Vikipediya

Vaqif Şıxəliyev

Vaqif Məmməd oğlu Şıxəliyev (6 sentyabr 1978, Şəki)[4] — Azərbaycan müğənnisi, Abşeron rayon Mədəniyyət Mərkəzinin bədii rəhbəri[5]

Vaqif Şıxəliyev
Ümumi məlumatlar
Doğum adı Vaqif Məmməd oğlu Şıxəliyev
Ləqəbi AzəriStar Vaqif
Doğum tarixi 6 sentyabr 1978(1978-09-06) (46 yaş)
Doğum yeri
Musiqiçi məlumatları
Fəaliyyəti xanəndə
Fəaliyyət illəri 1993-cü ildən
Janrlar pop musiqisi, muğam, klassik musiqi, xalq musiqisi
Musiqi aləti tar
Səs tembri tenor
Albom şirkəti MusicYes Azərbaycan
Əlaqələri Əlibaba Məmmədov, Gülyaz Məmmədova, Gülyanaq Məmmədova, Teymur Əmrah
Təhsili
Üzvlüyü
Mükafatları

"Azəri Star 2005" qalibi (I yer)[1]

Vikianbarın loqosu Vikianbarda əlaqəli mediafayllar

Həyatı

redaktə

Vaqif Şıxəliyev 1978-ci il sentyabr ayının 6-da Şəki şəhərində anadan olmuşdur. 1985–1994-cü illərdə Şəki şəhəri 5 saylı orta məktəbdə, eyni zamanda 1989–1994-cü illərdə Şəki şəhəri 2 saylı uşaq musiqi məktəbinin Xanəndəlik sinfində təhsil almışdır.[3]

1994–1997-ci illərdə Bakı şəhəri Bülbül adına orta ixtisas Musiqi Məktəbinin Xanəndəlik sinfində Əlibaba Məmmədovdan dərs almışdır. 1997–2001-ci illərdə Bakı Musiqi Akademiyasının Xanəndəlik fakültəsində Arif Babayevdən təhsil almışdır.

Musiqi Akademiyasında təhsil aldığı 1997–2001-ci illərdə Teymur Əmrahdan klassik mahnı janrı üzrə vokal dərsləri almışdır.[3]

1999–2005-ci illərdə Mirzəağa Əliyev adına Mədəniyyət Evində xalq çalğı alətləri ansamblının rəhbəri, 2005–2014-cü illərdə Rəşid Behbudov adına Azərbaycan Dövlət Mahnı Teatrında 1-ci dərəcəli vokalist artist, 2014–2015-ci illərdə Sumqayıt şəhər Mədəniyyət və Turizm İdarəsində klub metodisti vəzifələrində çalışmışdır. 2016-cı ildən Abşeron rayon Mədəniyyət Mərkəzində bədii rəhbər vəzifəsində fəaliyyət göstərir.[3]

Ailəsi

redaktə

Şəxsi həyatı

redaktə

Evlidir. 2 övladı — Elcan adlı oğlu[6] və Ayan adlı qızı var.[3]

Karyerası

redaktə

1993–1994-cü illər Şəki şəhərində "Xəzinə" adlı instrumental ansamblının solisti olmuşdur. Həmin illər bir neçə mahnı lentə aldırmışdır.[3]

İlk dəfə professional fəaliyyətini 2000-ci ildə bəstəsi Emin Sabitoğluya məxsus "Baladadaşın ilk məhəbbəti" filmindən "Sevgi" adlı mahnını ifa edərək, səsyazma ilə solo karyerasına başlamışdır və bu mahnı Azərbaycan Televiziyasınin "Qızıl Fond"una daxil edilmişdir. İfa etdiyi 20-dэn çox mahnı əsərləri "Qızıl Fond"da yer almışdır.[3]

2003-cü ildə "Gözüm səni axtarır", 2008-ci ildə "Yar gəlmədi",2015-ci ildə "Ah çəksəm" adlı musiqi albomları çıxmışdır. 2007-ci ildə ifa etdiyi "Yar gəlmədi" mahnısı müğənniyə ən çox uğur gətirən mahnılardan hesab olunur. Bundan başqa 2005-ci ildə "Sevirəm səni", 2006-cı ildə "Nə var ki?" 2012-ci ildə "Ah çəksəm", 2016-cı ildə "De vəfasızım", 2018-ci ildə "Sevgi nəğməsi" və vətənpərvərlik mövzularında ifa etdiyi [[2019]-cu ildə "Qardaşlıq Himni — Azərbaycan-Türkiyə", 2021-ci ildə "Qarabağ Kompozisiyası" mahnılarını ifa edərək populyarlıq qazanmışdır.[3]

