İlqar Anzor oğlu Mirzəyev (8 may 1973; Qardabani rayonu, Gürcüstan SSR14 iyul 2020; Tovuz rayonu, Azərbaycan) — Azərbaycanın Milli Qəhrəmanı[1]; Azərbaycan Silahlı Qüvvələrinin polkovniki[2]; Azərbaycan Silahlı Qüvvələrinin 3-cü Ordu Korpusunun Artilleriya rəisi (2019—2020-ci illərdə).[2]

İlqar Mirzəyev
İlqar Mirzəyev 2018-ci ildə.JPG
Şəxsi məlumatlar
Doğum tarixi
Doğum yeri Qardabani, Gürcüstan SSR
Vəfat tarixi (47 yaşında)
Vəfat yeri Tovuz rayonu, Azərbaycan
Dəfn yeri II Fəxri Xiyaban
Vətəndaşlığı Azərbaycan Azərbaycan
Həyat yoldaşı Güllü Mirzəyeva
Uşaqları Elvin, Gülnarə
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Hərbi hissə Azerbaijan 3rd Army.svg 3-cü Ordu Korpusu
Xidmət illəri 1991—2020
Rütbə
Azərbaycan Silahlı Qüvvələrinin Quru Qoşunlarının polkovniki.png Polkovnik
Döyüşlər Aprel döyüşləri
Tovuz döyüşləri
Təltifləri
"Qızıl Ulduz" medalı
"Qızıl Ulduz" medalı II dərəcəli medalı "Hərbi xidmətdə fərqlənməyə görə" medalı III dərəcəli medalı "Hərbi xidmətdə fərqlənməyə görə" medalı "Azərbaycan Respublikası Silahlı Qüvvələri Veteranı" medalı I dərəcəli "Qüsursuz xidmətə görə" medalı II dərəcəli "Qüsursuz xidmətə görə" medalı III dərəcəli "Qüsursuz xidmətə görə" medalı "Azərbaycan Respublikası Silahlı Qüvvələrinin 10 illiyi (1991-2001)" yubiley medalı "Azərbaycan Respublikası Silahlı Qüvvələrinin 90 illiyi (1918-2008)" yubiley medalı "Azərbaycan Respublikası Silahlı Qüvvələrinin 95 illiyi (1918-2013)" yubiley medalı "Azərbaycan Ordusunun 100 illiyi (1918-2018)" yubiley medalı

2020-ci il iyulun 12-16-da baş verən döyüşləri zamanı Artilleriya Komandiri olan İlqar Mirzəyev, iyulun 14-də səhər saatlarında Tovuz rayonu istiqamətində 3-cü Ordu Korpusunun Komandiri müavini general-mayor Polad Həşimov və tabeliyində olan əsgərlərlə bir yerdə döyüş zamanı ön xətdə şəhid olub.

HəyatıRedaktə

 
İlqar Mirzəyev tələbə olan zaman (1995-ci il)

İlqar Mirzəyev 1973-cü il mayın 8-də Qardabani şəhərində anadan olmuşdur. 1980-cı ildə Qardabani şəhərində tam orta məktəbin birinci sinfinə qəbul olmuşdur və 1990-cı ildə oradan məzun olmuşdur.

1991-ci il avqustun 1-də Bakı Ali Birləşmiş Komandalıq Məktəbinə (BABKM)nə qəbul olan İlqar Mirzəyev 1995-ci ildə oranı "Artilleriya" ixtisası üzrə bitirmişdir.

AiləsiRedaktə

İlqar Mirzəyev Güllü Mirzəyeva ilə ailəli idi. Elvin adında oğlu və Gülnarə adında qızı yadigar qaldı.

Hərbi xidmətiRedaktə

İlqar Mirzəyev 1995-ci il iyunun 17-dən 1995-ci il noyabrın 12-nə qədər Bakı Ali Ümumqoşun Komandanlıq Məktəbinin Kursantlar Tağımının Komandiri, 1995-ci il iyunun 12-dən 1997-ci il martın 3-nə qədər isə Bakı Ali Ümumqoşun Komandanlıq Məktəbinin Tank Artilleriya Kursantları Tağımının Komandiri vəzifəsində xidmət eləmişdir.

Daha sonra o, 1997-ci il martın 3-dən 1998-ci il yavarın 20-nə qədər Bakı Ali Ümumqoşun Komandanlıq Məktəbinin Kursantlar Taborunun Kursantlar Bölüyünün Tağım Komandiri, 1998-ci il yanvarın 20-dən 1998-ci il noyabrın 11-nə qədər isə Bakı Ali Ümumqoşun Komandanlıq Məktəbinin Kursantlar Taborunun Kursantlar Bölüyünün Komandiri vəzifəsində xidmət eləmişdir. Qüsursuz xidmətinə görə ona Müdafiə Nazirliyinin 19 oktyabr 1997-ci il tarixli əmrinə əsasən "baş leytenant" hərbi rütbəsi verilmişdir.

