Vikipediya

Xosrov Cəfərov

Xosrov Cəfərov (tam adı: Xos­rov İs­ra­fil oğ­lu Cə­fə­rov; 31 oktyabr 1947, Maştağa – 8 yanvar 2007, Azərbaycan) — Azərbaycanın tanınmış pəhləvanı, Güləş üzrə Azərbaycan milli komandasının yeniyetmələrdən ibarət üzvlərinin baş məşqçisi (1974-2007-ci illər). Azərbaycan Respublikasının əməkdar məşqçisi,[1] SSRİ idman ustası, fəxri bədən tərbiyəsi və idman işçisi.[2]

Xosrov Cəfərov
Şəxsi məlumatlar
Tam adı Xos­rov İs­ra­fil oğ­lu Cə­fə­rov
Vətəndaşlığı SSRİ SSRİ→
Azərbaycan Azərbaycan
Doğum tarixi
Doğum yeri Maştağa, Bakı, Azərbaycan SSR, SSRİ
Vəfat tarixi (59 yaşında)
Vəfat yeri Azərbaycan
İdman növü Güləş
İdman dərəcəsi "Azərbaycan Respublikasının əməkdar idman ustası" fəxri adı

Həyatı redaktə

Xosrov Cəfərov 31 oktyabr 1947-ci ildə Bakı şəhərinin Maştağa kəndində anadan olub.

Karyerası redaktə

İdmançı redaktə

Xosrov Cəfərov 1962-ci ildən idmanın güləş növü ilə məşğul olub[1]. Sərbəst güləşin sirlərini Ordu İdman Klubunda öyrənib[2].

Müxtəlif yaş qrupları üzrə respublika çempionatının qalibi və mükafatçısı olub[2]. 1968-ci ildə orta çəkidə Azərbaycan SSR Çempionu olub. Bundan sonra 1969, 1970, 1971, 1972, 1973, 1974-cü illərdə də Respublika çempionluğu titulunu qoruyub saxlayıb[3].

O, hətta 1968-ci ildə SSRİ Silahlı Qüvvələrinin yarışında bütün rəqiblərinin belini yerə vuraraq qalib adını qazanıb[4].

Xosrov Cəfərov Almaniya və digər ölkələrin Azərbaycan ilə birlikdə keçirdikləri yarışlarda qızıl medal qazanaraq ən yaxşılardan olub. Eyni zamanda yeniyetmələr arasında SSRİ mükafatçısı, gənclər arasında SSRİ çempionu adını qazanıb[5].

Məşqçi redaktə

Xosrov Cəfərov məşqçilik fəaliyyətinə 1969-cu ildən başlayıb[6].

1969-1987-ci illərdə İxtisaslaşmış Güləş Məktəbi məşqçi işləyib və uğurlu idmançılar yetişdirib[7].

1974-cü ildən ömrünün sonuna qədər yeniyetmələr üzrə milli komandanın baş məşqçisi olub.

1988-ci ildən isə “Dinamo” İdman Cəmiyyətində sərbəst güləş üzrə baş məşqçi kimi fəaliyyətə başlayıb[8].

Xosrov Cəfərovun rəhbərliyi ilə sərbəst güləş üzrə Azərbaycan seçməsi 1996-cı ildə İranın paytaxtı Tehranda təşkil edilmiş dünya birinciliyində komanda hesabında 3-cü yeri tutmuşdur[2]. Onun sayəsində 1998-ci ildə millinin nəticəsi bir az da yaxşılaşıb[2]. İngiltərənin Mançester şəhərində 2-ci yeri tutan Azərbaycan yığması, eyni nəticəni bir il sonra Polşanın Lodz şəhərində də təkrarlayıb[2].

Azərbaycan Respublikasının əməkdar məşqçisi idi.

Vəfatı redaktə

Xosrov Cəfərov 8 yanvar 2007-ci ildə - Bakıda keçirilən ölkə çempionatının ikin­ci gü­nü[2] uzun sürən xəstəlikdən 59 yaşında ikən dünyasını dəyişmişdir[9]. Həmin gün mər­hum gü­ləş us­ta­dı­nın xa­ti­rə­si ölkə çempionatında "Cən­gi" sə­da­la­rı ilə yad edil­miş, ru­hu­na dualar oxunmuş­dur[2].

Ölümündən sonra 2007-ci ilin sonunda Azərbaycan Milli Olimpiya Komitəsinin mükafatına layiq görülmüşdür[10].

Ye­tir­mə­lə­ri redaktə

Onun ye­tir­mə­lə­ri - ye­ni­yet­mə­lər ara­sın­da 2 də­fə dün­ya bi­rin­ci­li­yi­nin qa­li­bi Na­miq Sev­di­mov, At­lan­ta və Sid­ney olim­pia­da­la­rı­nın iş­ti­rak­çı­sı El­şad Allah­ver­di­yev, Dün­ya ku­bo­ku­nun sahibi Vü­qar Qur­ba­nov, beynəlxalq turnirlərin qızıl mükafatçısı Anar İsmayılov, gənc­lər ara­sın­da SSRİ bi­rin­ci­lik­lə­ri­nin mü­ka­fat­çı­la­rı Eh­ti­ram Ba­ba­yev, Rə­sul Əmi­rov, İsa Səgərov, Həmid Rəsulov, Firudin Ağasıyev, Əf­qan və Bəh­ruz Məm­mə­dov qar­daş­la­rı və baş­qa ta­nın­mış gü­ləş­çi­lər Azərbaycanı bey­nəl­xalq ya­rış­lar­da müvəffəqiyyətlə təm­sil edib­lər[2].

