Rəvan Lətifov

Rəvan Lətifov (tam adı: Lətifov Rəvan Ömür oğlu; d. 26 avqust 1991, Xaçmaz, Oğuz rayonu, Azərbaycan Respublikası, – ö. 8 noyabr 2020, Şuşa, Azərbaycan) — İkinci Qarabağ müharibəsi şəhidi; “Cəsur döyüşçü” medalı ilə təltif edilmiş "N" saylı hərbi hissənin tankçısı.

Rəvan Lətifov 27 sentyabr 2020-ci ildə könüllü olaraq Milli Ordu sıralarına yazılmışdır. Tankçı qismində Fizuli rayonunun kəndlərinin düşmən işğalından azad edilməsində iştirak etmişdir. 2020-ci ilin 4 noyabr tarixində Şuşa şəhərinin işğaldan azad olunması əməliyatında yer almış, 8 noyabr tarixində Şuşa şəhərində şəhid olmuşdur. 15 noyabr tarixində Xaçmaz kənd Şəhidlər Xiyabanında dəfn edilmişdir.

Bioqrafiya

Rəvan Lətifov 26 avqust 1991-ci ildə Oğuz rayonunun Xaçmaz kəndində dünyaya gəmişdir. 2007-ci ildə Xaçmaz kəndinə orta məktəbi bitirdikdən sonra Azərbaycan Dövlət Pedaqoji Universitetində Təhsilin təşkili və idarə olunması ixtisasına daxıl olmuşdur. 2011-ci ildə təhsilini bitirdikdən sonra Oğuz rayonu Sincan kənd tam orta məktəbində təşkilatçı müavin vəzifəsində çalışmışdır. Rəvan Lətifov ailəli idi və bir övladı var.

Təltif və mükafatları

Azərbaycan Respublikasının Prezidentinin 18 dekabr 2020-ci il tarixli "Azərbaycan Respublikası Silahlı Qüvvələrinin hərbi qulluqçularının “Cəsur döyüşçü” medalı ilə təltif edilməsi haqqında Azərbaycan Respublikası Prezidentinin Sərəncamı"na əsasən Rəvan Lətifov ölümündən sonra “Cəsur döyüşçü” medalı ilə təltif edilmişdir.

İstinadlar

1. https://mod.gov.az/az/news/azerbaycan-respublikasi-silahli-quvvelerinin-herbi-qulluqcularinin-cesur-doyuscu-medali-ile-teltif-edilmesi-haqqinda-aze-34124.html?fbclid=IwAR22ov9q-jZmUVU6brhl94h92SwTyfJTTEYzzpc6DHsFXiO15rYwvvOwHKE
2. https://www.muallim.edu.az/news.php?id=13689
3. https://haqqin.az/news/195306
4. https://axar.az/news/gundem/519956.html
5. https://oxu.az/war/441453