Vikipediya:Bilirsinizmi/19. Həftə 2023

• Amerika qitəsində ilk universitet 1551-ci ildə Meksikada qurulmuşdur. İndiki adı Meksika Milli Muxtar Universiteti olan ali məktəbdə həmin illərdə tibb, hüquq, teologiya və incəsənət kimi dərslər verilirdi. Həmin universitetin riyaziyyat bölümünün professorlarından biri də, azərbaycanlı Natiq Atakişiyevdir.
• Mexiko şəhəri qədim astek şəhəri olan Tenoçtitlan şəhərinin üzərində qurulub və genişlənmişdir. Öz növbəsində Tenoçtitlanda eyni adlı və göl kənarında yerləşmiş digər bir qədim şəhərin ümumi planı üzərinə qurulmuşdu ki, bu da şəhərin yavaş yavaş batmağına səbəb olurdu.
• Meksikanın 34-cü prezidenti olmuş Pedro Laskurain tarixə ən qısa müddət prezident vəzifəsini tutaraq "Ginnesin Rekordlar Kitabı"na düşmüşdür. Müxtəlif mənbələrdə prezidentlik müddətinin 15–56 dəqiqə arasında davam etdiyi göstərilir.
• 1943-cü ildə Bakı şəhərində ziyalı ailəsində anadan olmuş, əslən Qazax rayonundan olan alim, biologiya elmləri doktoru və professor Fikrət Abdullayev Meksikada Eksperimental onkologiya laboratoriyasının rəhbəri vəzifəsində çalışmış 2000-ci ildən etibarən isə Meksika Elmlər Akademiyasının akademiki seçilmişdir.
• 2012-ci ilin 2 fevral tarixində Meksika Senatı Xocalı soyqırımının rəsmən tanınması ilə bağlı qərar qəbul edib. Həmin ilin avqust ayında isə ölkə paytaxtı Mexiko şəhərindəki Tlakskoake–Xocalı meydanında soyqırımla bağlı abidə yerləşdirilib.