Vikipediya:İnzibatçılar

VP:İ bura istiqamətləndirir. Bəlkə də Vikipediya:İstismar səhifəsini axtarırsınız.
Vikipediya inzibatçıları haqqında ensiklopedik məqalə üçün baxın: Vikipediya inzibatçıları.

Vikipediyanın inzibatçı alətləri tez-tez bir süpürgəyə bənzədilir və bu da inzibatçılığın bəzən "süpürmək" kimi təsvir olunmasına səbəb olur. Real dünyadakı bir süpürgəçidə işlədiyi yerin hər otağının açarı ola biləcəyi kimi, inzibatçıların da müəyyən bir rola görə icazələri var. Ancaq digər istifadəçilərdən daha önəmli bir istifadəçi deyillər.

İnzibatçılar, adminlər, adminstratorlar, sisoplar (sistem operatoru; ing. sysop, system operator) və ya keçmiş adı ilə idarəçilər — Azərbaycanca Vikipediyada müxtəlif texniki alətləri istifadə etmək hüququ olan redaktorlar. Bu alətlərə istifadəçiləri bloklamaq, tam mühafizə edilmiş səhifələri redaktə etmək, səhifələri mühafizə etmək və mühafizəni ləğv etmək, səhifələri silmək və bərpa etmək, səhifələrin adını heç bir texniki məhdudiyyət olmadan dəyişmək, səhifələrdə versiyaları gizlətmək, səhifələrin tarixçələrini bərpa etmək və birləşdirmək aiddir.

İnzibatçılar müvafiq səsvermədən sonra könüllü olaraq bu məsuliyyəti öz üzərlərinə götürürlər. Onlar Vikimedia Fondunun işçisi kimi fəaliyyət göstərmirlər. Müvafiq funksiyalar qeyri-müəyyən müddətə verilsə də, istifadəçi öz iradəsi ilə və ya Meta-da qüvvədə olan qlobal siyasətə uyğun olaraq 2 ildən artıq müddətdə töhfə vermədikdə, inzibatçı hüququ ləğv edilə bilər. Onlardan heç vaxt alətlərindən istifadə etmələri tələb olunmur və iştirak etdikləri mübahisədə üstünlük qazanmaq üçün istifadə etməməlidirlər. İnzibatçılar Vikimedia sistem administratorları ("sysadmins") ilə qarışdırılmamalıdır.

Azərbaycanca Vikipediyada hal-hazırda 14 inzibatçı var (inzibatçı hüququ olan istifadəçilərin tam siyahısı).

İnzibatçıların siyahısı

Qrafik

İnzibatçıların fəaliyyət qrafiki

İnzibatçı statusunun verilməsi ilə bağlı səsvermələr

A.Aida88 (müzakirə • töhfələr • statistikalar) inzibatçı statusunun verilməsi ilə bağlı səsvermə

Bu müzakirə bağlıdır. Xahiş olunur, heç bir dəyişiklik etməyin.

Səsvermə 8 avqust 2023-cü il – 23 avqust 2023-cü il tarixləri arasında keçirilir (Bakı vaxtı ilə 23 avqust 2023-cü il saat 23:59-də səsvermə dayandırılır)
salamlar, illərdir ki, vikipediyaya yeni istifadəçilər qazandırmaq, onları təkmilləşdirmək və istifadəçilər arasında sosiallaşmanı gücləndirmək, həmçinin vikipediyanı düzgün təqdim etmək kimi vikipediyanın problemləri olmuşdur. mən deyərdim ki, Aida xanım vikipediya prinsiplərini təbliğinə görə çox ön sıradadır. o, dəfələrlə yerli və beynəlxalq tədbirlərdə vikipediyamızı təmsil etmiş, bir sıra layihələrin həyata keçirilməsində əsas mövqedə olmuşdur. xanımın vikipediya qarşısında xidmətləri həqiqətən təqdirə layiqdir. istifadəçi təcrübəlidir və öz təcrübəsini demək olar ki, hər fürsətdə digər istifadəçilər ilə bölüşür. bu, vikipediyaya yeni istifadəçilər qazandırır. mən Aida xanımı inzibatçılığa layiq görürəm və ona etimad edirəm. Atakhanli (müzakirə) 15:55, 8 avqust 2023 (UTC)

