Vikipediya

Windows Subsystem for Linux

(WSL səhifəsindən yönləndirilmişdir)

Windows Subsystem for Linux (WSL) — proqramçılara ayrıca virtual maşına və ya ikivariantlı önyükləməyə ehtiyac olmadan Linux mühitini idarə etməyə imkan verən Windows funksiyası. WSL 1 2 avqust 2016-cı ildə buraxıldı və Windows nüvəsində Linux sistem çağırışlarını həyata keçirməklə Linux ikili icra proqramlarını (ELF formatında) işə salmaq üçün uyumluluq təbəqəsi kimi çıxış etdi.[1] Windows 10, Windows 10 LTSB/LTSC, Windows 11,[2] Windows Server 2016, Windows Server 2019 və Windows Server 2022-də mövcuddur.

Windows Subsystem for Linux
Loqonun şəkli
Windowsda işləyən Bash
Windowsda işləyən Bash
Tərtibatçı Microsoft
Əməliyyat sistemi Windows 10, Windows 10 LTSB/LTSC, Windows 11,Windows Server 2016, Windows Server 2019 və Windows Server 2022
Yayımlanma tarixi 2 avqust 2016
Sonuncu versiya WSL 2 1.2.5 (20 aprel 2023)
Sayt learn.microsoft.com/en-u…
Vikianbarın loqosu Vikianbarda əlaqəli mediafayllar

2019-cu ilin may ayında Hyper-V xüsusiyyətlərinin bir hissəsi vasitəsilə real Linux nüvəsi kimi mühüm dəyişiklikləri[3] təqdim edən WSL 2 elan edildi.[4] WSL 2-nin WSL 1-dən fərqi tam Linux nüvəsini istifadə edən idarə olunan virtual maşın daxilində işləməsidir. Nəticədə WSL 2 WSL 1-dən daha çox Linux ikili faylları ilə uyğunlaşır, çünki WSL 1-də bütün sistem çağırışları tətbiq olmayıb. 2019-cu ilin iyun ayından etibarən WSL 2 Windows 10 müştəriləri üçün Windows Insider proqramı, o cümlədən Home versiyası vasitəsilə əlçatandır.[5] WSL standart olaraq bütün Windows 10 istifadəçiləri üçün mövcud deyil. Onu ya Windows Insider proqramına qoşulmaqla, ya da manual olaraq quraşdırmaq olar.[6]

Tarixi

redaktə

Microsoft-un Windows-da Unix-ə bənzər uyğunluğa nail olmaq üçün ilk addımı MKS/Interix vasitəsilə Windows Services for UNIX ilə əvəz edilən və nəhayət Windows 8.1-in buraxılması ilə istifadəsi dayandırılan Microsoft POSIX Subsystem ilə başladı. Windows Subsystem for Linux-un arxasındakı texnologiya bəzi Android proqramlarının Windows 10 Mobile-da işləməsini təmin edən buraxılmamış Project Astoria-da yaranmışdır.[7] O ilk dəfə Windows 10 Insider Preview tərtibatı olan 14316-da təqdim edildi.[8]

Microsoftun əvvəlki layihələri və üçüncü tərəf Cygwin POSIX standartına əsaslanan öz unikal Unix bənzəri mühitlərini yaratmağa fokuslandığı halda, WSL yerli Linux uyumluluğunu hədəfləyir. Cygwin kimi yerli olmayan funksionallığı Win32 sistem çağırışlarına bağlamaq əvəzinə, WSL-nin ilkin dizaynı (WSL 1) Linux proqramlarına xüsusi olaraq xidmət etmək üçün NT nüvəsinin icraçısından istifadə edir, xüsusi sistem çağırışı və vanil NT prosesindən fərqli müstəsna vəziyyət emal ediciləri kimi "pico provayderləri" nüvə rejiminə əlavə edilmiş minimal prosesləri ("piko prosesləri" kimi tanınır) təcrid edir və mümkün olan yerlərdə mövcud NT tətbiqlərini yenidən istifadə etməyə üstünlük verir.[9]

