədri vəzifəsində işləyib. 2000–2001-ci illərdə Kənd Təsərrüfatı Nazirliyinin Beynəlxalq əlaqələr idarəsində rəis müavini, 2001–2002-ci illərdə isə rəisi vəzifəsində işləyib. 2002–2007-ci illərdə Tovuz Ərazi Kənd Təsərrüfatı idarəsinin rəisi vəzifəsində işləyib.
11 sentyabr 2024-cü ildə vəfat edib.[6]
Ailəsi
redaktəAiləlidir. 4 övladı var. Azərbaycan Respublikası Daxili İşlər Nazirliyinin Baş Dövlət Yol Polisi İdarəsinin rəisi, general-mayor Ramiz Zeynalovun qardaşıdır.[7]
İctimai-siyasi fəaliyyəti
redaktə1991–1992-ci illətdə Tovuz rayon İcra Hakimiyyətinin başçısı vəzifəsində işləyib.
27.02.2007-ci il tarixdən Azərbaycan Respublikası Prezidentinin Sərəncamı ilə Tovuz Rayon İcra Hakimiyyətinin başçısı vəzifəsinə təyin edilmişdir.
Yeni Azərbaycan Partiyasının üzvü idi.
İstinadlar
redaktə- ↑ "Arxivlənmiş surət". 2022-01-08 tarixində arxivləşdirilib. İstifadə tarixi: 2022-01-08.
- ↑ "Arxivlənmiş surət". 2022-01-08 tarixində arxivləşdirilib. İstifadə tarixi: 2022-01-08.
- ↑ "Arxivlənmiş surət". 2022-01-08 tarixində arxivləşdirilib. İstifadə tarixi: 2022-01-08.
- ↑ Ramiz Zeynalovun sabiq icra başçısı olan qardaşı vəfat etdi.
- ↑ "İcra hakimiyyətinin başçısı". 2022-06-18 tarixində arxivləşdirilib. İstifadə tarixi: 2013-02-24.
- ↑ modern.az. "TƏBİB Ramiz Zeynalovun qardaşının ölümü ilə bağlı məlumat YAYDI". modern.az (az.). 2024-09-11 tarixində arxivləşdirilib. İstifadə tarixi: 2024-09-11.
- ↑ "Azərbaycandakı vəzifəli şəxslərin vəzifəli qohumları - SİYAHI". 2023-04-01 tarixində arxivləşdirilib. İstifadə tarixi: 2023-04-01.