---

Dəstək

1.  Lehinə: etimad edirəm. Atakhanli (müzakirə) 16:22, 8 avqust 2023 (UTC)
2.  Lehinə: inanıram ki istifadəçi bu hüququ əldə etdikdən sonra oflayn fəaliyyəti kimi inzibatçılıq fəaliyyəti də uğurlu və təqdirəlayiq olacaqdır. -- ⟨Qraf⟩⁰⁶¹   (müzakirə) 17:28, 8 avqust 2023 (UTC)
3.  Lehinə: Qadın inzibatçıların olmasını hər zaman təqdir etmişəm. Vikipediyada gender bərabərsizliyi həmişə ciddi problem olub və təəssüflər olsun ki, bir çox böyük vikilərdə qadın inzibatçıların sayı yox dərəcəsindədir.. A.Aida88-in inzibatçı olacağı halda icmaya fayda verəcəyini düşünürəm. — Baskervill (müzakirə) 20:13, 8 avqust 2023 (UTC)
4.  Lehinə: İstifadəçinin online fəaliyyəti həqiqətən inzibatçı səviyyəsində deyil. Ümid edirəm ki, inzibatçı seçilsə bu boşluğu qısa zamanda aradan qaldıracaq. Lakin deməliyəm ki, vikipediyanın inkişafı təkcə online töhfələrə əsaslanmır. İstifadəçi ilə ilk yaxın tanışlığım Wikimania 2022, Baku Meetup layihəsində olub və elə offline fəaliyyətlə bağlı olub. Vikipediyaya bağlı istifadəçidir. Bağlılığını və sevgisini daha yaxından öyrənmək üçün offline fəaliyyətlərinə mütləq nəzər salmalıyıq və kənarda saxlamalı deyilik. Bu tip istifadəçilərdən həmişə istifadəçi Wertuosea da tam dəstəyimi ifadə etmişəm. İstifadəçinin son düşərgədə təşkil etdiyi seminarlar, tədbirlər sayəsində yeni istifadəçilərdə Vikipediyaya necə maraq artıra bildiyini müşahidə etdim. Yeni istifadəçilər üçün çox mühüm rol oynadı. Həvəsləndirici yanaşması, yeni istifadəçilərin Vikipediyaya daha tez uyğunlaşmasına kömək etdi. Tez-tez və təkrar verilən suallara səbrlə cavab verməkdən tutmuş redaktə üsullarına dair ciddi məsləhətlər verməyə qədər bütün əziyyətini yüksək qiymətləndirirəm. Digər təlimçi və təşkilatçıların da əziyyətini eyni dərəcədə dəyərləndirirəm. Fikirimcə Vikipediyanı offline olaraq daha geniş auditoriyaya çatdırmaq, son dərəcə dəyərli işdir. İstifadəçinin bu sahədəki həvəsi və səyi, platformanın məqsədini və əhəmiyyətini cəmiyyətə daha aydın izah etməkdə bizə çox kömək olacaq. Ona görə də Vikipediyaya istər offline, istərsə də online olaraq verdiyi töhfələri və cəmiyyət üçün dəyərli xidmətini nəzərə alaraq, tam dəstəyimi bildirmək istəyirəm. İnanıram ki, göstərilən etimadları doğruldacaq və online fəaliyyətində kəskin dəyişiklik müşahidə olunacaq. — Patriot Kor (müzakirə) 21:04, 8 avqust 2023 (UTC)
5.  Lehinə: düşünürəm ki, inzibatçı olmaq üçün ən vacib şərt həvəsin olmasıdır. Bu cəhət A.Aida88-də yüksək səviyyədədir. Digər tərəfdən, A.Aida88 kimi etimadı doğrultmuş, etibarlı bir xanımın inzibatçı olması Vikipediyaya yalnız müsbət təsir göstərə bilər. Uğurlar arzulayıram! — Toghrul R (m) 06:02, 9 avqust 2023 (UTC)
6.  Lehinə: Aidə xanımı 2016-ci ildən tanıyıram. Vikipediyaya olan marağını həmişə təqdir etmişəm. Bu gün beynəlxalq vikipediya tədbirlərində bizi layiqincə təmsil edir. Onun fəaliyyəti ölkədə Vikipediyaya daha da populyarlaşmasına səbəb olur. Son Lənkəran tədbiri bunun bariz nümunəsidir.— Cavadxan1804 (müzakirə) 07:13, 9 avqust 2023 (UTC)
7.  Lehinə: Hesab edirəm ki, istifadəçi A.Aida88 bu hüququ əldə etdikdən sonra inzibatiçılıq fəaliyyətləri daha səmərəli olacaqdır. — Maqa001 (müzakirə) 10:13, 9 avqust 2023 (UTC)
8.  Lehinə: Aidə xanımın Vikipediyadakı fəaliyyəti göz qabağındadır.Vikipediya tədbirlərində ölkəmizi uğurlu təmsil edib.Ümid və etimad edirəm ki, savadı, təşkilatçılığı, bacarığı ilə inzibatçı kimi Vikipediyaya töhfələr verəcək ---Turan (müzakirə) 14:40, 9 avqust 2023 (UTC)
9.  Lehinə: Şəxsi münasibətlərin səsvermələrə təsir etməsinə həmişə qarşı olmuşam. Həmçinin Vikipediyada yeni təşəbbüslərə həmişə dəstək olmağa çalışmışam. Yeni adlar, yeni fikirlər Vikipediyanı irəli aparacaq. A.Aida88-in özünə inanıb namizədliyini irəli sürməsini dəstəkləyirəm. Statusu alıb-almamasından asılı olmayaraq bu səsvermənin onun fəaliyyətinə müsbət təsir edəcəyinə əminəm. Statusu aldıqdan sonra daha çox məsuliyyət daşıyacağını da qəbul etməlidir. Son 3-4 ildə çox inzibatçı itirmişik. Fəaliyyətində nöqsan olmayan yeni namizədlərə dəstək olmaq lazımdır. Şans verməsək, yeni inzibatçılar qazana bilməyəcəyik.— Eminn (müzakirə) 18:01, 9 avqust 2023 (UTC)\
10.  Lehinə: Düşünürəm ki, Aida xanımın inzibatçı seçilməsinin aşağıdakı kimi əhəmiyyəti olacaqdır:
    1. Azərbaycandilli vikipediyada inzibatçılar arasında "gender balance" prinsipinə töhfə;
    2. Yeni inzibatçının seçilməsi vikipediya digər istifadəçilər üçün motivasiydır;
    3. Aida xanımın off-line fəaliyyətinin güclü olmasının vikiicmanın hərtərəfli inkişafına müsbət təsir edəcək;
    4. Azərbaycanda qadın vikipediya hərəkatının oyanışına təsir edəcək. Çünki Aida xanımın çevrəsində aktiv qadın userlər vardır;
    5. Aida xanımın QHT və qrant layihələri təcrübəsinin olması vikipediyanın cəmiyyətə inteqrasiyasına zəmin yaradacaq.
    6. İnzibatçı kimi seçilərsə onun vikipediyadakı bu və ya digər müzakirələrdə aktiv iştirakına səbəb olacaqdır. ---Shafa (müzakirə) 09:51, 10 avqust 2023 (UTC) — Qeyd: İstifadəçilərdən biri və ya bir neçəsi Shafa Movsumov (müzakirə • fəaliyyətləri) adlı istifadəçinin bu səsverməyə səs ovçuluğu edilərək dəvət edildiyini düşünür.
11.  Lehinə: İstifadəçi inanıram ki, inzibatçı seçildikdən sonra öz fəallığını artıracaqdır. Khidirzada (müzakirə) 07:50, 10 avqust 2023 (UTC)
12.  Lehinə: Aida xanım Azərbaycanca Vikipediyanın inkişafına töhfə verən ən fəal xanım iştirakçılardan biridir. O Vikipediyada həm onlayn, həm də oflayn formada böyük fəallıq nümayiş etdirir. O coğrafiya üzrə Vikipediyada çoxlu sayda faydalı məqalələr yaratmış, bu istiqamət üzrə mövcud məqalələri isə yenidən işləyərək təkmilləşdirmişdir. Aida xanım Vikipediyanın Mövzulu aylar layihəsində də aktiv şəkildə iştirak edir. Aida xanım Vikipediya ilə bağlı Yunanıstanda keçirilən konfransda, Dubayda təşkil edilən Vikiarabiya konfransında, Türkiyədə keçirilən Vikidata konfransında Azərbaycanı layiqincə təmsil etmişdir. Bu məqamı da yaddan çıxarmaq olmaz ki, Aida xanım Azərbaycanı İsveçdə keçirilən Vikimaniyada təmsil edən ilk xanım iştirakçı olmuşdur. Bu il o, Sinqapurda keçiriləcək Vikimaniya hərəkatına qoşulacaqdır. O həm də 2023-cü ilin sentyabrında Gürcüstana yola düşəcək Azərbaycan Viki icmasını təmsil edən ilk xanım iştirakçı olacaqdır. Vikipediyaya yeni istifadəçilərin cəlb edilməsində, həmin istifadəçilərin bir-birini tanıması üçün düşərgələrin təşkilində də Aida xanımın rolu diqqəti cəlb edir. O Şuşa Viki düşərgəsi layihəsini reallaşdırmağa nail olmuşdur. Özünü həm də təlimçi kimi təsdiq edən Aida xanım ADA universitetində keçirilən Vikipediya təlimində təlimçi kimi iştirak etmişdir. Beləliklə də o, həm daxili, həm də xarici auditoriyada Vikipediya hərəkatının fəallaşmasına mühüm töhfələr verir.— İdylle (müzakirə) 09:36, 10 avqust 2023 (UTC) — Qeyd: İstifadəçilərdən biri və ya bir neçəsi Gunay M.E. (müzakirə • fəaliyyətləri) adlı istifadəçinin bu səsverməyə səs ovçuluğu edilərək dəvət edildiyini düşünür.
13.  Lehinə: İstifadəçi fəaliyyəti qənaətbəxşdir. Yuxarıdakı fikirlərlə tam razıyam —Sahil ^;)   (müzakirə) 09:55, 10 avqust 2023 (UTC)
14.  Lehinə: AzViki-yə bir xanım əli pis olmaz məncə.— samral ^müzakirə 14:11, 10 avqust 2023 (UTC)

     Lehinə: Aida xanım illərdir Vikipediyada Coğrafiya yönümlü məqalələr üzərində işləyir. Gördüyü layihələr göz qabağındadır. Fəaliyyətinə nəzər saldıqda, Şuşa, Qərbi Azərbaycan, Xalq Cümhuriyyəti məqalələri və Naxçıvan dağları və muzeylər kateqoriyası deyərdim onun imzası altında yazılan məqalələrdir. Fikrimcə azərbaycandilli vikipediyada bir xanım inzibatçının olması pis olmaz. Aida xanım həm ofline, həm də online fəaliyyət göstərir. Çalışdığı Coğrafiya İnstitutunda keçdiyi təlimlər buna bariz nümunədir. Çox istifadəçinin edə bilmədiklərini edib. İştirak etiyi və edəcəyi beynəlxlaq konfrasnlarda ölkəmizi layiqincə təmsil edir və hər zaman öz üzərində işləyir və təkmilləşdirir. Aldığı sertifikatlar, təşəkkürnamələr, təltiflər buna misaldır. — Həlimə (müzakirə) 07:49, 11 avqust 2023 (UTC) (səsvermə başlayan tarixə kimi Azərbaycan dilindəki Vikipediyada son 15 gün ərzində redaktəsi yoxdur)

15.  Lehinə: Düşünürəm ki, A.Aida88 xanımın istər onlayn, istərsə də oflayn fəaliyyəti göz qabağındadır. İnzibatçı olmasının hər bir halda icmaya fayda verəcəyini düşünürəm. Əlavə olaraq da bir xanımın inzibatçı olaraq seçilməsi digər xanım istifadəçilərin fəaliyyətinə də müsbət təsir edər. — Elnur Neciyev (müzakirə) 13:20, 11 avqust 2023 (UTC) — Qeyd: İstifadəçilərdən biri və ya bir neçəsi Elnur Neciyev (müzakirə • fəaliyyətləri) adlı istifadəçinin bu səsverməyə səs ovçuluğu edilərək dəvət edildiyini düşünür.

     Lehinə: Azvikipediyada fəaliyyəti elə də az deyil, oflayn fəaliyyətinə söz ola bilməz, həmçinin düşünürəm ki xanım İnzibatçıya da ehtiyac var —Aaiitacc (müzakirə) 11:08, 11 avqust 2023 (UTC) (səsvermə başlayan tarixə kimi Azərbaycan dilindəki Vikipediyada təcrübəsi 3 aydan azdır)

16.  Lehinə: istifadəçi fəaliyyətini dərindən araşdıraraq səsimi dəyişdirirəm. Həmçinin qeyd olunan fikirlərə əsasən gender bərabərliyini üstün tutaraq vurğulamaq istəyirəm ki AzVikipediyada xanım inzibatçı olmalıdır._-_ Hersoq01 (müzakirə) 11:32, 11 avqust 2023 (UTC)
17.  Lehinə: Səmimi olaraq demək istəyirəm ki, istifadəçinin hazırki fəaliyyəti inzibatçı olmasına kifayət etmir. Lakin məsələyə həvəslə yanaşması və online fəaliyyətini artıracağını qeyd etməsi, bütün bunlarla yanaşı təcrübəli istifadəçi olması və bu günə qədər ki, fəaliyyətinin zərərsiz olması, qaydaları pozmaması kimi nüanslarını göz önünə gətirərək istifadəçiyə şans verməli olduğumu düşündüm. Ümid edirəm yanıltmaz bizi. Uğurlar. — eldarado(müzakirə | fəaliyyət | meta səhifəsi) 16:42, 11 avqust 2023 (UTC)
18.  Lehinə: A.Aida88 xanımın Azvikiyə verdiyi töhfələr hamısı göz qabağındadı. Oflayn formatda Respublikanı bir çox konfranslardada təmsil edib. İnanıram ki, onlayn formatdada aktiv inzibatçılardan biri olacaq. Həmdə istəyərəm heç olmasa Azvikidə bir xanım inzibatçı olsun — Orucov Əvəz 19:55, 11 avqust 2023 (UTC)