İlqar Mirzəyev 1998-ci il noyabrın 11-dən 2001-ci il iyunun 14-nə qədər Bakı Ali Ümumqoşun Komandanlıq Məktəbinin Tədris prosesinin təminatı Taborunun Artilleriya batareyasının Komandiri vəzifəsində xidmət edən zaman Müdafiə Nazirliyinin 27 dekabr 2000-ci il tarixli əmrinə əsasən "kapitan" hərbi rütbəsi almışdır.

 
İlqar Mirzəyev, hərbi andiçmə zamanı

2001-ci ildən başlayaraq isə İlqar Mirzəyev bölgələrdə yerləşən hərbi hissələrdə xidmət eləmişdir. 2001-ci il iyunun 14-dən 2002-ci il iyulun 31-nə qədər "N" saylı hərbi hissənin Qərargah rəisi - haubitsalı artilleriya divizionu Komandirinin müavini, 2002-ci il iyulun 31-dən 2003-cü il avqustun 10-na qədər isə "N" saylı hərbi hissənin haubitsalı artilleriya divizionu Komandiri vəzifəsində xidmət edən İlqar Mirzəyev Müdafiə Nazirliyinin 13 dekabr 2002-ci il tarixli əmrinə əsasən "mayor" hərbi rütbəsi almışdır.

İlqar Mirzəyev 2003-cü ilin avqustunda Müdafiə Nazirliyi tərəfindən ixtisasın artırılması üçün Azərbaycan Silahlı Qüvvələrinin Hərbi Akademiyasına göndərilmişdir. 2005-ci il iyulun 2-də təhsilini uğurla başa vurmuşdur.

Təhsilini başa vurduğdan sonra mayor İlqar Mirzəyev, 2005-ci il iyulun 2-dən 2007-ci il yanvarın 7-nə qədər "N" saylı hərbi hissə Komandirinin müavini vəzifəsində xidmət eləmişdiri. Daha sonra isə o, 4 il ərzində - 2007-ci il yanvarın 7-dən 2011-ci il iyulun 29-na qədər "N" saylı hərbi hissənin əməliyyat bölməsinin rəisi - Qərargah rəisinin əməliyyatlar üzrə müavini vəzifəsində xidmət eləmişdir.

Aprel döyüşləriRedaktə

2016-cı il aprelin 1-dən 2-nə ötən gecədən başlayaraq AzərbaycanErmənistan Silahlı Qüvvələrinin bölmələri arasında cəbhənin TərtərCəbrayıl-Füzuli istiqamətlərində şiddətli döyüşlər başlamışdır.[3] Tarixə Aprel döyüşləri olaraq yazılan hərbi əməliyyatlar zamanı İlqar Mirzəyev "N" saylı hərbi hissənin Komandiri idi.[3] Gecə döyüşləri zamanı Tərtər rayonunun Talış istiqamətində olan əlverişli mövqelər, strateji nöqtələr, o cümlədən Talış yüksəkliyi Azərbaycan Ordusu tərəfindən işğaldan azad olunmuşdur. Aprel döyüşlərində göstərdiyi şücaətə və öz ixtisasını mükəmməl şəkildə bildiyinə görə, İlqar Mirzəyev, "Artilleriya Atası" ləqəbi ilə tanınırdı. [3]

Tovuz döyüşləriRedaktə

2020-ci il iyulun 12-də günorta saatlarından başlayaraq Ermənistan Silahlı Qüvvələrinin bölmələri Azərbaycan–Ermənistan dövlət sərhədinin Tovuz rayonu sahəsində Dövlət Sərhəd Xidmətinin mövqelərini artilleriya qurğularından atəşə tutub.[4] Azərbaycan Silahlı Qüvvələrinin bölmələrinin cavab tədbirləri görməsi nəticəsində Ermənistan Ordusunun hücum cəhdinin qarşısı alındı və Ermənistan Ordusu geri oturduldu.[5] Döyüşlərin birinci saatlarında Azərbaycan Ordusunun hərbi qulluqçularından 3 nəfər şəhid oldu, 4 nəfər isə yaralandı.[5][6]

