Xuraman Şuşalı
Hüseynova Xuraman Qələndər qızı (2 fevral 1983[3], Şuşa, Dağlıq Qarabağ) — Azərbaycanlı müğənni[4]
| Xuraman Şuşalı | |
|---|---|
| Hüseynova Xuraman Qələndər qızı | |
 | |
| Ümumi məlumatlar | |
| Ləqəbi | Xuraman Şuşalı |
| Doğum tarixi | |
| Doğum yeri | Şuşa Azərbaycan SSR |
| Vətəndaşlığı |
 SSRİ→ Azərbaycan |
| Milliyyəti | Azərbaycanlı |
| Musiqiçi məlumatları | |
| Fəaliyyəti | müğənni |
| Janr | pop musiqisi |
| Təhsili | |
| Boyu | 1.60 sm[1][2] |
Həyatı redaktə
Hüseynova Xuraman Qələndər qızı 1983-cü ildə Şuşa şəhərində anadan olub. İlk təhsilini 1990-cı ildə Şuşa şəhəri 4 saylı orta məktəbdə alıb. Həmin ildə Şuşa şəhər Niyazi adına musiqi məkəbinə (Solo ifaçılıq sinfinə) daxil olub. 1992-ci ildə Şuşa şəhərinin işğal olunması ilə əlaqədar ailəsi ilə birgə Bakı şəhərinə köçüb. Təhsilini 1993–1999-cu illərdə Respublika İncəsənət Gimnaziyasında davam etdirib. Gimnaziyada təhsil aldığı illərdə "Azərbaycan Televiziya və Radio Verilişləri" Qapalı Səhmdar Cəmiyyətinin "Bənövşə" uşaq xorunun və rəqs ansamblının solisti olub.[4]
Həmin illərdə Dövlət Televiziyası və İncəsənət Gimnaziyasının təşkilatçılığı ilə səhnələşdirilmiş Üzeyir Hacıbəyovun "Arşın mal alan" operettasında "Telli" (rej. Tofiq Tağızadə)[5], Nizami Gəncəvinin "Xeyir və Şər" operasında Şahzadə (bəstəkar Oqtay Rəcəbov), S. Vurğunun "Fərhad və Şirin" (poeması əsasında) tamaşasında "Şirin" (rej. Məmmədkamal Kazımov), Üzeyir Hacıbəyovun "Ər və arvad" operettasında "Minnət xanım", S. Rüstəmin "Qaçaq Nəbi" poemasında "Həcər" və s. tamaşalarda müxtəlif obrazlar yaratmışdır. Nizami Gəncəvinin "Xeyir və Şər" operasında oynadığı Şahzadə, "Arşın mal alan" operettasında ifa etdiyi Telli (rej. Tofiq Tağızadə) obrazları Dövlət Televiziyasının qızıl fonduna daxil edilib. 1998, 1999, 2000-ci illərdə UNİCEF və Dövlət televiziyasının birgə təşkil etdiyi 1 iyun Uşaqların Beynəlxalq Müdafiəsi Gününə həsr olunmuş konsert proqramlarında Ulu Öndər Heydər Əliyevin qarşısında "Heydər Babamız" mahnısı ilə çıxış etmişdir.[6]
Ailəlidir 2 oğlu 2 qızı var.
Yaradıcılığı redaktə
1997-ci ildə Azərbaycan Televiziya və Radio Verilişləri Qapalı Səhmdar Cəmiyyətinin ümummillli lider Heydər Əliyevə həsr olunmuş musiqi musabiqəsində "Heydər Babamız" mahnısı ilə 1-ci yerə layiq görülüb.[6]
2000-ci ildən Yeni Azərbaycan Partiyasının Xətai rayon təşkilatının üzvüdür.
2000–2004-cü illərdə Azərbaycan Milli Konservatoriyasının Musiqişünaslıq fakültəsinin Xanəndəlik ixtisasını bitirib. Təhsil illərində Tükəzban İsmayılova, Mələkxanım Əyyubova, İslam Rzayev, Teymur Əmrah və bir çox tanınmış sənətkarlardan dərs alıb.
2002–2004-cü illərdə bəstəkar Vaqif Gərayzadənin yaratdığı "W-Trio" qrupunda fəaliyyət göstərib. 2004-cü ildən solo fəaliyyətə başlayıb.