     Lehinə: Təşkilatçılıq və ofline fəaliyyəti çox yüksəkdir, uğurlar arzulayıram — Royalityone (müzakirə) 06:44, 12 avqust 2023 (UTC) (səsvermə başlayan tarixə kimi Azərbaycan dilindəki Vikipediyada təcrübəsi 3 aydan azdır)

19.  Lehinə: həm online, həm ofline fəaliyyəti təqdirəlayiqdir — Leila1717 (müzakirə) 09:13, 23 avqust 2023 (UTC)

Qarşı

1.  Əleyhinə: Aida xanımı real həyatda da tanıyıram, hazırda Vikipediya ilə bağlı oflayn tədbirlərin keçirilməsində ən çox zəhmət çəkən istifadəçilərdən biridir və həqiqətən də gördüyü işlərə görə ona böyük hörmətim var. Özü də neçə ildir ki, bir çox beynəlxalq tədbirdə Azərbaycanı təmsil edir (edəcək də). Amma inzibatçı səsvermələrindəki şərhlərimi yaxından-uzaqdan bilən bir çox şəxs bilir ki, mənim üçün bir inzibatçıda onlayn fəaliyyət çox vacibdir. Çünki inzibatçılıq ad və ya status deyil, alətdir. İstifadə olunması üçün verilir. Aida xanım bu il 400 redaktə edib, vandalizmlə mübarizədə iştirakını müşahidə etməmişəm, Vikipediyadakı onlayn müzakirələrdə az iştirak edir. Səsvermələrdə iştirak etməyi saymasaq Kənd meydanında sonuncu aktiv iştirakı 2019-cu ildə baş verib. Ona görə də inzibatçılıq hüququndan necə istifadə olunacağı mənim üçün qeyri-müəyyəndir. İnzibatçılarımızdan birinin də dediyi kimi real həyatdakı şəxsi münasibətlərimizlə vikipediyadakı münasibətlərimizi ayrı tutmaq vacibdir. Aida xanım onlayn fəaliyyətində yuxarıda sadaladığım nüanslarda aktivlik təmin edəcəyi halda sevə-sevə lehinə səsə verəcəm. Hörmətlə,— Şiroi Akuma 16:52, 8 avqust 2023 (UTC)
2.  Əleyhinə: yuxarıda səsləndirilən fikir ilə razıyam. --► Hörmətlə: SolaVirum 16:54, 8 avqust 2023 (UTC)

    Əleyhinə: burada olan fikirlərə baxıram cox ətraflı yazılıb lehinə olan səslərə baxanda heç bir açıqlama görmədim ~~ Hersoq01 (müzakirə) 20:50, 8 avqust 2023 (UTC)

3.  Əleyhinə: White Demon ilə razıyam. Aida xanıma böyük hörmətim var amma inzibatçılıq ad və ya vəzifə yox, Vikipediyanı vandalizm və pozuculuqdan qorumaq üçün alətdir. İnzibatçıların simvolunun süpürgə olması da məhz bununla bağlıdır. Offlayn fəaliyyət üçün inzibatçılığa ehtiyac yoxdur hansı ki Aida xanım indiyədək bu hüququ olmadan kifayət qədər iş görüb. — NMW03 (müzakirə) 10:19, 9 avqust 2023 (UTC)
4.  Əleyhinə: Yuxarıda sadalanan mövqelərə əsasən Grenzsoldat 11:15, 9 avqust 2023 (UTC)
5.  Əleyhinə: — Xeyal ^(müzakirə) 15:41, 9 avqust 2023 (UTC)
6.  Əleyhinə: İstifadəçi gələcəkdə onlayn fəaliyyətini artırıb yenidən namizəd olsa, mövqeyim dəyişə bilər. Hörmətlə — Nicat^{49   ⋠müzakirə⋡} 01:46, 10 avqust 2023 (UTC)
7.  Əleyhinə: Yuxarıdakı fikirlərə qoşuluram. - Dr.Wiki54 (müzakirə) 06:14, 10 avqust 2023 (UTC)
8.  Əleyhinə: Qeyd olunan arqumentlərlə həmfikirəm. --Babək Akifoğlu (müzakirə) 18:29, 13 avqust 2023 (UTC)
9.  Əleyhinə: adətən qeyri-fəal olan istifadəçilərin səsverməyə kütləvi axın etməsinə görə bitərəf qalmayacağam. Gadir (müzakirə) 19:33, 14 avqust 2023 (UTC)
10.  Əleyhinə: inzibatçılıq vəzifə və ya status deyil. Bunu anlamaq lazımdır. Oflayn fəaliyyət üçün nəsə bir alət, və ya ad varsa Aida xanımı o adla təmin edək. Amma onlayn fəaliyyəti inzibatçılıq üçün yetərli deyil. — Tanrıtay (müzakirə) 06:31, 17 avqust 2023 (UTC)— Qeyd: İstifadəçilərdən biri və ya bir neçəsi Tanrıtay (müzakirə • fəaliyyətləri) adlı istifadəçinin bu səsverməyə səs ovçuluğu edilərək dəvət edildiyini düşünür.
11.  Əleyhinə: Əvvəldən fikrim müsbət idi. Lakin seçki vaxtının 15 gün olmasına baxmayaraq, cəmisi 2 gün ərzində kütləvi aktivlik müəyyən şübhələr yaratdı məndə. Həddindən çox tərəfkeşlik gördüm. Seçki belə olmamalıdır. Hörmətlə— Tarixi Nadir (müzakirə) 05:48, 19 avqust 2023 (UTC)
12.  Əleyhinə: Məndən qabaq "Əleyhinə" səsi vermiş hər bir istifadəçinin fikirlərinə qatılıram. Səsvermədə hər şey ədalətli olmalıdır. Şəxsi tanışlıq və ya Aidə xanımın oflayn fəaliyyəti burdakı seçkilərə təsir etməli deyil. Oflayn fəaliyyəti həqiqətən çox yaxşıdır və məni sevindirir. Və hətta onu deyim ki hazırda idarəçi olan bəzi şəxslərdən də daha çox fayda verir azvikiyə. Amma inzibatçı olmaq üçün nə lazımdır? Onlayn fəaliyyət. O əgər lazım olan qədər deyilsə deməli şəxsin inzibatçı seçilməsi doğru olmaz. İdarəçi olmaq üçün fəaliyyəti az olan istifadəçini idarəçi seçsək səhəri gün az işləyən və ya idarəçi funksiyalarını yerinə yetirməyən idarəçilərə də bir irad yaza bilməyəcəyik. Uzun sözün qısası bu hal baş versə bundan sonrakı seçkilərə də presedent yaradacaq. — Rəcəb Yaxşı (müzakirə) 08:42, 21 avqust 2023 (UTC)

Bitərəf

1.  Bitərəf: Normalda müzakirələrin axrında səsverməyə qoşuluram. Aidə xanımın vikipediya üçün gördüyü işlər önəmlidir. Amma onlayn aktivliyi kifayət qədər deyil. Yuxarıda da qeyd olunanlar təmin olunduğu halda inzibatçı seçilə bilər. Özünün də fikri maraqlıdır. (Wertuose-un hüququnun saxlanılması üçün oflayn fəaliyyətinin vacib olduğunu bildirən istifadəçilər burda da fikirlərini daha aydın izah etsələr gözəl olar. Növbəti müzakirələrdə siz istifadəçilərə fərqli yanaşırsız kimi şərhlərlə qarşılaşamamaq adına istifadəçiləri mövqelərini daha aydın izah etməyə çağırıram.) — Bikar ^müzakirə 17:09, 8 avqust 2023 (UTC)

    Bitərəf: Fikirlərimi ətraflı aşağıda qeyd etmişəm. Əleyhinə olan fikirlər də məntiqlidir, ona görə də tərəfsiz qalacağam. Ümid edirəm ki, AzViki üçün xeyirlisi olar. Uğurlar. Gadir (müzakirə) 09:47, 9 avqust 2023 (UTC)

2.  Bitərəf: əslində istifadəçilərin həvəsli olması müsbət haldır. Fərqlilik daim Vikipediyaya lazımdır. Əleyhinə və lehinə şərhləri oxudum. Hər iki tərəf məntiqli fikir bildirir. Düşünürəm ki, Aida xanım bir neçə ay çalışıb, idarəçi funkasiyalarını inkişaf etdirsə, mən sevə-sevə ilk dəstək verənlərdən olaram. Əslində hazırki daxil olduğu istifadəçi qruplarına baxsaq inzibatçıların bir çox hüquqlarına sahibdir. Mən hələlik neytralam. Hörmətlə, — Turkmen ^müzakirə 20:03, 9 avqust 2023 (UTC)
3.  Bitərəf: Əslində fikirlərim White Demonun dedikləri ilə üst-üstə düşür. Amma bu seçim üçün bitərəfəm. — Araz Yaquboglu (müzakirə) 04:39, 10 avqust 2023 (UTC)