WSL beta versiyası 2 avqust 2016-cı ildə Windows 10-un 1607 versiyasında (Yubiley yeniləməsi) təqdim edildi. Bu versiyada yalnız Ubuntu (defolt örtük kimi Bash ilə) dəstəklənirdi. WSL beta həmçinin "Windows-da Ubuntu-da Bash" və ya "Windows-da Bash" adlanırdı. 17 oktyabr 2017-ci ildə buraxılmış Windows 10-nun 1709 versiyasında WSL artıq beta deyildi. Çoxlu Linux paylanmaları quraşdırıla bilərdi və onları Windows Store-dan da quraşdırmaq mümkün idi.[10]

Həmçinin bax

redaktə

İstinadlar

redaktə
  1. ↑ Leeks, Stuart. Windows Subsystem for Linux 2 (WSL 2) Tips, Tricks, and Techniques: Maximise Productivity of Your Windows 10 Development Machine with Custom Workflows and Configurations. Birmingham: Packt Publishing. 2020. 18–19. ISBN 978-1-80056-352-0. OCLC 1202451000.
  2. ↑ June 2021, Darren Allan 23. "Windows 11 could seamlessly run graphical Linux apps". TechRadar (ingilis). 23 June 2021. 2021-06-23 tarixində arxivləşdirilib. İstifadə tarixi: 2021-06-29.
  3. ↑ mscraigloewen. "About WSL 2". docs.microsoft.com. 2019-06-13 tarixində arxivləşdirilib. İstifadə tarixi: 2023-10-31.
  4. ↑ Craig Loewen. "Announcing WSL 2". Windows Command Line Tools For Developers. 2019-05-06. 2019-05-06 tarixində arxivləşdirilib. İstifadə tarixi: 2023-10-31.
  5. ↑ "WSL 2 Post BUILD FAQ". Windows Command Line Tools For Developers. 2019-05-14. 2019-05-14 tarixində arxivləşdirilib. İstifadə tarixi: 2023-10-31.
  6. ↑ craigloewen-msft. "Install WSL on Windows 10". Microsoft (ingilis). 2022-02-24. 2021-09-22 tarixində arxivləşdirilib. İstifadə tarixi: 2023-10-31.
  7. ↑ Bright, Peter. "Why Microsoft needed to make Windows run Linux software". Ars Technica. Condé Nast. 6 April 2016. 6 April 2016 tarixində arxivləşdirilib. İstifadə tarixi: 6 November 2023.
  8. ↑ Aul, Gabe. "Announcing Windows 10 Insider Preview Build 14316". Windows Experience Blog. Microsoft. 6 April 2016. 6 April 2016 tarixində arxivləşdirilib. İstifadə tarixi: 6 November 2023.
  9. ↑ "Windows Subsystem for Linux Overview". Windows Subsystem for Linux (ingilis). 4 January 2020 tarixində arxivləşdirilib. İstifadə tarixi: 22 April 2018.
  10. ↑ "What's new in WSL in Windows 10 Fall Creators Update - Windows Command Line". Windows Command Line. 11 October 2017. 23 March 2019 tarixində arxivləşdirilib. İstifadə tarixi: 15 October 2021.

Əlavə ədəbiyyat

redaktə
  • Barnes, Hayden. Pro Windows Subsystem for Linux (WSL): Powerful Tools and Practices for Cross-Platform Development and Collaboration. Apress. 2021. ISBN 978-1484268728.
  • Leeks, Stuart. Windows Subsystem for Linux 2 (WSL 2) Tips, Tricks, and Techniques: Maximise productivity of your Windows 10 development machine with custom workflows and configurations. Packt Publishing. 2020. ISBN 978-1800562448.
  • Singh, Prateek. Learn Windows Subsystem for Linux: A Practical Guide for Developers and IT Professionals. Apress. 2020. ISBN 978-1484260371.

Xarici keçidlər

redaktə
 
Vikianbarda Windows Subsystem for Linux ilə əlaqəli mediafayllar var.
Mənbə — "https://az.wikipedia.org/w/index.php?title=Windows_Subsystem_for_Linux&oldid=7316041"