2004–2008-ci illərdə Niyazi adına Şuşa şəhər Uşaq İncəsənət Məktəbində xanəndəlik ixtisası üzrə müəllim işləyib.
2005-ci ildə "Səbuhi" studiyasında "Ola bilməz" adlı albomu işıq üzü görüb. Albomda 11 mahnı yer alıb. "Farsi", "İnnabı", "Ola bilməz", "Daha yoxsan" (bəstəkar Gövhər Həsənzadə) "Yenə mən" mahnıları ilə böyük tamaşaçı auditoriyası toplaya bilib.
2006–2013-cü illərdə "İnnabı" (xalq mahnısı), "Sənsiz nəyimə gərək" (söz: Baba Vəziroğlu, mus: Kamal) "Bezmişəm", "Мне пора" , "Farsi", Yenə mən" adlı mahnılarına çəkilən kliplərini təqdim edib.
2012-ci ildə "Narkomaniyaya yox deyək" aksiyasına dəstək olaraq solo konserti baş tutub.
2012-ci ildə Yeni Azərbaycan Partiyasının dəstəyi ilə "Azərbaycan" adlı mahnısına klip çəkilib və təqdimatı keçirilmişdir. Həmçinin bir çox islah-əmək müəssisələrində və uşaq evlərində təşkil olunan konsertlərdə çıxış etmişdir. 2009-cu ildə "X-Stra prodakşn" Məhdud Məsuliyyətli Cəmiyyətini təsis etmişdir. 2013-cü ildən "Xuraman Şuşalı" xına evinin təsisçisidir.
2013-cü ildən "Xuraman Şuşalı" xına evinin təsisçisidir.[4]
2020–2022-ci illərdə "Qayıdıram Şuşa", "Azərbaycan", "Vaxt gələr", "Adam olmaz" adlı mahnılarına çəkilən kliplərini təqdim edib. Həmin illərdə mətbuat şurasının təşkilatçılığı ilə Tərtər, Yevlax, Ağdam, Füzuli və digər döyüş bölgələrində yerləşən hərbi hissələrdə konsert proqramları ilə çıxış edib.
Diskoqrafiya redaktə
Mahnılar redaktə
- Farsi
- Innabı
- Ola bilməz
- Daha yoxsan
- Yenə mən
- Azərbaycan
Albomlar redaktə
- Ola bilməz (2005)
Kliplər redaktə
- Innabi
- Sənsiz nəyimə gərək
- Bezmişəm
- Мне пора
- Farsi
- Yenə mən
- Qayıdıram Şuşa
- Azərbaycan
- Vaxt gələr
- Adam olmaz
Solo konserti redaktə
- Narkomaniyaya yox deyək
Filmoqrafiya redaktə
"Hind yuxusu" bədii filmi. Komediya. (aktrisa, Hind qızı, Baş rol) (rej: Mirsadiq Ağazadə)
Xarici keçidlər redaktə
İstinadlar redaktə
- ↑ "Azərbaycanlı məşhurların boy fərqi- - 1.92, 1.50...+Fotolar". 2023-08-19 tarixində arxivləşdirilib. İstifadə tarixi: 2023-08-19.
- ↑ "Azərbaycan müğənnilərinin boy və çəkiləri "nəhs" reytinqdə (FOTO)". 2023-08-20 tarixində arxivləşdirilib. İstifadə tarixi: 2023-08-20.
- ↑ https://baku.ws/show-business/140559.
- ↑ 1 2 3 [1]Arxivləşdirilib 2022-02-13 at the Wayback Machine "Çox şanslı bir xanımam" [Mətn]: Xuraman Şuşalı: "Həm xına aparıcılığı, həm müğənnilik edən, həm də sırf özünün dekor şirkəti olan müğənni mənəm" /X.Şuşalı; müsahibəni apardı: K. Oruc. Üç nöqtə.- 2020.- 1 fevral.- S.12.
- ↑ ""Arşın Mal alan". İncəsənət gimnaziyası , AzTv". 2022-03-29 tarixində arxivləşdirilib. İstifadə tarixi: 2022-03-28.
- ↑ 1 2 "Xuraman Şuşalı. "Heydər Babamız"". 2022-03-28 tarixində arxivləşdirilib. İstifadə tarixi: 2022-03-28.