Şərhlər

•  Şərh: Yaxşı istifadəçidir, fəaliyyətini bəyənirəm və AzViki üçün faydalı, vacib, təqdirəlayiq hesab edirəm. Hələlik oflayn fəaliyyətlə çox da maraqlanmıram deyə oflayn fəaliyyəti barədə çox məlumatım yoxdur, lakin ümumi olaraq bildirim ki, inzibatçılıq üçün oflayn fəaliyyət kifayət etmir, əslində, onun üçün bu status mütləq deyil, inzibatçılıq üçün əsas olan Vikipediyada fəaliyyət və aktivlik, təcrübə toplamaqdır. Çünki o statusla Vikipediya daxilində fəaliyyət göstərəcəksən və burada sənə lazım olacaq, Vikidən kənarda yox. İstifadəçinin müzakirələrdə aktiv iştirakını görmürəm, ona görə də nə qədər təcrübəsi və potensialı var, bunu dəyərləndirə bilmirəm. Vikidə oflayn fəaliyyəti qədər aktivliyi yoxdur. Həmçinin patrul kimi də aktiv deyil. Özünün də fikri maraqlıdır, inzibatçı seçilmək istəyir? Səsvermənin nəticəsindən asılı olmayaraq, həvəsdən düşməməsini və fəaliyyətinə davam etməsini istəyirəm. İndi olmasa belə, gələcəkdə inzibatçı kimi fəaliyyətlərini görəcəyimizə inanıram. Səsvermədə uğurlar arzu edirəm. Gadir (müzakirə) 16:57, 8 avqust 2023 (UTC)
•  Şərh: Salam Viki icma. Hər birinizə sonsuz təşəkkür edirəm. Mənə etimadınız üçün minnətdaram. Vikipediyada aktiv istifadəçilərin bəzilərini real həyatda da tanıyıram. Qeyd edilənlər ilə razıyam. Fəaliyyətimin məqsədi az.vikiyə yeni istifadəçilər qazandırmaqdır. Nəzərə alsaq ki, az.vikidə 50-60 nəfər aktiv istifadəçi var. Az.vikinin bu gün yeni istifadəçilərə ehtiyacı var. Fəaliyyətim məhz offline istiqamətdə olması, yeni istifadəçiləri cəlb etmək, zamanla keçdiyim təlimlər nəticəsində viki icmaya yeni istifadəçilərin cəlb olunmasıdır. Mənim üçün az.vikidiə avktiv istifadəçilərin olması daha önəmlidir. Hörmətlə, — A.Aida88 (müzakirə) 17:41, 8 avqust 2023 (UTC)

Salam. Onlayn fəaliyyətimi dəyərləndirən dəyərli və hörmətli viki icma. Oflayn fəaliyyətimə də nəzər salsanız çox sevinərəm həqiqətən. Mən beynəlxalq konfraslarda ilk iştirak etdiyim zaman az.viki icmasını beynəlxalq arenada elə də tanımırdılar. Artıq bir neçə dəfə, mütəmadi olaraq beynəlxalq Vikimedia konfranslarında iştirakım nəticəsində az.viki icmasının nümayəndəsini və az.viki icmasını tanıyırlar. Düşünürəmki online fəaliyyəti hər birimiz göstəririk. Niyə də oflayn fəaliyyəti olan və az.viki icması üçün yararlı xanım inzibatçı olmasın?. Nəzərinizə çatdırmaq istəyirəmki əziz dostlar, beynəlxalq konfranslara seçim zamanı məhz elə ofline fəaliyyətə daha çox baxırlar. Vikipediyanın təbliğatını necə apardığımıza diqqət yetirilir. Bu kimi tədbirlərdə inzibatçı kimi iştirak etməyim daha da həvəsimi artıracaq. Qeyd etmək istəyirəm ki, həqiqətən bu gün az.vikipediya peşəkar və təcrübəli istifadəçilərin səyləri nəticəsində uğur qazanır. Mənimlə razılaşarsınız ki, yeni istifadəçilərin olması həqiqətən az.vikiyə dəstək olmaq deməkdir. Məqsədim təşkilatçısı olduğum düşərgələrin və qarşıda təşkil edəcəyim vikidüşərgələrin böyük rolu nəticəsində yeni istifadəçiləri cəlb etməkdir. Digər tərəfdən də kütləvi görüşlərin təşkili, keçdiyim təlimlər (ADA Universiteti və digər elmi müəssisələrdə) buna bariz nümunədir. Məlumat olaraq bildirmək istəyirəm ki,qarşıda Sinqapurda keçiriləcək beynəlxalq Vikimaniya konfransında bir daha az.viki icmasını yenə təmsil edəcəm. Düşünürəmki, oflayn fəaliyyətim məhz elə az.viki icmasının uğurudur. Çalışacamki zamanla oflayn fəaliyyətim kimi məhz onlayn fəaliyyətimdə də uğur qazanım. Hər birinizə sonsuz təşəkkür edirəm.— A.Aida88 (müzakirə) 07:51, 9 avqust 2023 (UTC)

Hörmətli istifadəçi, offline fəaliyyətiniz açıq-aşkardır. Online fəaliyyətlə bağlı vikicəmiyyət üçün nə kimi vədlərə sahibsiniz? Konkret hansı öhdəlikləri üzərinizə götürüb inzibatçı kimi fəaliyyətinizi sübut edə biləcəksiz? Çünki mənim kimi bir çox istifadəçi etimad göstərib və əleyhinə olan səslər artıq bizi də düşündürür. Patriot Kor (müzakirə) 11:12, 9 avqust 2023 (UTC)

Hörmətli istifadəçi Patriot Kor. İnzibatçı seçilməməyim nə offline, nə də online fəaliyyətimə mənfi təsir göstərəməyəcək. Yəqin ki, bilirsiz. Çünki mən inzibatçı deyiləm və bu fəaliyyəti sevə-sevə edirəm. Lakin bir halda ki, siz etimad göstərirsiz və məndən də bu etimadı doğrultmaq tələb olunursa əlbətdə ki, mən bütün bunlara hazıram. Yenə də bildirim ki, vikigörüşlər üçün xüsusi proqramlarım var. Nəzərdə tutduğum ciddi layihələrim var. Bunu etməyimin səbəbi isə yeni istifadəçilər cəlb etmək, təlimlər zamanı peşəkar, təcrübəli istifadəçilərin bilik və bacarıqlarından istifadə etməklə yeni istifadəşilər cəlb etməkdir. Son düşərgə buna bariz nümunədirki. Hal-Hazırda yeni istifadəçilər oflayn fəaliyyətimin nəticəsində aktivdirlər. Online fəaliyyətə gəldikdə isə bacardığım qədər aktiv fəaliyyət göstərməyə çalışıram. Patrul hüququma gəldikdə isə bir çox zaman qarşıma çıxan məqalələri yoxlanış zamanı inzibatçılara bildirmişəm. Hörmətlə, — A.Aida88 (müzakirə) 11:26, 9 avqust 2023 (UTC)

Lehinizə və əleyhinizə çox önəmli isimlər səs verir. Lehinizə olan istifadəçiləri yanıltmayacağınıza ümid edirəm. Patriot Kor (müzakirə) 11:42, 9 avqust 2023 (UTC)

A.Aida88, offlayn fəaliyyətə görə inzibatçı seçilmir, burada tək istisna Wertuose üçün edilib onun da səbəbini bilirsiniz, şəxsin illəri ötən təşkilati fəaliyyəti var, amma bir istisna bir istisnadır. Bu gün ediləcək başqa bir istisna sabah da ediləcək. İnzibatçəlıq "paqon" deyil, inzibatçılıq Vikipediyanın onlayn platforma kimi ziyan görməməsi üçün var. İnzibatçı ancaq və ancaq onlayn Vikipediyadaxili fəaliyyət ilə məşğuldur. İnzibatçı səhifə silir, mühafizə edir, mübahisələri həll edir və s. Uzun müddətdir heç bir müzakirədə olmamış istifadəçinin inzibatçı seçilməsi nə qədər faydalıdır, bilmirəm. Tək narahatlığım budur. --► Hörmətlə: SolaVirum 12:35, 9 avqust 2023 (UTC)

