Yücel Artantaş

Yücel Artantaş (türk. Yücel Artantaş; 1952, İğdır – 27 avqust 2024, Ankara) — 22-ci çağırış (2002–2007) Türkiyə Böyük Millət Məclisinin azərbaycan əsilli millət vəkili, Türkiyə Azərbaycan Dərnəkləri Federasiyasının fəxri başqanı

Yücel Artantaş
Yücel Artantaş
Şəxsi məlumatlar
Doğum tarixi	1952
Doğum yeri	İğdır, İğdır ili, Türkiyə
Vəfat tarixi	27 avqust 2024(2024-08-27)
Vəfat yeri	Ankara, Ankara ili, Türkiyə
Partiya	Cümhuriyyət Xalq Partiyası
Təhsili	Qazi Universiteti
Fəaliyyəti	siyasətçi, sindikatçı[d]
Dini	İslam
Təltifləri

Həyatı

1952-ci ildə İğdırda anadan olub. Əslən azərbaycanlıdır. Ankara Qazi Universitetinin İqtisadiyyat və İdarəetmə Fakültəsinin Dövlət İdarəçiliyi bölməsini bitirib. Kent-Koopun İcraçı Üzvü olub. Ankara Böyükşəhər Bələdiyyəsi baş katibinin müavini vəzifəsində çalışıb. O, SSK İdarə Heyətinin üzvü olub. Ailəlidir və iki övladı var.

Parlament fəaliyyəti

2002-ci ildə 22-ci çağırış (2002–2007) Türkiyə Böyük Millət Məclisinə millət vəkili seçilib. Türkiyə-Azərbaycan parlamentlərarası dostluq qrupunun sədr müavini olub. 15 may 2006-ci ildə Dünya Azərbaycanlılarını Əlaqələndirmə Şurasının İdarə heyəti sədrinin müavini seçilmişdir. Türkiyə Azərbaycan Dərnəkləri Federasiyasının fəxri başqanı olmuşdur.

Vəfatı

27 avqust 2024-cü ildə uzun sürən xəstəlikdən sonra Ankara şəhərində vəfat edib.

Təltifləri

Yücel Artantaş Azərbaycan Respublikasının Prezidenti İlham Əliyevin Sərəncamı ilə dünya azərbaycanlılarının həmrəyliyi sahəsində fəaliyyətlərinə görə "Şöhrət" ordeni ilə təltif edilib.

Xarici keçidlər

• https://www.youtube.com/ANKARA Eski Iğdır Milletvekili Artantaş için TBMM'de tören (VİDEO EKLENDİ)watch?v=DPG06FsHjgw