Toson Şimazaki
Toson Şimazaki (島崎 藤村, Şimazaki Toson?, 25 mart 1872[1], Maqome-cuku[d], Gifu prefekturası – 22 avqust 1943[1][2], Oiso[d][3]) və ya doğum adı ilə Haruki Şimazaki – Yaponiya yazıçısı. Yapon naturalizminin əsas müdafiəçilərindən biri olmuşdur.
| Toson Şimazaki | |
|---|---|
| yap. 島崎藤村 | |
 | |
| Doğum adı | 島崎 春樹 |
| Doğum tarixi | 25 mart 1872[1] |
| Doğum yeri |
|
| Vəfat tarixi | 22 avqust 1943[1][2] (71 yaşında) |
| Vəfat yeri | |
| Vəfat səbəbi | beyin qansızması[d] |
| Dəfn yeri |
|
| Uşaqları | |
| Atası | Masaki Şimazaki[d] |
| Təhsili | |
| Fəaliyyəti | şair, romançı, yazıçı, söz yazıçısı[d] |
| Fəaliyyət illəri | 1897–1943 |
| Əsərlərinin dili | yapon dili |
| İstiqamət | naturalizm |
| Tanınmış əsərləri | |
| Üzvlüyü | |
 Toson Şimazaki Vikimənbədə | |
 Vikianbarda əlaqəli mediafayllar | |
İlk illəri
redaktə1872-ci ildə Naqano prefekturasının Maqome şəhərində doğulmuşdur. Doğum adı Harukidir. Yaponiya klassiklərinin tədqiqatçısı olmuş Masaki Şimazakinin dördüncü oğlu idi.[4] Şimazaki ailəsi fermer sinfinə mənsub olsa da, regionun aparıcı ailələrindən biri olmuşdur.[5]
1881-ci ildə təhsil almaq məqsədilə Tokioya köçmüşdür. 1887-ci ildə Meyci Qakuin məktəbinə daxil olmuş, 1891-ci ildə məzun olmuşdur. 1893-cü ildə "Bungakukai" ədəbi jurnalını təsis edən şəxslərdən biri olmuşdur. 1896-cı ildə müəllim kimi işləmək üçün Tokiodan Sendaya köçmüşdür.[5] Bir il Tohoku Qakuin məktəbində dərs demişdir.[4] 1897-ci ildə "Gənc bitkilər kolleksiyası" adlı ilk şeir kolleksiyasını nəşr etmişdir. Romantik üslubda yazılmış bu şeir kolleksiyası gənc oxucular tərəfindən bəyənilmişdir.[5] 1899-cu ildə Naqano prefekturasının Komoro şəhərinə köçmüş və Komoro Qicuku məktəbinin müəllimi olmuşdur. 1900-cü ildə növbəti şeir kolleksiyası nəşr olunmuşdur. [4]
Yazıçılıq fəaliyyəti
redaktəTokioya qayıtdıqdan sonra roman yazmağa qərar vermişdir. "Sulu boya rəssamı" onun ilk roman işi olmuşdur.[4] 1906-cı ildə "Pozulmuş əmr" adlı əsas romanı nəşr olunmuşdur. Yaponiya ədəbiyyatının ilk naturalist romanı hesab olunan bu romanın baş qəhrəmanı burakumin olduğunu gizlətməyə çalışan məktəb müəllimidir.[5]
Toson növbəti illərdə avtobioqrafik romanlar yazmağa üslünlük vermişdir. 1908-ci ildə yazdığı ikinci romanı "Bahar" onun gənclik illərindən bəhs edir. 1910–1911-ci illərdə yazdığı "Ailə" romanı yapon naturalizminin klassik əsərlərindən biri hesab olunur. Roman yazıçının qohumluq əlaqələri olduğu iki ailənin zəifləməsindən bəhs edir. Toson 1929–1935-ci illərdə yazdığı əsas tarixi romanı olan "Şəfəqdən öncə" romanında Meyci islahatını atasının prespektivindən təsvir etmişdir.[5]
Toson 1935-ci ildə yaradılmış Yaponiya PEN Klubunun ilk prezidenti olmuşdur.[6] Gi de Mopassanın hekayələrini yapon dilinə tərcümə etmişdir.[7]
Xatirəsi
redaktəTosonun doğulduğu ev bərpa olunaraq 1952-ci ildə Toson Memorial Muzeyi kimi açılmışdır.[8]
İstinadlar
redaktə- ↑ 1 2 3 4 Shimazaki Toson // Encyclopædia Britannica (ing.).
- ↑ 1 2 Tōson Shimazaki // Brockhauz Ensiklopediyası (alm.).
- ↑ 1 2 Shimazaki Tōson // Encyclopædia Britannica (ing.).
- ↑ 1 2 3 4 The Japan Biographical Encyclopedia & Who's Who. səh. 1399
- ↑ 1 2 3 4 5 Kodansha Encyclopedia of Japan (ingiliscə). VII cild (Sake–Temm). Tokio: Kodansha. 1983. səh. 101. ISBN 0-87011-627-4. 20 September 2022 tarixində arxivləşdirilib. İstifadə tarixi: 5 may 2024.
- ↑ Kodansha Encyclopedia of Japan (ingiliscə). V cild (Libr–Nijo). Tokio: Kodansha. 1983. səh. 21. ISBN 0-87011-625-8. 20 September 2022 tarixində arxivləşdirilib. İstifadə tarixi: 5 may 2024.
- ↑ Kodansha Encyclopedia of Japan (ingiliscə). VIII cild (Temp–Z). Tokio: Kodansha. 1983. səh. 245. ISBN 0-87011-628-2. 20 September 2022 tarixində arxivləşdirilib. İstifadə tarixi: 5 may 2024.
- ↑ "Toson Memorial Muzeyi". Rəsmi sayt (yaponca). 8 dekabr 2023 tarixində arxivləşdirilib. İstifadə tarixi: 5 may 2024.
Ədəbiyyat
redaktə- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 1398-1399. İstifadə tarixi: 5 may 2024.