Hörmətli istifadəçi SolaVirum. Narahatlığınızı anlayıram və istərdim bu narahatçılığa ehtiyac olmasın. Hər hansı bir təkrarçılığa və hər hansı bir təkrar istisnaya yol vermək niyyətim yoxdur. Bir daha qeyd edirəm. İdarəçi olmaq şəxsi təşəbbüsüm deyil. Heç bir halda viki fəaliyyətimə mənfi təsiri yoxdur və olmayacaq. Lakin mən yuxarıda leyhimə səs verən istifadəçilərin ümidlərini doğrultmaq üçün çalışmalıyam. İnzibatçılığın vəzifə olmadığını bilirəm və yəqin ki, inzibatçı hüquqları ilə bağlı keçirilən digər səsvermələrdə mövqeyimi görmüsüz. Həmişə bu məsələyə qarşı olmuşam. Amma nəzərinizə çatdırım ki, mən bir neçə beynəlxalq tədbirdə sırf offline fəaliyyətlə məşğul olan bir neçə fərqi dil bölməsindən inzibatçılar tanıyıram. Sizə o şəxslər haqqında ətraflı məlumat da verə bilərəm. Onların əsas məqsədi və işi, vikipediyanın təbliğidir. Efirlərdə, mətbuatda və s. kimi önəmli yerlərdə vikipediya təbliğatı ilə məşğuldurlar. Bir daha qeyd edirəm. İnzibatçı seçilməm, ya da seçilməməm fəaliyyətimə təsir göstərmir. Amma doğrun da Patriot Kor dediyi kimi, yuxarıda çox önəmli istifadəçilər mənə etimad göstərirlər. Bu etimadı doğrultmaq üçün özümü mütləq sübut etməliyəm. Yəqin ki, razılaşarsız ki, indiki halda geri çəkilməyim düzgün olmaz. — A.Aida88 (müzakirə) 12:58, 9 avqust 2023 (UTC)

Solavirum, niyə istisna olmalıdır ki? Qeyd etmisiniz ki, inzibatçı statusu oflayn yox, onlayn fəaliyyətə görə dəyərləndirilir və lazımdır. Hər bir istisna hal növbəti belə vəziyyətə zəmin yaradır və həmin halı da öncəkinə istinad edərək "əsaslandırmağa" və "leqallaşdırmağa" səbəb verir. Birinciyi dəstəkləyiriksə, ikinciyə qarşı çıxmaq haqlı görünməyə bilir. Oflayn fəaliyyəti olan, təlimlər keçən bir çox istifadəçimiz var. Əsas olan onlayn fəaliyyət və qeyd etdiyin kimi, müzakirələrdə aktiv və konstruktiv iştirakdır. Gadir (müzakirə) 13:27, 9 avqust 2023 (UTC)

@Solavirum Wertuose üçün hansı istisnadır o elə? hardasa qeyd olunub belə bir şey? — Xeyal ^(müzakirə) 15:00, 10 avqust 2023 (UTC)

A.Aida88, mən sizin azviki üçün offline fəaliyyətiniz, azvikini wikimania-da və digər konfranslarda təmsil etməniz haqqında müəyyən qədər məlumatlıyam. Bu fəaliyyətinizi gərəkli və müsbət dəyərləndirirəm. Amma səsvermənizin gedişindən də göründüyü kimi təcrübəli azviki redaktorlarını sizin inzibatçı olaraq aktiv fəaliyyət göstərib-göstərməyəcəyiniz narahat edir. Siz inzibatçı seçiləcəyiniz təqdirdə aktiv fəaliyyət göstərəcəyinizi demədən bir neçə beynəlxalq tədbirdə sırf offline fəaliyyətlə məşğul olan bir neçə fərqi dil bölməsindən inzibatçı tanıdığınızı yazmaqla offline fəaliyyət üçün inzibatçı seçilmək istədiyinizə eyham vurursunuz. Məncə problem buradadır. Çünki offline fəaliyyət üçün inzibatçı olmağa gərək yoxdur. — Sortilegus (müzakirə) 18:59, 11 avqust 2023 (UTC)

@Sortilegus fəaliyyətimi dəyərləndirdiyiniz üçün minnətdaram. Əgər yuxarıdaki rəylərə diqqət yetirsək orada online fəaliyyətə münasibət bildirmişəm. Online fəaliyyətim hər zaman olub. Bu gün də davam edir. İnzibatçı olmasam da hər iki fəaliyyətim aktiv şəkildə davam edəcək. Tanıdığım inzibatçı məsələsəniə gəldikdə isə bu o demək deyil ki, mən misal çəkdiyim istifadəçilər kimi inzibatçı olmaq istəyirəm. Demək istədiyim budur ki, sırf offline fəaliyyəti olan inzibatçılar da var və bu normal qəbul olunur. Bu müzakirələrdə heç bir halda "offline fəaliyyətimi nəzərə alaraq məni inzibatçı seçin" yaxud "offline fəaliyyətim üçün inzibatçı olmaq istəyirəm" fikri bildirməmişəm. Əksinə bildirmişəm ki, çalışacamki zamanla offline fəaliyyətim kimi məhz online fəaliyyətimdə də uğur qazanım. A.Aida88 (müzakirə) 20:36, 11 avqust 2023 (UTC)

A.Aida88, cavabınız üçün təşəkkür edirəm. Düşünürəm ki, məhz online fəaliyyətinizdə uğur qazanandan sonra azviki inzibatçısı namizədi olsaydınız daha düzgün olardı. Çünki burada azviki redaktorları məhz bu kriteriyanı (məzmun redaktələri, müzakirələrdə iştirak, texniki səhifələrin redaktəsi və s.) əsas alaraq özlərinə inzibatçı seçirlər. Şəxsən öz adımdan deyirəm, məndə belə təəssürat yaranır ki, burada sizin lehinizə təşkilatçısı olduğunuz düşərgələrin, treyninqlərin iştirakçıları da səs verirlər. Bəlkə də, bu təəssüratımda yanılıram, bu yazdıqlarımla müzakirənin əsas mövzudan yayına biləcəyini anlayıram. Ona görə də burada öz adıma müzakirəyə nöqtə qoyuram. Amma xahiş edirəm bunları mənim subyektiv fikirlərim kimi qəbul edin. İstənilən halda sizə seçkidə uğurlar arzulayıram.— Sortilegus (müzakirə) 21:14, 11 avqust 2023 (UTC)

Sonsuz təşəkkür edirəm. A.Aida88 (müzakirə) 21:23, 11 avqust 2023 (UTC)

Hörmətli Sortilegus Sizin kimi dəyərli, peşəkar və təcrübəli istifadəçinin daim məslətələrini dinləyəcəm. Gördüyünüz kimi artıq bir neçə gündür aktiv online fəaliyyətimi daha da genişləndirirəm və bu belə də davam edəcək. Sizlərin tövsiyyələrini nəzərə alaraq təbii ki. Dəyərli həmkarım az.vikidə olan istifadəçilərin bir neçəsini deyərdim bəli mənim həyata keçirdiyim düşərgələrin, təlimlərin nəticəsində aktiv olurlar zamanla. Amma hal-hazırda leyhimə səs verənlər daimi Sizlərində tanıdığı istifadəçilərdir. Fikirləriniz təbii ki, mənim üçün çox dəyərlidir. Qeyd edim ki, hal-hazırda ofline fəaliyyətimin bir hissəsi olaraq ilk dəfə ölkəmizdə 80 nəfərlik (Mingəçevirdə Kür oteldə) (Lənkəran düşərgəsi layihəm 50 nəfərlik idi) vikipediyaçıların qış düşərgəsinə hazırlıq edirəm. Burada qazanan təbii ki, vikipediyamız olacaq və zənginləşəcək. Hər təlimlərdə keçdiyim 15 nəfərdən ən azı 3-4 nəfər vikipediyada qalır və mən həqiqətən çox xoşbəxt oluram və buna sevinirəmki, azda olsa vikipediyaya istifadəçi qazandırdım. Könüllüyü sevdirməyə çalışıram. Əgər bu gün siz məni bununla iddiham edirsinizsə, (təəssüratlarınıza əsasən) yanılırsınız. Buda mənim offline fəaliyyətimin nəticəsi ola bilər ki, bu gün az.vikiyə bir neçə istifadəçi qazandırmağa nail olmuşam. Hörmətlə, — A.Aida88 (müzakirə) 21:32, 11 avqust 2023 (UTC)

