Zeynəl-şərəf bint Cəmil
Zeynəl-şərəf bint Cəmil (ərəb. زين الشرف بنت جميل; 2 avqust 1916, İsgəndəriyyə – 26 aprel 1994, Lozanna) — İordaniya kralı I Təlalın xanımı, II İordaniya kraliçası.
| Zeynəl-şərəf bint Cəmil | |
|---|---|
| ərəb. زين الشرف بنت جميل | |
 | |
| 20 iyul 1951 – 11 avqust 1952 | |
| Əvvəlki | Müsbəh bint Nasir |
| Sonrakı | Dinə bint Əbdülhəmid |
| Şəxsi məlumatlar | |
| Doğum tarixi | 2 avqust 1916 |
| Doğum yeri | |
| Vəfat tarixi | 26 aprel 1994 (77 yaşında) |
| Vəfat yeri | |
| Dəfn yeri |
|
| Həyat yoldaşı | |
| Uşaqları | |
| Ailəsi | Haşimilər |
| Dini | islam |
 Vikianbarda əlaqəli mediafayllar | |
1916-cı ildə İsgəndəriyyədə doğuldu. Atası Hicaz kralı Şərif Hüseynin qardaşı oğlu Şərif Cəmil ibn Nasir, anası isə sədrəzəm Kamil Paşanın soyundan Vicdan Şakir Paşadır. 27 noyabr 1934-cü ildə bibisi oğlu olan İordaniya taxtının vəliəhdi Təlal ibn Abdullahla evləndirildi. Cütlüyün bu nigahdan 4 övladı dünyaya gəldi.
- I Hüseyn
- Məhəmməd ibn Təlal (2 oktyabr 1940 - 29 aprel 2021)
- Həsən ibn Təlal (20 mart 1947-)
- Bəsmə bint Təlal (11 may 1951-)
1944-cü ildə İordaniyadakı ilk qadın xeyriyyə cəmiyyətini təsis etdi. 1948-ci ildə başlaya Ərəb-İsrail müharibəsi səbəbilə ölkəyə gələn fələstinli mühacirlərə yardım məqsədilə bir çox xeyriyyə cəmiyyətlərinə dəstək verdi. Ölkədəki qadın hüquqlarının müdafiəsi üzrə alınan tədbirlərdə mühüm rol oynadı. Ərinin 1951-ci ildə taxta çıxmasıyla İordaniya kraliçası oldu. 1952-ci il konstitusiyasının müzakirələrində iştirak etdi.
Ancaq ərinin psixoloji problemləri vardı və cəmi 1 ildən sonra şizofreniya diaqnozu ilə taxtdan endirildi. Əri I Təlal dərhal İstanbuldakı snaatoriyalardan birinə qapadıldı və ömrünün sonuna qədər burada qaldı.
1994-cü ildə İsveçrənin Lozanna şəhərində vəfat etdi. Cənazəsi ertəsi gün Ammana gətirilərək dəfn olundu.
Mənbə
redaktə- Rana Husseini (2021). Years of Struggle – The Women’s Movement in Jordan. Amman: Friedrich-Ebert-Stiftung. p. 19. ISBN 978-9923-759-33-2
- "Senarai Penuh Penerima Darjah Kebesaran, Bintang dan Pingat Persekutuan Tahun 1965"