İyulun 12-dən 13-nə ötən gecədə Azərbaycan–Ermənistan dövlət sərhədinin Tovuz rayonu sahəsində gərgin anlar davam edib.[7] 3-cü Ordu Korpusunun Qərargah rəisi Polad Həşimov və Artilleriya rəisi İlqar Mirzəyevin də qatıldığı hərbi toqquşmalarda,İlqar Mirzəyevin başçılıq etdiyi, artilleriya və minaatanların tətbiqi ilə gedən gecə döyüşlərində Azərbaycan Silahlı Qüvvələrinin bölmələrinin atəşi ilə Ermənistan Ordusunun dayaq məntəqəsi, artilleriya qurğuları və canlı qüvvəsi məhv edilib.[7] İyulun 13-də günorta saatlarında Azərbaycan Silahlı Qüvvələrinin bölmələri tərəfindən cəza tədbirləri davam edib.[8] Cəza tədbirləri nəticəsində Ermənistan Silahlı Qüvvələrinin atəş mövqeləri, 20 nəfərdən çox şəxsi heyət, tabor qərargahı və digər hərbi hədəflər Azərbaycan Ordusunun dəqiq atəşi ilə darmadağın edilib.[8]

İyulun 13-dən 14-nə ötən gecə və səhər saatlarında Azərbaycan–Ermənistan dövlət sərhədinin Tovuz rayonu sahəsində şiddətli döyüşlər davam edib.[9] Gecə döyüşləri zamanı Ermənistan Silahlı Qüvvələrinin fəaliyyətinin qarşısının alınması məqsədilə görülən cəza tədbirləri nəticəsində Ermənistan Ordusuna məxsus müxtəlif təyinatlı hərbi nəqliyyat vasitəsi, döyüş vasitələri, müdafiənin dərinliyində yerləşən ehtiyatlar və canlı qüvvə məhv edilib.[9]

Ölümü və dəfn mərasimiRedaktə

İyulun 14-də səhər saatlarında Tovuz rayonu istiqamətində baş verən döyüşlər zamanı Azərbaycan Silahlı Qüvvələrinin 6-sı zabit olmaqla 7 hərbi qulluqçusu şəhid oldu.[10] Həmin gün saat 13:00-da müdafiə nazirinin müavini Kərim Vəliyev canlı yayımda açıqlama verdi:[11]

Bu gün səhər saatlarında döyüş zamanı general-mayor Həşimov Polad qəhrəmancasına ön xətdə şəhid olmuşdu. Onunla birgə polkovnik Mirzəyev İlqar da şəhid olub. Bu onu göstərir ki, bizim generallar və yüksək rütbəli zabitlər əsgərlərin arxasında gizlənmirlər və döyüş tapşırıqlarını ləyaqətlə yerinə yetirirlər. Təəsüflər olsun ki, döyüşlər itkisiz olmur. Müdafiə Nazirliyi rəhbərliyi adından şəhidlərimizə rəhmət, şəhidlərimizin ailələrinə səbr diləyirik. Yaralı dostlarımıza şəfa diləyirik. Əmin etmək istəyirəm ki, şəhidlərimiz, yaralıların qanı yerdə qalmayacaq.

Müdafiə nazirinin müavini və Müdafiə Nazirliyinin Şəxsi Heyət Baş İdarəsinin rəisi general-leytenant Kərim Vəliyev


Müdafiə nazirinin müavini Kərim Vəliyev canlı yayımda Polad Həşimov və İlqar Mirzəyevin şəhid olduğunu açıqlayır

Polkovnik İlqar Mirzəyev 2020-ci il iyulun 14-də səhər radələrində Tovuz rayonu istiqamətində döyüş zamanı ön xətdə şəhid olmuşdur.[12] Həmin an onunla birgə olan 3-cü Ordu Korpusunun Komandir müavini olan general-mayor Polad İsrayıl oğlu Həşimov, mayor Anar Gülverdi oğlu Novruzov, mayor Namiq Hajan oğlu Əhmədov, gizir İlqar Ayaz oğlu Zeynallı, gizir Yaşar Vasif oğlu Babayev və əsgər Elçin Arif oğlu Mustafazadə də şəhid olmuşdur.[12]

 
İlqar Mirzəyevin məzarı

İyulun 14-də günorta saatlarında İlqar Mirzəyevin nəşi yaşadığı Xətai rayonunun Əhmədli qəsəbəsinə gətirilmişdir. Axşamüstü İlqar Mirzəyevin nəşi minlərlə insanın izdihamı ilə evinə gətirilmişdir.