• Bütün leyihimə olan şərhləri bir daha diqqətdən keçirtdim. Hamıya haqqımda dedikləri xoş sözlərə görə təşəkkür edirəm. Heç bir mənfi şərhə rast gəlmədim (online fəaliyyətimdən başqa) Vikipediyada olduğum müddətdə heç bir bloklanma halı olmayıb, bütün nəzakət qaydalarına riayət etmişəm. Online faəliyyətimi irad bildirən həmkarlarıma bildirmək istəyirəm ki, irad və təkliflərinizi, tövsiyyələrinizi diqqətə alaraq, aktivliyimi artırmışam və bu belə də davam edəcəkdir. Hörmətlə, — A.Aida88 (müzakirə) 21:46, 11 avqust 2023 (UTC)
• hörmətli həmkarlarım. bir çoxumuz məsələyə bir az fərqli yöndən baxmışıq. təbiidir ki, vikipediya üçün məqalə yaratmaq, redaktə etmək olduqca vacib şərtdir. ancaq, nəzərə almalıyıq ki, inzibatçının işi məqalə yaratmaq deyil, odur ki, inzibatçı seçilmək üçün 5 min, 10 min redaktələrə, məqalə inkubatoru olmasına zərurət yoxdur. fakt odur ki, Aida xanım gündəlik redaktələr etməsə belə, demək olar ki, hər gün vikinin içində olub, vikinin işini görüb. bu günün aktiv istifadəçilərinin bəziləri də elə sırf onun əməyinin nəticəsidir. xanım daima öz təcrübəsini müxtəlif treninqlər, tədbirlər vasitəsi ilə digər istifadəçilərə ötürüb, vikini müxtəlif icmalarda aktiv təbliğ edib. inzibatçının işi əsasən inzibati işlərdir. biz inzibati işləri neytral, tərəfsiz, problemsiz həll edə biləcək həmkara fokuslanmalıyıq. bizə vikini düzgün, aktiv təbliğ edə bilən, viki prinsiplərini qoruyan həmkar lazımdır. etiraf etməliyəm ki, xanımın vikiyə olan coşğusu, sevgisi, həvəsi demək olar ki, hər addımından bilinir. müşahidəm də onu göstərir ki, Aida xanımın son günlər onlayn fəaliyyəti daha da artıb. xanım hər fürsətdə isbat etməyə çalışır ki, o, onlayn fəaliyyətini daha da artırır, artıracaq. bu da ona olan etimadı doğruldacağının işarəsidir. Atakhanli (müzakirə) 08:47, 12 avqust 2023 (UTC)

  Aida xanım bütün bunları inzibatçı statusu olmadan edib və edəcək. Bunlar üçün inzibatçı hüququna ehtiyac yoxdur. Təkrar edirəm, inzibatçılıq vəzifə yox alətdir. NMW03 (müzakirə) 10:05, 12 avqust 2023 (UTC)

Rəcəb Yaxşı, "bəzi idarəçilər" deyəndə kimləri nəzərdə tutursunuz ? — Baskervill | ^müzakirə 15:16, 21 avqust 2023 (UTC)

Baş tutan səs ovçuluğu kampaniyasından (hansı ki, əsasən istifadəçinin iş yeri olan AMEA-nın əməkdaşları, şəxsin kolleqaları tərəfindən edilir) sonra əminəm ki, bu inzibatçı səsverməsi böyük dərəcədə yanlış qərardır. --► Hörmətlə: SolaVirum 22:21, 21 avqust 2023 (UTC)

@Solavirum səs verənlərin eyni qurumda işləməsi səs ovçuluğu yaradır? İnsanların öz iradəsi ola bilməz? — Bikar ^müzakirə 06:06, 22 avqust 2023 (UTC)

Hörmətli @Solavirum hesab edirəm fikirləriniz doğru deyil. Eyni qurumda çalışan bir neçə şəxs vikipediya istifadəçisidirsə və tanıdıqları şəxsin lehinə səs verirlərsə bunu birmənalı olaraq səs ovçuluğu adlandırmaq olmaz. Necə deyə bilərik ki, məhz şəxsin özü müraciət edib ki, mənim lehimə səs verin? Məncə düzgün fikir deyil. Düzdür burada səs ovçuluğu halları istisna deyil. Aydın məsələdir. Amma şəxsin çalışdığı quruma və kolleqalarına dair qəti olaraq belə bir fikiri düzgün hesab etməzdim. Patriot Kor (müzakirə) 06:41, 22 avqust 2023 (UTC)

Patriot Kor, Bikar Orxan hamısına eyni 1-2 gün ərzində vəyh gəlir? --► Hörmətlə: SolaVirum 10:44, 22 avqust 2023 (UTC)

@Solavirum buna vəhy adı verməzdim. Deyildiyi kimi söhbət bir iş kollektivindən gedirsə, burada istifadəçilərdən birinin namizəd olması xəbəri sürətli yayıla bilər. Bu hər bir istifadəçi üçün keçərlidir və bir gün digər istifadəçilərdə də ola bilər. Düşünün ki, bir İT menecerin özü və tabeliyində çalışan 40 nəfərdən 15-i vikipediya istifadəçisidir. Və bir gün bu menecer gəlib bizim inzibatçı olmaq istəyir. Həmin 15 nəfərin arasında bu xəbərin yayılması və o istifadəçilərin gəlib 1-2 gündə səslərini verməsi sizcə anormal sayılır? Məncə kifayət qədər normaldır. Ya da buna necəsə səs ovçuluğu adı vermək olarmı? Düşünürəm ki, indiki namizəd də çalışıdığı kollektivdə kifayət qədər tanınır deyə tanıyanlar gəlib səs veriblər. Düzdür mən də biz də hamımız buna səs ovçuluğu adı vermişik. Olsun. Problem yoxdur. Lakin bir qədər dərindən düşünsək normal haldır. Patriot Kor (müzakirə) 14:17, 22 avqust 2023 (UTC)

Patriot Kor, təbii ki, anormal sayılır. "Meatpuppet" hesab olunur hamısı. EnVikidə eyni məsələ olsa hamı birdəfəlik bloklanar. --► Hörmətlə: SolaVirum 14:20, 22 avqust 2023 (UTC)

• Salam əziz viki həmkarlarım . Məlum olduğu üzrə Sinqapur səfərində olduğum üçün bir neçə gün idi şərhlərinizi cavablaya bilmirdim. Dostlar mən bir şeyi anlaya bilmirəm, niyə məhz mənim leyhimə səs verənlərə qarşı bu qədər aqressiv münasibət nümayiş etdirirsiniz. Nədir axı bu yanaşmanız. AMEA-da işləməyim o deyil ki, həmkarlarıma nəsə deyim. Əleyhimə səs verənlərə ən azından diqqət yetirin və elə qərar verin. Əleyhimə səs verənlər arasında AMEA-da işləyənlər kifayət qədərdir! Biraz humanist olun. — A.Aida88 (müzakirə) 13:09, 22 avqust 2023 (UTC)

En Merker Sizin qeyd etdiyiniz arqumentə əsasən bildirim ki, bu ilk 2 gün olan aktivliyə görə əleyhimə səs verməyiniz fikrimcə düzgün deyil. Bu düzgün irad deyil məncə. Siz ən azından fəliyyətimi qiymətləndirərək, fikrinizi bildirməli idiniz. Buna mənə nə edə bilərəm ki?? Hər bir istifadəçinin ativlik saatları var. Bunun səbəbkarı axı mən deyiləm. Hörmətlə, — A.Aida88 (müzakirə) 13:18, 22 avqust 2023 (UTC)

Hörmətli @Solavirum Siz əleyhimə olanlar sırasına diqqətlə baxsanız, onlar arasında da kifayət qədər AMEA əməkdaşı var. Məncə ədalətlə yanaşmaq lazımdır. Bu arada qeyd edim ki, mən daha AMEA əməkdaşı deyiləm. Biraz rahat olun)))— A.Aida88 (müzakirə) 13:38, 22 avqust 2023 (UTC)

A.Aida88 mən rahatam, heç kəsə də aqressiyam yoxdur :) amma hələ də müəyyən şübhələrim var. Ümid edirəm, nəticədə hər şey yaxşı olar. --► Hörmətlə: SolaVirum 13:44, 22 avqust 2023 (UTC)

Səs ovçuluğunu qeyd edən həmkarlarım ən azından ədalətli danışmaq lazımdır. Bir baxın əleyhimə səs verənlər arasında heç müzakirələrdə adını görmədiyimiz, aktiv iştirak etməyən bir istifadəçi kiminsə səs ovçuluğundan istifadə edərək, əleyhimə səs vermələrindən görəsən niyə danışılmır??? Hörmətli inzibatçılaradır sözüm. Vikipediya qaydalarına əsasən bitərəf olmalısınız. Ancaq müzakirələri leyhimə olanlar arasında aparırsınız. Amma əleyhimə olanların daxilində səs ovçuluğunu heç dilə gətirmisiniz. Burada bitərəf qalmaqdan söz gedə bilməz.— A.Aida88 (müzakirə) 13:49, 22 avqust 2023 (UTC)

bircə Tanrıtaya aid edilir buradakı məsələ, amma heç tanımıram kimdir. Hər halda, lehinə səs verənlər arasında daha çox problem müşahidə olunur, nəinki əleyhinə. Holokost ilə 1990-cı il Bakı hadisələrini müqayisə etməyə oxşadardım bunu. --► Hörmətlə: SolaVirum 13:53, 22 avqust 2023 (UTC)

 Şərh: şübhələnmək qadağan deyil. Şübhəm olub ifadə etmişəm, irad tutmamışam. Səsverməyə gəlincə yuxarda deyildiyi kimi, həvəsdən düşməyin, fəaliyyətinizi artırın. Bu halda şübhəsiz lehinizə səs verən çox olar. O cümlədən də mən. İlk seçki həmişə ağır olur. İnşallah inzibatçı da olarsınız, hələ arzu edirəm ki, bürokrat, stüart seçkilərində də iştrak edəsiniz. Bir də əlavə edim. Xaiş edirəm əleyhinə səs verənlərin fikrinə hər dəfə münasibət bildirib, onların üzərinə əlavə təzyiq yaratmayın. Əleyhinə səs verməyimin əsas səbəblərindən biri də bu olub. Xüsusəndə əlavə şəxsi qoşmaqla. Bu xoş hal deyil. Şəxs açıq aşkar burda sizin lobiçiliklə məşğul olur. Demək olar ki, hər kəsə cavab verir. Yənə təkrar edirəm, belə seçki olmur. Uğurlar, bununla da məsələyə nöqtə qoyuram. Hörmətlə - — Tarixi Nadir (müzakirə) 05:50, 23 avqust 2023 (UTC)