Azərbaycan Respublikası Mədəniyyət Nazirliyi və Azərbaycan Dövlət Televiziyasının təşkilatçılığı keçirilmiş, AZTV-nin Qızıl Fonduna daxil olmuş bir sıra tədbir və konsertlərdə — 2000-ci və 2003-cü illərdə Oqtay Ağayevin yaradıcılığına həsr olunmuş gecələrdə, 2004-cü ildə Mirzə Babayevin 90 illik yubileyinə həsr olunmuş konsert proqramında, 2015-ci ildə bəstəkar Tahir Əkbərin, Rəşid Behbudovun, bəstəkarlar Emin Sabitoğlu, Ramiz Mirişli, İmruzə Hüseynova kimi şəxslərin yaradıcılıq gecələrinə həsr olunmuş konsert proqramlarında, çoxsaylı bədii tədbirlərdə çıxış etmişdir. Eyni zamanda müxtəlif dövrlərdə dövlət tədbirlərində və prezident seçkilərinə həsr olunmuş konsert proqramlarında, eləcə də 2005-ci ildə "Bakı-Tbilisi-Ceyhan neft kəməri" layihəsinin açılışı münasibətilə təşkil olunmuş prezidentlərin açılış etdiyi konsert-tədbirində çıxış etmişdir.[3]

2005-ci ildə Şəki və Gəncə şəhərlərində, 2009-cu ildə Bakı şəhərində Rəşid Behbudov adına Azərbaycan Dövlət Mahnı Teatrında solo konsertləri keçirilmişdir.

Azərbaycan Respublikası Mədəniyyət Nazirliyinin xətti ilə ölkədaxili və ölkəxarici bir sıra şəhərlərdə — Rusiyanın Dağıstan, Osetiya, Mahaçqala bölgələrində, Türkiyənin İstanbul, Qars, Ərzurum, Bayburt şəhərlərində və digər ölkələrdə qastrol səfərləri çərçivəsində konsert proqramları ilə çıxış etmişdir.[3]

Mədəniyyət və Turizm Nazirliyi və Bakı Şəhər İcra Hakimiyyətinin dəstəyi, Bakı şəhər Mədəniyyət və Turizm İdarəsinin təşkilatçılığı ilə "Bakı gecələri — 2010" Estrada Mahnı Festivalında iştirak etmişdir.[7]

Tahir Əkbər, Ramiz Mirişli, Faiq Sücəddinov, Nadir Əzimov, Ruhəngiz Qasımova, İmruzə Hüseynova, Sevda Məmmədli kimi incəsənət xadimlarinin ona yazılmış yeni mahnılarını ifa etmişdir.[3] Eyni zamanda Emin Sabitoğlu, Tofiq Quliyev, Oqtay Kazımi, Elza İbrahimova, Cahangir Cahangirov, Rauf Hacıyev, Əlibaba Məmmədov, Şəfiqə Axundova, Cavanşir Quliyev kimi dahi bəstəkarların əsərlərinə müraciət edərək, yeni aranjımanda ifa etmiş və lentə aldırmışdır.[3]

Gülyaz və Gülyanaq Məmmədova bacıları ilə işbirlikləri[8], duetləri olmuşdur.[3]

Hal-hazırda solo karyerasını davam etdirməkdədir.[9]

İncəsənətə xələl gətirdikləri üçün həmkarlarını tənqid edən ifaçılardandır.[10][11]

Mükafatları

redaktə

Diskoqrafiyası

redaktə

Albomlar

redaktə
  1. "Gözüm səni axtarır" (2003-cü il)
  2. "Yar gəlmədi" (2008-ci il)
  3. "Ah çəksəm" (2015-ci il)[12]

Sinqllar

redaktə
  1. "O körpəmin anasıdır" (2001-ci il, mus: Əbülfət Əliyev)[12]
  2. "Gözüm səni axtarır" (2003-cü il, mus: Rəhim Rəhimli, söz: Zahir Abbas)
  3. "Sevirəm səni" (2005-ci il, mus: Faiq Sücəddinov, söz: Novruz Cabbarov)
  4. "Bağışlamaram səni" (2005-ci il, mus: Nadir Əzimov, söz: İftixar Piriyev)
  5. "Nə var ki?" (2006-cı il, mus: İlhamə Adilqızı, söz: Gülağa Tənha)
  6. "Tellərin" (2006-cı il, söz-mus: Aşıq Ələsgər)
  7. "Dərdin alım" (2006-cı il, mus: Tahir Əkbər, söz: Osman Sarıvəlli)
  8. "Yar gəlmədi" (2007-ci il, mus: Sevda Məmmədli, söz: Vahid Əlioğlu)
  9. "Bakı" (2007-ci il, mus: İlham Kazımov, söz: Ramiz Fərəcoğlu)
  10. "Uça- uça qollarına" (2007-ci il, mus: Tunar Rəhmanoğlu, söz: Mehman Əhmədli)
  11. "Gəncədən gəlirəm" (2007-ci il, mus: Emin Sabitoğlu, söz: Əhməd Cavad)
  12. "Bir sevgi sənsiz" (2008-ci il, mus: Tahir Əkbər, söz: Hilal Həsənoğlu)
  13. "İndi bildim qədrini" (2008-ci il, mus: Gülnarə Seyidova)
  14. "Aşiq olmuşam" (2008-ci il, mus: Tahir Əkbər, söz: Rəna Mirzoyeva)
  15. "Ah çəksəm" (2012-ci il, mus: Hacı Nazim, söz: Altay Yaşar)
  16. "Anam Qocalır" (2013-cü il, mus: Sevinc Mansurova, söz: Əminə Seyidova)
  17. "Qızılgülüm" (2014-cü il, mus: Sevinc Mansurova, söz: Əminə Seyidova)
  18. "Bu yaşıl ağacın altı bizimdir" (2014-cü il, Aşıq musiqisi, söz: Zəlimxan Yaqub)
  19. "Nazlı Mələk" (2014-cü il, söz-mus: Bəhram Nəsibov)
  20. "Fərəh qızım" (2015-ci il, söz-mus: İlkin Valehoğlu)
  21. "De vəfasızım" (2016-cı il, söz- mus: Hacı Nazim)
  22. "Bağışla" (2017-ci il, mus: Cabbar Musayev, söz: Şahin Nəcəfov)
  23. "Ay ana, dostum evlənir" (2017-ci il, mus: Ruhəngiz Qasımova, söz: Fikrət Qoca)
  24. "Sevgi nəğməsi" (2018-ci il, söz- mus: Murad Zeynal)
  25. "Kimsən sən" (2018-ci il, mus: Tofiq Quliyev)
  26. "Qaytar eşqimi" (2019-cu il, mus: Oqtay Kazımi, söz: Fikrət Qoca)
  27. "Neylərsən" (2019-cu il, mus: Faiq Sücəddinov, söz: Nuridə Atəşi)
  28. "Qardaşlıq Himni — Azərbaycan-Türkiyə" (2019-cu il, mus: Aytən Oqtayqızı, söz: Qabil Ədalət)
  29. "Həkimlər" (2020-ci il, mus: Emin Sabitoğlu, söz: İslam Səfərli)
  30. "Qarabağ Kompozisiyası" (2021-ci il, mus: Aytən Oqtayqızı, söz: Cəlil Əliyev)[12]

