Microsoft Windows

Microsoft şirkətinin istehsalı əməliyyat sistemi ailəsi
(WINDOWS səhifəsindən istiqamətləndirilmişdir)

Microsoft Windows — 1985-ci ildə Microsoft şirkəti tərəfindən satışa çıxarılan əməliyyat sistemi. 1987–1989 illərdə Windows sistemində işləyən çoxlu sayda güclü və rahat proqramlar yaradıldı. Məsələn, Windows üçün Microsoft Word, Excel, Aldus PageMaker və s. Bu proqramların yayılması istifadəçilər arasında Windows sisteminin populyarlığının artmasına səbəb oldu. 10 noyabr 1983-cü ildə Microsoft şirkəti Windows sistemini MS-DOS əməliyyat sisteminin qrafik örtüyü qismində təqdim etmişdir. Bu sistem IBM tipli fərdi kompüterlərdə istifadə olunmağa başlamışdır.

Microsoft Windows
Loqonun şəkli
Yazılıb C, C++, Assembler
İlk buraxılış 20 noyabr 1985
Paketlər menecerləri Microsoft Store[d]
Dəstəklənən platformalar ARM[d], İA-64[d], Itanium, PowerPC[d], x86
İnterfeys .NET Framework
Veb saytı microsoft.com/en-…​ (ing.)
Vikianbarın loqosu Vikianbarda əlaqəli mediafayllar

1990-cı ildə yaradılmış Windows 3.0 versiyasından başlayaraq Windows müasir kompyuterlər üçün standarta çevrildi. 6 aprel 1992-ci ildə əfsanəvi Microsoft Windows 3.1 əməliyyat sistemi istifadəyə verilmişdir. Windows 3.x sistemi yükləmələrin sayına görə 1997-ci ilə qədər ABŞ-da ən populyar əməliyyat sistemi olmuşdur.

Windows-un hər bir proqramı heç olmasa bir pəncərəyə malikdir. Bu pəncərə istifadəçini həmin proqram ilə işləməyə şərait yaradır. Windows sistemində manitorun ekranı işçi masa kimi təqdim olunur ki, bu masada həmin anda işləyən proqramların pənсərələri yerləşmiş olurlar. Proqram kiçik təsvir (düymə) şəklində də göstərilə bilər ki, bu təsvir çox zaman "ikonka" adlanır. Təbii ki, hər hansı proqram (pəncərə) kiçik təsvir şəklində yığıla və yenidən normal vəziyyətə gətirilə bilər. Bu imkan Windows sistemində işləyərkən ekranın informasiya həcminin artmasına səbəb olur. Manipulyatordan istifadə isə Windows-da işləyən istifadəçilərin işini xeyli asanlaşdırır.

İnteqrasiya mühiti üçün xarakterik olan mətnqrafik redaktorlar, verilənlər bazası və s. kimi proqramlara malik olmaqla yanaşı Windows sistemi öz şəxsi proqramlarını yaratmağa imkan verən geniş proqram interfeysini dəstəkləyir.

Həmçinin baxRedaktə

İstinadlarRedaktə