Tosun Paşa (film, 1976)

Tosun paşa - ssenarisini Yavuz Turqulun qələmə aldığı, rejissorluğunu Qartal Tibetin üstləndiyi, Ertəm Sərt ilə Nahid Atamanın prodüserlik etdiyi 1976-cı il istehsalı türk komediya filmi. Filmin hekayəsi Nazim Hikmətin 1939-cu ildə qələmə aldığı eyniadlı ssenari əsasında yazılmışdır. Filmin baş rollarında Kamal Sunal, Şənər Şen, Müjdə Ar, Adile NaşitAyşən Qruda yer alır. Kamal Sunalın canlandırdığı Tosun Paşa obrazı dövrün Misir valisi kavalalı Mehməd Əli Paşanın oğlu Əhməd Tosun Paşadan ilhamlanaraq yaradılmışdır.[1]

Tosun Paşa
Türkçə: Tosun Paşa
Janr Komediya
Rejissor Qartal Tibet
Əsərin müəllifi Nazim Hikmət
Ssenari müəllifi Yavuz Turqul
İlk baxış tarixi 1 fevral 1977
Rəng Rəngli
Müddət 86 dəqiqə
Ölkə Türkiyə
Dil Türkcə
İl 1976
IMDb ID 0253828

MövzusuRedaktə

Filmdəki hadisələr XIX əsrdə Osmanlı imperiyasının tərkibindəki Misir əyalətində baş verir. Tellioğulları və Səfəroğulların adındakı 2 ailə İskəndəriyyənin ən dəyərli yeri olan Yaşıl Vadi üçün bir-birləriylə şiddətli mübarizəyə içindədirlər. Vadinin kimə aid olduğuna dövlət məmurları da qərar verə bilmirlər. Bundan sonra Tellioğlu ilə Səfəroğlu ailələri Yaşıl Vadini ələ keçirmək üçün İskəndəriyyənin ən böyük dövlət məmuru olan Davər Bəyin (Mete Sezər) qızı Leylanı (Müjdə Ar) almaq üçün bir növ yarışa başlayırlar. Davər Bəy Leylanı Səfəroğullarına verməyə qərar verir. Bu vəziyyətdə Tellioğulları böyük hiyləyə baş vuraraq evin qulluqçusu olan Şabanı Qahirə sarayının ən hörmətli və heybətli paşası olan Tosun Paşa kimi tanıdırlar. Tosun Paşa qiyafəsindəki Şaban Tellioğlu ailəsinin ən böyük oğlu Lütfinin (Şenər Şen) yaxın dostu kimi davranıb Yaşıl Vadi və Leylanı Tellioğullarına qazandırmaq yerinə Leylaya özü aşiq olur. Beləliklə hər şeyi korlayır. Nəticədə işlər çox qarışır və ən sonunda həqiqi Tosun Paşa Qahirə sarayından çıxıb gəlir. Həqiqi Tosun Paça (Oktar Duruqan) Yaşıl Vadiyə əl qoyur və Davər Bəyin qızını alır. Bu hadisədən ötrü kəllələrini zorla qurtaran Tellioğulları həyatta qaldıqları üçün şükür edən vəziyyətə gəlirlər. Hamının gözündə təqsirkar Şaban olur.

Çəkiliş məkanlarıRedaktə

Yaşılköy səmtindəki Simənoğlu köşkü Tellioğlu ailəsinin igamətgahı kimi istifadə edildi. İskəndəriyyə bəyi Davər Bəyin köşk səhnələrində bayır məkan olaraq Emirqandakı Sarı köşk, iç məkan üçün isə Sarıyerdəki Səid Həlim Paşa yalısı seçildi.[2] Filmin çöl səhnələri İstanbulun Şile ilçəsinin Ağaclı kəndində çəkildi.

Tellioğullarının böyüyü Aqil obrazını canlandıran Aqil Öztuna filmin çəkilişlərinin davam etdiyi Kəmərburqazda dəvədən düşərək iç qanama keçirdi və xəstəxanaya yerləşdirildi. Filmin başlarında görünən aktyor sonrakı səhnə çəkilişlərinə qatıla bilmədi. 18 noyabr 1976-cı ildə film göstərimə girmədən 71 yaşında xəstəxanada vəfat etdi.[3]

İstinadlarRedaktə

  1. "www.imdb.com :Tosun Paşa".[ölü keçid]
  2. "Türk sinemasının en önemli platolarından: Simenoğlu Köşkü". [ölü keçid]
  3. "Akıl Hoca'yı Tosun Paşa öldürdü!".