Ailəsi redaktə

Oğlu Əjdər Cəfərov Azərbaycan Güləş Federasiyasının baş katibi[11] vəzifəsində işləyib[12], əməkdar məşqçi, “Tərəqqi” medalının mükafatçısıdır[13]. Daha əvvəl isə Azərbaycan Güləş Federasiyasının Hakimlər Kollegiyasının sədri olduğu dövrdə ölkəni beynəlxalq arenada layiqincə təmsil edərək[2], 2010-cu ildə Sinqapurda keçirilən yeniyetmələrin ilk olimpiya oyunlarının və 2012-ci ildə Londonda Yay Olimpiya Oyunlarının hakimi olmuşdur.

Xatirəsi redaktə

Azərbaycan Güləş Federasiyasının 1 saylı nümayəndəliyinin Xosrov Cəfərov adına Güləş Klubu (“Xosrov Cəfərov” GK) ödənişsiz fəaliyyət göstərir[14][15][16].

İstinadlar redaktə

  1. ↑ 1 2 Azərbaycan bayrağını dünya arenalarında dalğalandıran tələbələrin ustadı[ölü keçid]. goal.az, 05.09.2018  (az.)
  2. ↑ 1 2 3 4 5 6 7 8 9 10 Əməkdar məşqçi Xosrov Cəfərov 62-ci doğum günündə yad edilir Arxivləşdirilib 2018-10-12 at the Wayback Machine. awf-az.org, 31.10.2009  (az.)
  3. ↑ Azərbaycan bayrağını dünya arenalarında dalğalandıran tələbələrin ustadı - Xosrov Cəfərov Arxivləşdirilib 2020-01-30 at the Wayback Machine. kaspi.az, 05.09.2018  (az.)
  4. ↑ Azərbaycan bayrağını dünya arenalarında dalğalandıran tələbələrin ustadı - Xosrov Cəfərov Arxivləşdirilib 2018-09-10 at the Wayback Machine. moderator.az, 05.09.2018  (az.)
  5. ↑ Azərbaycan bayrağını dünya arenalarında dalğalandıran tələbələrin ustadı – Xosrov Cəfərov Arxivləşdirilib 2018-09-08 at the Wayback Machine. avropa.info, 05.09.2018  (az.)
  6. ↑ Azərbaycan bayrağını dünya arenalarında dalğalandıran tələbələrin ustadı – Xosrov Cəfərov Arxivləşdirilib 2018-09-07 at the Wayback Machine. turkustan.info, 05.09.2018  (az.)
  7. ↑ Bayrağımızı dünya arenalarında dalğalandıranların ustadı – Xosrov Cəfərov Arxivləşdirilib 2021-01-25 at the Wayback Machine. yenicag.az, 05.09.2018  (az.)
  8. ↑ Azərbaycan bayrağını dünya arenalarında dalğalandıran tələbələrin ustadı – Xosrov Cəfərov. bizimyol.info, 05.09.2018  (az.)
  9. ↑ Azərbaycan bayrağını dünya arenalarında dalğalandıran tələbələrin ustadı – Xosrov Cəfərov - FOTOLAR Arxivləşdirilib 2018-09-06 at the Wayback Machine. mynews.az, 05.09.2018  (az.)
  10. ↑ Azərbaycan prezidentini MOK-un ordeni ilə təltif edəcəklər Arxivləşdirilib 2021-05-18 at the Wayback Machine. trend.az, 26.12.2007  (az.)
  11. ↑ Əjdər Cəfərov: Bizim təkcə torpaqlarımız yoxdur – MÜSAHİBƏ + FOTOSESSİYA. oxu.az, 13.11.2014  (az.)
  12. ↑ Baş katib vəzifəsindən azad edildi. publika.az, 03.02.2016  (az.)
  13. ↑ "Azərbaycan Milli Olimpiya komandası üzvlərinin təltif edilməsi haqqında" Arxivləşdirilib 2022-08-04 at the Wayback Machine Azərbaycan Respublikası Prezidentinin 31 avqust 2012-ci il tarixli, 2399 nömrəli Sərəncamı. e-qanun.az  (az.)
  14. ↑ “Xosrov Cəfərov” yunan-Roma güləşi yarışının qalibi oldu. allsport.az, 13.11.2015  (az.)
  15. ↑ “Gələcəyin olimpiyaçıları” turnirinin qalibləri “Azəri” və "Xosrov Cəfərov" klubu oldu[ölü keçid]. olimpnews.az, 14.11.2015  (az.)
  16. ↑ “Xosrov Cəfərov” və “Hövsan” güləş komandaları “Gələcəyin Olimpiyaçıları” yarışının finalına yüksəliblər Arxivləşdirilib 2020-10-21 at the Wayback Machine. azertag.az, 13.11.2015  (az.)
Mənbə — "https://az.wikipedia.org/w/index.php?title=Xosrov_Cəfərov&oldid=7427347"