Xəlfə İbrahimov

Xəlfə İbrahimov
Xəlfə İbrahimov
Azərbaycan Kommunist Partiyası Ağdaş Rayon Komitəsinin birinci katibi
	1974 – ?
Azərbaycan Kommunist Partiyası Bərdə Rayon Komitəsinin birinci katibi
	1964 – ?
Azərbaycan Kommunist Partiyası Qasım İsmayılov Rayon Komitəsinin birinci katibi
	1963 – 1964
Azərbaycan Kommunist Partiyası Dəstəfur Rayon Komitəsinin birinci katibi
	1961 – 1963
Azərbaycan Kommunist Partiyası Şamaxı Rayon Komitəsinin ikinci katibi
	1959 – 1960
Şəxsi məlumatlar
Doğum tarixi	1919
Doğum yeri	Sündü, Şamaxı qəzası, Bakı quberniyası, AXC;
Vəfat tarixi	24 fevral 1980
Vəfat yeri	Bakı, Azərbaycan SSR, SSRİ;
Dəfn yeri	Şüvəlan;
Təhsili	Bakı Dövlət Universiteti;
Fəaliyyəti	siyasətçi
Təltifləri

Xəlfə İmamqulu oğlu İbrahimov (1919, Sündü, Şamaxı qəzası – 24 fevral 1980, Bakı) — Azərbaycan Kommunist Partiyası Ağdaş Rayon, Bərdə Rayon, Qasım İsmayılov Rayon və Daşkəsən Rayon komitələrinin birinci, Şamaxı Rayon Komitəsinin ikinci katibi katibi, SSRİ Ali Sovetinin deputatı.

Həyatı

İbrahimov Xəlfə 1919-cu ildə Şamaxı qəzasının Sündü kəndində doğulmuşdur. Kənd məktəbini bitirdikdən sonra, təhsilini Şamaxı Pedaqoji məktəbində davam etdirmişdir. Təzəcə müəllimlik edirdi ki, Böyük Vətən müharibəsi başlayır. O, cəbhəyə yollanır. Cəbhədə ağır döyüşlərdə şücaətlər göstərir.

Xəlfə İbrahimov istehsalatdan ayrılmamaqla təhsilini davam etdirmişdir. O, əvvəl Azərbaycan Dövlət Universitetini, sonra isə Azərbaycan KP MK yanında Ali Partiya məktəbini bitirmişdir.

Xəlfə İbrahimov 1980-ci il fevral ayının 24-də Bakı şəhərində vəfat etmişdir. Anası Bahar xanımın məsləhəti ilə Şüvəlan qəsəbəsində — Mir Mövsüm Ağanın qəbristanlığında dəfn edilmişdir.

Ailəsi

Kürdəmir Rayon İcra Hakimiyyətinin başçısı Elxan İbrahimovun babasıdır.

Siyasi fəaliyyəti

Müharibədən qayıtdıqdan sonra, Xəlfə İbrahimov Mərəzə rayon maşın-traktor stansiyasında hərbi işlər üzrə komissar, sonra isə rayon PK-nin katibi vəzifəsində çalışmışdır.

Xəlfə İbrahimov əvvəl – 1959–1960 cı illərdə Şamaxı rayon PK-nın ikinci katibi, sonralar isə Daşkəsən, Qasım İsmayılov, Bərdə və Ağdaş rayon PK-nın birinci katibi vəzifəsində çalışmışdır.

X.İbrahimov Azərbaycan KP MK üzvlüyünə namizəd və dəfələrlə Ali Sovetin deputatı seçilmişdir.

Mükafatları, təltifləri və fəxri adları

O dövlətin bir çox ali mükafatlarına ("Lenin", "Oktyabr inqilabı", "Qırmızı Əmək Bayrağı" ordenlərinə, onlarla fəxri fərmanlara) layiq görülmüşdür.

Mənbə

Seyfəddin Qəniyev. Qobustan. Bakı, "Nurlan", 2005.-720 səh.
Азәрбајҹан ССР Али Советинин депутатлары. Доггузунҹу чағырыш. Бакы: Азәрбајҹан Дөвләт Нәшријјаты. 1976. С. 161.