Ulus (qəzet, Köln)
Ulus qəzeti — Almaniyanın Köln şəhərində nəşr olunan müstəqil ictimai-siyasi və ədəbi-kulturoloji mühacirət mətbuatı.[1][2][3]
| Ulus | |
|---|---|
.jpg) | |
| Növ | müstəqil ictimai-siyasi və ədəbi-kulturoloji qəzet |
| Format | A3 |
| Təsisçi | Hilal Ulus |
| Baş redaktor | Hilal Ulus |
| Yaranma tarixi | 1 noyabr 1995) |
| Dil | Azərbaycan türkcəsi, farsca |
| Nəşrini dayandırıb | mart 1999 |
| Qiymət | 2 alman markası |
| Səhifə | 4 (18-ci sayı 6) |
| Şəhər | Köln |
| Ölkə |
 Almaniya |
| Tiraj | 500 nüsxə |
Haqqında
redaktəUlus qəzetinin ilk sayı 1995-ci ilin noyabrında Almaniyanın Köln şəhərində nəşr olunub. Əslən Azərbaycanın Güneyindən olan Hilal Ulusun qurucusu oluduğu və onun redaktorluğu ilə çıxan qəzet Azərbaycan türkcəsi və farsca yayınlanıb. İki alman markasına satılan müstəqil mühacirət mətbuatı kimi yayınlanan qəzet müstəmləkəçiliyə qarşı yazılarla çıxış etmiş, Güney Azərbaycanın müstəqilliyini müdafiə etmişdir.[2]
A3 formatında dörd səhifədən ibarət olan qəzetin yazıları ictimai-siyasi, kultroloji incələmələr, xəbər, bildiriş, bəzən də qısa şeir və hekayələrdən ibarətdir. Hər sayda fars dilli oxuculara yönəlik iki siyasi yazı verilmişdir. Qəzetin ilk 10 sayı aylıq, 21-ci sayınadək iki aydan bir, sonra isə fasilələrlə yayınlanmışdır. Qəzetin toplam sayısı 23, son buraxılışı isə 1999-cu ilin mart ayında olmuşdur. Üçüncü sayıdan ərəb əlifbası ilə olan türkcə yazıların başlıqları latın əlifbası ilə yazılmaqla yanaşı, bu qrafikada da məqalələr verilir. Ulusun türkcə yazılarında dilin yad sözlərdən arındırma çabası gözə çarpır, həmçinin dildə işlək olan bir çox yabancı sözlərin dırnaq arasında türkcə qarşılığı verilir. Qəzetin 18-ci sayısı altı səhifədən oluşur, bunun iki səhifəsi özəl olaraq türkmən bir yazarın qələminə məxsusdur. Tirajı 500 nüsxə olan qəzet poçt vasitəsilə ilə Amerika və Avropa ölkələri ilə yanaşı, Türkiyə, Azərbaycan, İran və başqa ölkələrdə yayılmışdır. Qəzetdə dərc olunan yazılarda Azərbaycan və Türk xalqları ilə yanaşı, çeçenlər, kosovalılar kimi topluluqlara da yer verilmişdir. Qəzetin başlığında «Ana istəklərimiz» qapsamında Azərbaycanın torpaq bütünlüğü vurğusu ilə «Bağımsızlıq uğurunda sömürgəçi fars şovinizmi işğalına qarşı uğraşıb, Azərbaycan sorununu güncəl etmək» yazılıbdır. Yeddinci sayıdan başlayaraq qəzetin sonunda qurucu və redaktor kimi Hilal adı verilmişdir.[1]
İstinadlar
redaktə- ↑ 1 2 Enver Uzun. İran Türk Basınının 200 Yılı (1814 - 2014). İstanbul. 2014. 432. ISBN 978-6058829145.
- ↑ 1 2 Vaqif Sultanlı. Azərbaycan Mühaceret Edebiyatı. İstanbul: Avrupa Yakası Yayınları. 2007.
- ↑ Yeganə Hacıyeva. "İran İslam inqilabından sonra Güney Azərbaycanda ana dili uğrunda mübarizə". turkishnews.com. 19 aprel 2020 tarixində arxivləşdirilib. İstifadə tarixi: 19 aprel 2020.