İstinadlar

redaktə
  1. ↑ ""Vaqif Şıxəliyevin özünməxsus musiqi zövqü və sənəti var" – Azərbaycanın əməkdar artisti Nisə Qasımova" (az.). trend.az. 2008-01-11. 2022-01-19 tarixində arxivləşdirilib. İstifadə tarixi: 2022-01-19.
  2. ↑ 1 2 "Azəri Star 2005 müsabiqəsi" (az.). artist.az. 2022-01-28 tarixində arxivləşdirilib. İstifadə tarixi: 2022-01-19.
  3. ↑ 1 2 3 4 5 6 7 8 9 10 11 12 13 14 "Müğənni Vaqif Şıxəliyev öz bioqrafiyası haqqında danışdı" (az.). azertimes.az. 2021-10-11. 2022-06-15 tarixində arxivləşdirilib. İstifadə tarixi: =2022-01-19.
  4. ↑ "Vaqif Şıxəliyev - Azərbaycan artistləri" (az.). artist.az. 2022-01-19 tarixində arxivləşdirilib. İstifadə tarixi: 2022-01-19.
  5. ↑ "Vaqif Şıxsəliyev - Bioqrafiya" (az.). shaki.info. 2021-02-08. 2022-01-19 tarixində arxivləşdirilib. İstifadə tarixi: 2022-01-19.
  6. ↑ "Müğənni Vaqif Şıxəliyevin oğlu oldu" (az.). lent.az. 2009-11-03. 2022-01-19 tarixində arxivləşdirilib. İstifadə tarixi: =2022-01-19.
  7. ↑ ""Bakı gecələri - 2010" Estrada Mahnı Festivalında kimlər yarışacaq?" (az.). medeniyyat.az. 2010-09-03. 2022-01-19 tarixində arxivləşdirilib. İstifadə tarixi: 2022-01-19.
  8. ↑ "Müğənnilər əlil uşaqları sevindirdi" (az.). axsam.az. 2013-05-20. 2022-01-19 tarixində arxivləşdirilib. İstifadə tarixi: 2022-01-19.
  9. ↑ "Vaqif Şıxəlıyev: "Mən bayağı, toy mahnılarını oxuyan ifaçı deyiləm"" (az.). sonxeber.az. 2020-02-03. 2022-01-19 tarixində arxivləşdirilib. İstifadə tarixi: 2022-01-19.
  10. ↑ "Vaqif bu müğənniləri "topa tutdu": "Musiqili meyxana ciddi sənət deyil"" (az.). sherg.az. 2022-01-19 tarixində arxivləşdirilib. İstifadə tarixi: 2022-01-19.
  11. ↑ "Dostlarından paxıllıq görən müğənni Vaqif Şıxəliyev keçmişi xatırlatdı" (az.). muz-tv.az. 2018-04-01. 2022-01-19 tarixində arxivləşdirilib. İstifadə tarixi: 2022-01-19.
  12. ↑ 1 2 3 "Vaqif Sixaliyev on Amazon Music" (ingilis). music.amazon.com. 2022-01-19 tarixində arxivləşdirilib. İstifadə tarixi: 2022-01-19.

Xarici keçidlər

redaktə
Mənbə — "https://az.wikipedia.org/w/index.php?title=Vaqif_Şıxəliyev&oldid=7758843"