Yusif Qazıyev (aktyor)

Yusif Lətif oğlu Qazıyev (22 mart 1931, Gəncə – 21 mart 1987, Kirovabad) — Azərbaycan teatr aktyoru, Kirovabad Dövlət Dram Teatrının direktoru (1971–1985), Azərbaycan SSR əməkdar artisti (1971).

Yusif Qazıyev
Doğum tarixi	22 mart 1931
Doğum yeri	Gəncə, Azərbaycan SSR, ZSFSR, SSRİ
Vəfat tarixi	21 mart 1987 (55 yaşında)
Vəfat yeri	Kirovabad, Azərbaycan SSR, SSRİ
Vətəndaşlığı	SSRİ
Fəaliyyəti	teatr aktyoru
Fəaliyyət illəri	1949–1971
Təhsili	Azərbaycan Dövlət Teatr İnstitutu
Teatr	Kirovabad Dövlət Dram Teatrı
Mükafatları

Həyatı

Yusif Qazıyev 22 mart 1931-ci ildə Gəncə şəhərində anadan olub. O, 1949-cu ildən 1971-ci ilə kimi Kirovabad Dövlət Dram Teatrında aktyorluq fəaliyyəti göstərib. 1971–1985-ci illərdə bu teatrın direktoru, 1981–1985-ci illərdə isə şəhər mədəniyyət şöbəsinin müdiri işləyib.

Yusif Qazıyev 1975–1980-ci illərdə Mirzağa Əliyev adına Azərbaycan Dövlət Teatr İnstitutunda qiyabi təhsil alıb. O, 21 mart 1987-ci ildə Kirovabad şəhərində vəfat edib.

Mükafatları

• "Azərbaycan SSR əməkdar artisti" fəxri adı — 27 dekabr 1971

İfa etdiyi əsas rollar

Tamaşa	Müəllif	Rol
Qaçaq Nəbi	Süleyman Rüstəm	Xəlil
Bir evin sirri	Tur qardaşları	Yapon jurnalisti
Almaz	Cəfər Cabbarlı	Barat
Nəsrəddin şah	Cəfər Cabbarlı	Nadir
Ailə namusu	Hüseyn Muxtarov	Qurban
Xırs quldurbasan	Mirzə Fətəli Axundov	Kərəm
Xərçənglər	Sergey Mixalkov	Lyoşa
Hacı Qəmbər	Nəcəf bəy Vəzirov	Mahmud
Çiçəkli dağ	Məmmədhüseyn Təhmasib	Hadı
Fərhad	Altay Məmmədov	Kişilər
Fərid	Altay Məmmədov	Həmyerlilər
Bahar suları	İlyas Əfəndiyev	Uğur
Mənim günahım	İlyas Əfəndiyev	Sahib
Komsomol poeması	İsgəndər Coşqun	Bəxtiyar
Sabahın xeyir	Viktor Rozov	Slava
Aldanmış adaxlı	Riçard Şeridan	Don Antonio
Dağlı qızı	Rəsul Həmzətov	Yusup
Bura gəlin	Əziz Nesin	Şarey
Səməndər	Firudin Aşurov	Murad
Şərqin səhəri	Ənvər Məmmədxanlı	Bəhruz
Əliqulu evlənir	Sabit Rəhman	Rövşən

Ədəbiyyat

• İlham Rəhimli. Azərbaycan Teatr Ensiklopediyası (3 cilddə). 3-cü cild. Bakı: Azərnəşr. 2017. 416 səh. ISBN 5-86874-179-X.