Ayaz İmanzadə

Ayaz İmanzadə (tam adı: Ayaz Daşqın oğlu İmanzadə; 3 dekabr 1996; Neftçala şəhəri, Azərbaycan — 2 oktyabr 2020; Azərbaycan) — Azərbaycan Silahlı Qüvvələrinin leytenantı, Vətən müharibəsinin şəhidi.

Ayaz İmanzadə
Fayl:Ayaz İmanzadə.jpg
Şəxsi məlumatlar
Doğum tarixi	3 dekabr 1996
Doğum yeri	Neftçala şəhəri, Azərbaycan
Vəfat tarixi	2 oktyabr 2020 (23 yaşında)
Vəfat yeri	Azərbaycan
Dəfn yeri	Neftçala şəhəri, Azərbaycan
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2019-2020
Rütbəsi	Leytenant
Döyüşlər	Vətən müharibəsi
Təltifləri

Həyatı

Ayaz İmanzadə 1996-cı il dekabrın 3-ü Neftçala rayonunda anadan olmuşdur. Neftçala şəhər 1 saylı tam orta məktəbi bitirmişdir. 2013-cü ildə Cəmşid Naxçıvanski adına Hərbi Liseyə, 2015-ci ildə isə Heydər Əliyev adına Azərbaycan Ali Hərbi Məktəbinə qəbul olmuşdur. Ailəli idi, bir övladı var. İdmanla məşğul olmağı və balıq tutmağı sevirdi.

Hərbi xidməti

Ayaz İmanzadə 2019-cu il sentyabrın 26-da leytenant rütbəsi ilə təltif edilmişdir. Heydər Əliyev adına Azərbaycan Ali Hərbi Məktəbini bitirdikdən sonra, Ağcabədi rayonunun N saylı hərbi hissəsində tağım komandiri kimi işə başlamış, təyinatla Fizuli rayonunun Horadiz kəndinin N saylı hərbi hissəsində xidmətini davam etdirmişdir.

Azərbaycan Ordusunun 2020-ci il sentyabrın 27-də Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi üçün başlanan Vətən müharibəsində Füzuli əməliyyatında döyüşmüşdür. Döyüş meydanında dostunu və əsgərini xilas etdikdən sonra, şəhid olmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamı ilə leytenant İmanzadə Ayaz Daşqın oğlu ölümündən sonra "Vətən uğrunda" medalı ilə təltif edilmişdir.

Təltifləri

• (15.12.2020) — "Vətən uğrunda" medalı (ölümündən sonra)