•  Şərh: En Merker Kim dedi ki, həvəsdən düşürəm. Əksinə bundan sonra daha da həvəsli olacam. Viki icma üçün nəinki düşərgələr, hətta beynəlxalq konfranslar keçirməyi düşünürəm və beynəlxalq layihəm üzərində çalışıram. Hətta onu da qeyd edim ki, hal-hazırda yeniyetmələrə 2 gündür təlimlər keçirəm. Offline fəaliyyətimin bir hissəsi olaraq. O ki, qaldı Sizin dediyiniz lobbiçilik məsələsinə, heç şübhəniz olmasın ki, şəxslərin öz ədalətli, subyektiv fikirləridir. Mən hamının fikirlərinə hörmətlə yanaşmışam. İstər əleyhinə, istərsə də leyhinə. Bunu lobbiçilik adlandırmaq olmaz.— A.Aida88 (müzakirə) 08:23, 23 avqust 2023 (UTC)

Yekunlaşdırma

Yekun nəticə:

• Səs verənlər — 37
  • Etibarsız səs sayı — 3
  • Etibarlı səs sayı — 34
    • Lehinə — 19
    • Əleyhinə — 12
    • Bitərəf — 3

N Səsvermənin nəticələri inzibatçıların və bürokratların seçilməsi qaydalarına əsasən hesablanmış və bu qaydalara uyğun olaraq A.Aida88 (müzakirə • töhfələr • statistikalar)-ə latın qrafikalı Azərbaycan dilində olan Vikipediyanın inzibatçısı hüququnun verilməsindən imtina edilmişdir. — eldarado(müzakirə | fəaliyyət | meta səhifəsi) 20:01, 23 avqust 2023 (UTC)

NMW03 (müzakirə • töhfələr • statistikalar)-ə inzibatçı statusunun verilməsi ilə bağlı səsvermə

Səsvermə 9 avqust 2023-cü il – 24 avqust 2023-cü il tarixləri arasında keçirilir (Bakı vaxtı ilə 24 avqust 2023-cü il saat 23:59-də səsvermə dayandırılır)

Salam! Əslində burada səsvermə keçirildiyini bilmirdim, xoş təsadüf oldu. NMW03 Azərbaycanca Vikipediyanın təcrübəli istifadəçilərindəndir, həmçinin inzibatçı kimi də uzun müddət töhfələri olub və əməli təcrübəyə malikdir. Sadəcə hərbi xidmətə getdiyi üçün imtina etmişdi. Düşünürəm ki, onun seçilməsi Azərbaycanca Vikipediya və əsas da inzibatçıların yükünün azaldılması cəhətindən müsbət olacaq. İstifadəçi redaktor kimi də hazırda aktivdir. Niyə də yox?— Turkmen ^müzakirə 20:12, 9 avqust 2023 (UTC)

Dəstək

1.  Lehinə: Yuxarıda fikirlərimi qeyd etmişəm. — Turkmen ^müzakirə 20:12, 9 avqust 2023 (UTC)
2.  Lehinə: istifadəçinin əsgərlikdən əvvəlki inzibatçılıq dövrünə təsadüf etməsəm də, hazırki fəaliyyətinin və texniki biliklərinin inzibatçı olmaq üçün kifayət etdiyini düşünürəm. P.S. inzibatçıların yükünün azaldılması üçün müxatəlif hüquqların idxalını təklif etmişdim. — Bikar ^müzakirə 20:18, 9 avqust 2023 (UTC)
3.  Lehinə: istifadəçi olduqca təcrübəlidir. fəaliyyətini təqdir edirəm. beynimdə tutduğum ən ideal 2 namizəddən biridir. sonacan dəstəyəm. Atakhanli (müzakirə) 20:20, 9 avqust 2023 (UTC)
4.  Lehinə: Eminn (müzakirə) 20:22, 9 avqust 2023 (UTC)
5.  Lehinə: Vikipediya üçün vacib hesab etdiyim istifadəçilərdən biridir. Töhfələri çox önəmlidir. Uğurlar.— Patriot Kor (müzakirə) 20:30, 9 avqust 2023 (UTC)
6.  Lehinə: Aramızdakı münasibət hər nə qədər yüksək səviyyədə olmasa da NMW03 həmişə Azviki üçün bir dəyər olub və olmağada davam edir. Sadəcə istifadəçinin 2 ay bundan əvvəl başladılmış səsverməni dayandırması və indi yenidən namizəd kimi təqdim edilməsi mənə qaranlıq qaldı. Özü bu barədə bir məlumat versə gözəl olardı.— Baskervill (müzakirə) 20:32, 9 avqust 2023 (UTC)
7.  Lehinə: əvvəllər də inzibatçı olub və çox yaxşı fəaliyyət göstərib. İndi də aktiv fəaliyyət göstərir. Ona görə də inzibatçı fəaliyyətində problem olmayacağından əminəm.— Şiroi Akuma 20:33, 9 avqust 2023 (UTC)
8.  Lehinə: tam mənada dəstəkləyirəm. Vaxtilə yeganə inzibatçı idi ki, deaktiv olacağını bilirdi deyə könüllü şəkildə imtina etmişdi. --► Hörmətlə: SolaVirum 21:21, 9 avqust 2023 (UTC)
9.  Lehinə: Yenidən inzibatçı olmaq istəməsinə sevindim. Uğurlar ! — Nicat^{49   ⋠müzakirə⋡} 01:47, 10 avqust 2023 (UTC)
10.  Lehinə: istifadəçinin fəaliyyətinə söz ola bilməz bu hüquqa layiq 3-5 istifadəçi varsa biri də NMW03-dür. Uğurlar --⟨Qraf⟩⁰⁶¹   (müzakirə) 04:13, 10 avqust 2023 (UTC)
11.  Lehinə: əvvəl olub. Dəyəri çoxdu vikiyə. Xüsusən texniki məsələlərdə. — Araz Yaquboglu (müzakirə) 04:37, 10 avqust 2023 (UTC)
12.  Lehinə: Fəaliyyətini təqdir etdiyim, Azərbaycan vikipediyasına böyük töhfələri olan istifadəçilərdəndir. Bundan sonrakı fəaliyyətinizdə uğurlar. Hörmətlə — Xayala Mammadli (müzakirə) 05:30, 10 avqust 2023 (UTC)
13.  Lehinə: istifadəçinin fəaliyyəti bu hüquq almaq üçün kifayət edir -- Sahil ^;)   (müzakirə) 07:18, 10 avqust 2023 (UTC)
14.  Lehinə: fəaliyyəti bu hüquqa uyğun və layiqdir. - Dr.Wiki54 (müzakirə) 07:52, 10 avqust 2023 (UTC)
15.  Lehinə: aktiv inzibatçılara ehtiyac var. — Khidirzada (müzakirə) 07:59, 10 avqust 2023 (UTC)
16.  Lehinə: tam layiqdir. İnzibatçı olduğu dövrdə də özünü doğruldub.— samral ^müzakirə 11:06, 10 avqust 2023 (UTC)
17.  Lehinə: — Xeyal ^(müzakirə) 14:57, 10 avqust 2023 (UTC)
18.  Lehinə: Gənc olmasına baxmayaraq, çox intellektli, savadlı, bacarlıqıdr. Uğurlar arzulayıram. Layiqli namizəddir. Bir müdət öncə də çox aktiv idi. Bu gündə çox aktivdir. — A.Aida88 (müzakirə) 10:20, 11 avqust 2023 (UTC)
19.  Lehinə: Müzakirələrə yanaşmalarınızı bəzən sevməsəm də fəaliyyətinizi bəyənirəm. Uğurlar bəy. — eldarado(müzakirə | fəaliyyət | meta səhifəsi) 16:46, 11 avqust 2023 (UTC)
20.  Lehinə: təcrübəli redaktordur, vaxtilə bitərəf və peşəkar inzibatçı olub.— Sortilegus (müzakirə) 18:40, 11 avqust 2023 (UTC)
21.  Lehinə: Azvikiyə böyük töhfələr verən aktiv istifadəçi. İnzibatçılığa layiqli bir namizəd — Orucov Əvəz 20:08, 11 avqust 2023 (UTC)
22.  Lehinə: Gadir (müzakirə) 19:35, 14 avqust 2023 (UTC)
23.  Lehinə: Həqiqətən faydalı və kreslo eşqində olmayan idarəçi olub. Yenidən idarəçi olması azvikiyə qəşəng təkan verəcək. — Rəcəb Yaxşı (müzakirə) 08:46, 21 avqust 2023 (UTC)

