Uqo Çaves

Uqo Rafael Çaves Frias (isp. Hugo Rafael Chávez Frías; 28 iyul 1954^[…] – 5 mart 2013^[…]) — Venesuela dövlət və hərbi xadimi, 1999–2013-cü illərdə Venesuela prezidenti, Venesuela Vahid Sosialist Partiyasının rəhbəri (2007–2013).

Uqo Çaves
Hugo Rafael Chávez Frías
Venesuelanın 74-cü prezidenti
2 fevral 1999 – 5 mart 2013
Əvvəlki	Rafael Kaldera
Sonrakı	Nikolas Maduro
Şəxsi məlumatlar
Doğum adı	Hugo Rafael Chávez Frías
Doğum tarixi	28 iyul 1954
Doğum yeri	Sabaneta, Barinas, Venesuela
Vəfat tarixi	5 mart 2013 (58 yaşında)
Vəfat yeri	Karakas, Venesuela
Vəfat səbəbi	kolorektal xərçəng
Partiya	Venesuela Vahid Sosialist Partiyası
Fəaliyyəti	siyasətçi, zabit
Həyat yoldaşları	Nensi Kolmenares (1992-dək) Marisabel Rodriges Oropeza (2002)
Uşaqları	1-ci evlilikdən: Rosa Virxiniya Mariya Qabriela Uqo Rafael Raul Alfonso 2-ci evlilikdən: Rosines
Dini	Katolik
Hərbi xidmət
Mənsubiyyəti	Venesuela ordusu
Qoşun növü	Quru qoşunları
Rütbəsi	Polkovnik-leytenant
chavez.org.ve todochavez.gob.ve
Vikianbarda əlaqəli mediafayllar

Həyatı

Uqo Rafael Çaves Frias 28 iyul 1954-cü ildə Venesuelanın Barinas ştatının Sabaneta şəhərində anadan olub.

1992-ci ildə yarı-hərbçi kimi Çaves sonradan prezident olan Karlos Andres Peresə qarşı uğursuz hərbi çevrilişə başçılıq edib. Lakin çevriliş baş tutmamış və o 2 il müddətinə azadlıqdan məhrum edilmişdi. Çavesin sonradan siyasətdə bəxti gətirib. 1998-ci ildə populist seçki platforması, eləcə də yoxsulluğa və korrupsiyaya son qoymaq vədləri ilə Çaves neftlə zəngin Venesuelada prezident seçilib. 2002-ci ildə hərbi çevriliş nəticəsində iki günlük hakimiyyətdən kənarlaşdırılsa da, onu dəstəkləyən hərbçilərin əks çevrilişi nəticəsində yenidən hakimiyyətə qayıtmışdır.

Gəncliyində peşəkar beysbol oyunçusu olmaq istəyən Çaves, əvəzində böyük siyasətə daxil olmuşdu. Xarici siyasətdə ABŞ əleyhinə çıxışları ilə tanınan Çaves, eyni mövqedə duran digər dövlət başçıları — Fidel Kastro, Mahmud Əhmədinejad və Muəmmər Qəddafi ilə dost münasibətlərə malik idi. Özünü inqilabçı hesab edən Çaves, Fidel Kastrodan ilhamlandığını iddia edirdi.. Latın Amerikasında siyasi baxışlarına görə Çavesin müttəfiqi hesab olunan dövlətlər Boliviya, Uruqvay, Argentina və həm də iqtisadi baxımdan Venesueladan asılı olan Kuba idi.

2011-ci ildə xərçəng xəstəliyindən əziyyət çəkdiyi müəyyənləşən Çaves, 4 dəfə Kubada cərrahiyyə əməliyyatı keçirmişdir. Lakin, 2012-ci ilin 9 dekabr tarixində növbəti müalicə kursu üçün Kubaya yola düşən Uqo Çavesin səhhəti haqqında bir-birindən fərqli müxtəlif iddialar ortaya atılsa da, uzun sürən onkoloji xəstəlikdən sonra 5 mart 2013-cü ildə 59 yaşında xərçəng xəstəliyindən Karakasda vəfat etmişdir. Onun ölkədə olmadığı müddətdə Venesuelada növbəti prezident seçkiləri keçirilmiş və o, növbəti dəfə Venesuela prezidenti seçilmişdi.