Yonekiçi Miyake
Yonekiçi Miyake (三宅米吉, Miyake Yonekiçi?, 1 iyul 1860, Vakayama – 11 noyabr 1929, Koişikava-ku[d]) – Yaponiya tarixçisi, pedaqoqu və arxeoloqu.
| Yonekiçi Miyake | |
|---|---|
| yap. 三宅米吉 | |
 | |
| Doğum tarixi | 1 iyul 1860 |
| Doğum yeri | |
| Vəfat tarixi | 11 noyabr 1929 (69 yaşında) |
| Vəfat yeri |
|
| Vəfat səbəbi | Stenokardiya |
| Fəaliyyəti | tarixçi, arxeoloq |
| Mükafatları |
 |
 Vikianbarda əlaqəli mediafayllar | |
Həyatı
redaktəYonekiçi Miyake 1860-cı ildə Vakayama hanında[a] doğulmuşdur.[1] Keyo özəl məktəbində[b] təhsil alsa da, məzun olmadan məktəbdən çıxmışdır.[1] Bundan sonrakı biliklərini öz səyləri ilə qazanmışdır.[1] 1881-ci ildə Tokio Ali Normal Məktəbində[c] dərs verməyə başlamış, müasir tədris metodlarını öyrənmək üçün 1885–86-cı illərdə ABŞ və İngiltərəyə səyahət etmişdir.[1] 1890-cı ildə Tokio İmperiya Evi Muzeyinin[d] işçisi olmuş, 1922–23-cü illərdə muzeyin direktoru vəzifəsini tutmuşdur.[1] 1929-cu ildə Tokio Bunrika Universitetinin[e] ilk prezidenti seçilmişdir.[1]
Miyakenin tədqiqat sahəsi İpək yolunun tarixi, eləcə də, Kvanqetho abidəsi və 57-ci ildə Çin imperatoru tərəfindən Yaponiya hökmdarına verilmiş qızıl möhür kimi qədim yazılar olmuşdur.[1] O, antropoloji və arxeoloji tapıntılarla tarix elmini inkişaf etdirməyi dəstəkləmişdir.[1] Miyake Nippon Arxeologiya Cəmiyyətinin əsasını qoymuşdur.[1] Əsas əsərləri 1929-cu ildə "Miyake Yonekiçi çocutsuşu" ("Yonekiçi Miyakenin əsərləri") adı ilə nəşr olunmuşdur.[1]
Qeydlər
redaktə- ↑ Hazırda Vakayama prefekturası.
- ↑ Hazırda Keyo Universiteti.
- ↑ Daha sonra Tokio Təhsil Universiteti.
- ↑ Hazırda Tokio Milli Muzeyi.
- ↑ Əvvəlcə Tokio Ali Normal Məktəbi, daha sonra Tokio Təhsil Universiteti.
İstinadlar
redaktəƏdəbiyyat
redaktə- Kodansha Encyclopedia of Japan (ingiliscə). V cild (Libr–Nijo). Tokio: Kodansha. 1983. səh. 219. ISBN 0-87011-625-8. İstifadə tarixi: 29 avqust 2022.