Vüqar Mustafayev
Vüqar Valeh oğlu Mustafayev (1986, Bakı) — Azərbaycan müdafiə sənayesi naziri (2023-cü ildən).
| Vüqar Mustafayev | |
|---|---|
Vəzifədədir | |
| 18 noyabr 2023-cü ildən | |
| (i. e. 14–16 fevral 2024) | |
| Prezident | İlham Əliyev |
| Baş nazir | Əli Əsədov |
| Əvvəlki | Mədət Quliyev |
| 15 mart 2023 – 18 noyabr 2023 | |
| Nazir | Mədət Quliyev |
| Şəxsi məlumatlar | |
| Doğum tarixi | 1986 |
| Doğum yeri | |
| Təhsili | |
| Fəaliyyəti | siyasətçi |
| Uşağı | 2 |
Həyatı
redaktəVüqar Mustafayev 1986-cı ildə Bakı şəhərində anadan olub. Əslən qədim Borçalı mahalından — indiki Gürcüstan Respublikasının Bolnisi rayonundakı Ayorta kəndindəndir.[1]
2004-cü ildə bakalavr dərəcəsi üzrə Azərbaycan Respublikasının Prezidenti Yanında Dövlət İdarəçilik Akademiyasının Mühəndis iqtisadiyyatı və idarəetmə — Menecment ixtisasına daxil olmuş, 2008-ci ildə fərqlənmə ilə bitirmişdir.[2] 2010 – 2013-cü illərdə Xəzər Universitetinin Maliyyə və kredit ixsitsası üzrə "Biznesin idarə edilməsi (MBA)" magistr proqramı üzrə məzun olmuşdur.[3]
O, 2016-cı ildən etibarən beynəlxalq assosasiya olan Daxili Auditorlar İnstitutunun üzvü olmaqla yanaşı "Certified İnternal Auditor (CİA)" – Beynəlxalq Daxili Auditor kvalifikasiyası əldə etmişdir və 2020-ci ildən beynəlxalq "İBM Data Science Specialization" – Data Elmi üzrə ixtisastlaşmış kvalifikasiyaya sahibdir.[2]
Azərbaycan Daxili İşlər Nazirliyi Daxili Qoşunlarının N saylı hərbi hissəsində hərbi xidmətdə olub.[4]
Ailəlidir. İki övladı var.
Karyerası
redaktəVüqar Mustafayev bakalavr təhsili dövründə 2006 – 2008-ci illərdə müxtəlif şirkətlərdə təlim koordinatoru və maliyyə və mühasibatlıq üzrə mütəxəssis vəzifələrində fəaliyyət göstərib.
2009 – 2012-ci illərdə Azərbaycanda fəaliyyət göstərən beynəlxalq audit şirkəti "Ernst & Young CIS B. V" şirkətində baş mütəxəssis olaraq çalışıb. 2012 – 2014-cü illərdə Azerfon MMC-də daxili audit departamentinin direktoru vəzifəsini icra edib. 2014-cü ildən etibarən PAŞA Holdinq MMC və ona aid olan şirkətlərdə müxtəlif rəhbər vəzifələrində çalışıb. 2014-cü ildə PAŞA Holdinq MMC-də icraçı direktorun müşaviri vəzifəsinə təyin olunub. 2014-cü ildən etibarən PAŞA Sığorta ASC və PAŞA Həyat Sığorta ASC-nin təftiş komissiyasının sədri kimi fəaliyyət göstərib. 2021-ci ildə PAŞA Holdinq MMC-nin Türkiyə Respublikasındakı nümayəndəliyinin rəhbəri, eyni zamanda İstanbul mərkəzli PDT və Gayrımenkul A. Ş. şirkətinin müşahidə şurasının sədri təyin edilib.[2][3]
Azərbaycan Respublikası Prezidentinin 15 mart 2023-cü il tarixli Sərəncamı ilə Azərbaycan Respublikası müdafiə sənayesi nazirinin müavini vəzifəsinə təyin olunub.[2][3]
Azərbaycan Respublikası Prezidentinin 18 noyabr 2023-cü il tarixli Sərəncamı ilə Azərbaycan Respublikası müdafiə sənayesi naziri vəzifəsinə təyin olunub.[5]
İstinadlar
redaktə- ↑ "Soydaşımız Vüqar Mustafayev müdafiə sənayesi naziri təyin olunub". Zim.az. 2024-01-17 tarixində arxivləşdirilib. İstifadə tarixi: 2024-01-17.
- ↑ 1 2 3 4 "Rəhbərlik". mdi.gov.az (az.). 2022-08-19 tarixində arxivləşdirilib. İstifadə tarixi: 2023-03-28.
- ↑ 1 2 3 "Müdafiə sənayesi nazirinə yeni müavin təyin olunub". Apa.az (az.). 2023-03-28 tarixində arxivləşdirilib. İstifadə tarixi: 2023-03-28.
- ↑ modern.az. "Mədət Quliyevin yeni müavini kimdir? - DOSYE". modern.az (az.). İstifadə tarixi: 2023-03-28.
- ↑ "V.V.Mustafayevin Azərbaycan Respublikasının müdafiə sənayesi naziri təyin edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2023-11-18 tarixində arxivləşdirilib. İstifadə tarixi: 2023-11-19.