Qarşı

1.  Əleyhinə: Doğrusu istifadəçi haqda fikrim çox müsbətdir. Mən də NMW03-ün inzibatcı olmasının lehinə səs verirəm. Sadəcə gördüm "Qarşı" qrafası boşdur. Dedim göz dəyməsin deyə ora bir səs atım ( həm də sonra deməsin ki, yeganə inzibatcıyam ki seçkidə əleyhimə bircə səs belə yox idi ) Uğurlar — Tarixi Nadir (müzakirə) 05:56, 19 avqust 2023 (UTC)

Şərhlər

Baskervill, təşəkkürlər. Əvvəlki səsvermədə inzibatçılıq üçün həvəsim yox idi və digər işlərlə məşğul olmaq istəyirdim. (orda qeyd etmişəm nələrlə). Amma axırıncı düşərgədə az qala hamı "namizədliyini ver" dediyi üçün türklər demiş kırmak istemedim.— NMW03 (müzakirə) 20:57, 9 avqust 2023 (UTC)

Düşərgəmin Sizin fəaliyyətinizə dəstəyi.Oflayn fəaliyyətimin nəticəsində Siz bu qənaətə gəldiniz. Ona görə də düşünürəm ki, oflayn fəaliyyəti onlayn fəaliyyətdən ayırmamaq lazımdır. Əksinə dəstək olmaq lazımdır fikrimcə - A.Aida88 (müzakirə) 04:21, 10 avqust 2023 (UTC)

Burada konkret nə demək istəmisiniz? Daha aydın şəkildə fikir bildirə bilərsiniz? Patriot Kor (müzakirə) 17:29, 11 avqust 2023 (UTC)

Demək istəyirəm ki, son düşərgə NMW03-ün yenidən admin olmasına bir növ vasitə oldu. Hətda mən belə düşərgədə ona admin olmalısan deyirdim. Bununla onu demək istədim ki, nə qədər offline fəaliyyət çox olsa, bir-birimizi tez-tez görsək, vikipediyaya xeyir verən nəticələr əldə edəcəyik. Məsələn NMW03 kimi admin qazanacağıq))) Yeni-yeni düşərgələr keçirəcəyəm. Və daha neçə adminlər, istifadəçilər o düşərgələrdə üzə çıxacaq.— A.Aida88 (müzakirə) 17:41, 11 avqust 2023 (UTC)

A.Aida88 Sizin yuxarıda qeyd etdiyiniz fikirlər bir növ belə çıxır: Yəni mən vikidüşərgəni təşkil etməsəydim, səni admin kimi dəstəkləyən olmayacaqdı. O ki qaldı oflayn fəaliyyətinizə, əgər vikipediyada onlayn fəaliyyətiniz çox aşağıdırsa, çöldə bayırda mən inzibatçıyam deyib gəzməyin nə faydası. Sonuna qədər oflayn fəaliyyəti olan inzibatçıları dəstəkləmirəm. — Xeyal ^(müzakirə) 07:37, 12 avqust 2023 (UTC)

• Dəyərli həmkarım Xeyal ^(müzakirə) əsla mən elə fikir söyləmək niyyətində deyiləm. Sadəcə görüşlərin nə qədər əhəmiyyətli olduğunu bildirmək istəmişəm. Hörmətlə, — A.Aida88 (müzakirə) 09:57, 12 avqust 2023 (UTC)

En Merker, belə bir əsasla qarşı səs vermək, icmanı və namizəd olan həmkarı ələ salmaqdan başqa bir şey deyil. Arxivdəki səsvermələrdə, qarşı səs almadan seçilən 1-2 inzibatçı tapa bilərsiniz bu arada. — Baskervill | ^müzakirə 09:27, 19 avqust 2023 (UTC)

En Merker Siz təcrübəli istifadçisiniz. Belə fikirlə çıxış etməniz istifadəçinin şəxsiyyətini aşağılamış olursunuz. "həm də sonra deməsin ki, yeganə inzibatcıyam ki seçkidə əleyhimə bircə səs belə yox idi" - bu fikir sadəcə özündən razılıq ifadəsi ola bilər. Uzun müddətdir ki, NMW03-ün fəaliyyətinin şahidiyik. Heç bir zaman özündən razılıq olmayıb. Hətta dəfələrlə dəstək olub. Qeyd edərdim ki, digər istifadəçilərə 7-24 köməklik edib. Digər dəyərli inzibatçılarımızın səs verməsinə nəzər salsaq, görərik ki, 1 nəfər belə əleyhinə olan olmayıb seçkilərdə. Bu nə fikirdir? Başqa ad fikirləşə bilmədim. Məncə biraz nəzakətli olmalıyıq.— A.Aida88 (müzakirə) 14:00, 22 avqust 2023 (UTC)

Hörmətli @En Merker, bu səsvermənin ümumi gedişatı üçün hesab edirəm çox yanlış addım atmısınız. Bu istifadəçi üçün bunu etmək doğru deyil. Hörmətli @Baskervill və hörmətli @A.Aida88 nın fikirlərinə qatılaraq əlavə edim ki, bəli dəstək olmaq lazım idi. İstənilən halda səsiniz nəticəni dəyişmir. Sadəcə istifadəçinin uğurlu səsverməsinə qara bir nöqtə salır. Fikirimcə bunu etməməli idiniz. Patriot Kor (müzakirə) 14:38, 22 avqust 2023 (UTC)

 Şərh: Mənim yazdıqlarım mizah və yumordur. Başqa motivlər axtarmağa ehtiyac yoxdur. Bu səs vermədə iki istifadəçi qaranlıqdan danışıblar. Unudun bu qaranlıq söhbətləri, gülümsəyin cənablar, GÜLÜMSƏYİN . — Tarixi Nadir (müzakirə) 05:36, 23 avqust 2023 (UTC)

Hörmətli En Merker nəzərinizə çatdırım ki, ensiklopediya mizah və ya yumor yeri deyil. Siz məni qaranlıqdan danışmaqla iddiham edə bilməzsiniz! Məhz elə Sizin yazdığınız şərhdə qaranlıq çox aydın nəzərə çarpır. — A.Aida88 (müzakirə) 07:32, 23 avqust 2023 (UTC)

A.Aida88, əslində, yumor olar, trollinq olmaz. Bu yumordur, trollinqdir, bilmirəm. EnVikidə insanlar var ki, arvad-uşağın halını soruşur müzakirə səhifəsində. Sadəcə bizim vikidir ki, beynəlmiləl diplomatik görüş kimi yanaşır buna. --► Hörmətlə: SolaVirum 07:36, 23 avqust 2023 (UTC)

Ümumiyyətlə, AzVikidə istifadəçilər çox ciddidirlər, həmişə belə olub. TrVikiyə baxıram, insanlar bir-birinə rahat şəkildə "sən" deyə xitab edirlər, zarafatlaşırlar, bizdə kimsə "sən" deyə xitab edəndə bir də görürsən ki, deyir ki, "sizə "sən" ilə xitab etməyə icazə verməmişəm" deyir. Şiroi Akuma 08:07, 23 avqust 2023 (UTC)

 Şərh: Sakitləşin xanım. Mən sizi nəzərdə tutmamışdım. Siz xanımsınız cənab yox. Mən nöqtə qoyub söhbəti burda da bitirirəm. Yənə də deyirəm bu yumordur. Başqa motivlər axtarmayın. Nə sizə, nə də başqa istifadəçilərə qarşı mənim pis niyyətim yoxdur və olmayacaq. Ensiklopediya olan da nə olar ki, gəlin bir az güləriz və mehriban olaq. Hörmətlə — Tarixi Nadir (müzakirə) 07:47, 23 avqust 2023 (UTC)

•  Şərh: En Merker Mən qayət çox sakinəm). Siz iki istifadəçi deyə qeyd etmisiniz. Cənab deyə müraciət etməmisiniz. Ona görə şərhinizə cavab verdim. Hamıya qarşı münasibətinizin, niyyətinizin şahidiyəm. Hörmətlə, — A.Aida88 (müzakirə) 08:13, 23 avqust 2023 (UTC)

Yekunlaşdırma

Yekun nəticə:

• Səs verənlər — 24
  • Etibarsız səs sayı — 0
  • Etibarlı səs sayı — 24
    • Lehinə — 23
    • Əleyhinə — 1
    • Bitərəf — 0

Y Səsvermənin nəticələri Vikipediya:İdarəçilərin və bürokratların seçilməsi qaydalarına əsasən hesablanmış və bu qaydalara uyğun olaraq NMW03 (müzakirə • töhfələr • statistikalar)-ə latın əlifbalı Azərbaycan dilində olan vikipediyanın inzibatçısı statusu verilmişdir.— Turkmen ^müzakirə 20:27, 24 avqust 2023 (UTC)

Həmçinin bax

• İnzibatçılara müraciət
• İnzibatçı müzakirəsi
• İnzibatçıların və bürokratların seçilməsi qaydaları
• Bürokratlar
• Arxiv