Tovuz döyüşləri zamanı şəhid olan general-mayor Polad Həşimov və polkovnik İlqar Mirzəyevlə vida mərasimi eyni gündə, iyulun 15-də baş tutmuşdur.[13] II Fəxri Xiyabanda baş tutan vida mərasiminə müdafiə naziri Zakir Həsənov, Silahlı Qüvvələrinin Baş Qərargah rəisi Nəcməddin Sadıqov, Prezident Administrasiyasının Hərbi məsələlər şöbəsinin müdir müavini Yaşar Əliyev, Hərbi Hava Qüvvələrinin Komandanı Ramiz Tahirov, Bakı şəhərinin icra başçısı Eldar Əzizov, ictimaiyyət nümayəndələri, məhrumun xidmət yoldaşları şəhidlərin ailə üzvlərinə və yaxınlarına başsağlığı vermişdir.[13]

Dəfn mərasimində çıxış edən Abdulla Qurbani Polad Həşimov və İlqar Mirzəyevin həyat və döyüş yolları barədə məlumat vermişdir.[13] Daha sonra Azərbaycanın Dövlət Himninin sədaları ilə Polad Həşimov və İlqar Mirzəyev hərbi ənənələrə uyğun olaraq yaylım atəşləri altında son mənzilə yola salınmışdır.[14]

Dəfn mərasimi zamanı Azərbaycan Prezidenti İlham Əliyev telefon vasitəsilə Polad Həşimov və İlqar Mirzəyevin ailə üzvlərinə başsağlığı vermişdir.[13] Sonda müdafiə naziri şəhidlərin tabutu üzərində olan Azərbaycan bayrağını əbədi xatirə qalması üçün onların ailələrinə təqdim etmişdir.[13]

TəltifləriRedaktə

İrsi və xatirəsiRedaktə

Azərbaycanın ərazi bütövlüyünün bərpa edilməsində xüsusi xidmətlərinə və döyüş tapşırıqlarını yerinə yetirən zaman göstərdiyi igidliyə görə Azərbaycan Prezidenti İlham Əliyevin 9 dekabr 2020-ci il tarixli 2337 nömrəli Sərəncamına əsasən İlqar Anzor oğlu Mirzəyevə ölümündən sonra Azərbaycanın Milli Qəhrəmanı adı verildi. 2020-ci ildə Qanun nəşriyyatı tərəfindən İlqar Mirzəyevin kitabı hazırlanmışdır. Kitabda onun hərb yolu təsvir olunmuşdur. Bundan əlavə hərbçi yoldaşları, ailə üzvləri və yaxınları İlqar Mirzəyevlə olan xatirələrini bölüşüblər. 2020-ci ilin oktyabr ayında, İlqar Mirzəyevin hərbi forması və bəzi əşyaları,Milli Azərbaycan Tarixi Muzeyinə verilmişdir.[16]

İstinadlarRedaktə

  1. İlham Əliyev (09.12.2020). "Azərbaycan Silahlı Qüvvələrinin hərbi qulluqçularına "Azərbaycanın Milli Qəhrəmanı" adının verilməsi haqqında Azərbaycan Prezidenti İlham Əliyevin 09.12.2020-ci il tarixli Sərəncamı". www.azertag.az(azərb.)). 04.01.2021 tarixində arxivləşdirilib. İstifadə tarixi: 09.12.2020.
  2. 1 2 Sitat səhvi: Yanlış <ref> teqi; :B adlı istinad üçün mətn göstərilməyib
  3. 1 2 3 Sitat səhvi: Yanlış <ref> teqi; :V08 adlı istinad üçün mətn göstərilməyib
  4. Müdafiə Nazirliyinin Mətbuat Xidməti (12.07.2020). "Ermənistan Silahlı Qüvvələrinin bölmələri Tovuz istiqamətində təxribat törədib". www.mod.gov.az (Azərbaycan Müdafiə Nazirliyi)(azərb.)). 04.01.2021 tarixində arxivləşdirilib. İstifadə tarixi: 12.07.2020.
  5. 1 2 Müdafiə Nazirliyinin Mətbuat Xidməti (12.07.2020). "İtgi verən düşmən geri oturdulub". www.mod.gov.az (Azərbaycan Müdafiə Nazirliyi)(azərb.)). 2021-01-05 tarixində arxivləşdirilib. İstifadə tarixi: 12.07.2020.
  6. Müdafiə Nazirliyinin Mətbuat Xidməti (12.07.2020). "Düşmən hücumunun qarşısı alınan zaman hərbi qulluqçularımız şəhid olub". www.mod.gov.az (Azərbaycan Müdafiə Nazirliyi)(azərb.)). 04.01.2021 tarixində arxivləşdirilib. İstifadə tarixi: 12.07.2020.
  7. 1 2 Müdafiə Nazirliyinin Mətbuat Xidməti (13.07.2020). "Azərbaycan Ordusu bölmələri düşmənin dayaq məntəqəsinə zərbə endirib - VİDEO". www.mod.gov.az (Azərbaycan Müdafiə Nazirliyi)(azərb.)). 2020-09-25 tarixində arxivləşdirilib. İstifadə tarixi: 13.07.2020.
  8. 1 2 Müdafiə Nazirliyinin Mətbuat Xidməti (13.07.2020). "Düşmənin bir neçə hərbi hədəfi darmadağın edilib - VİDEO". www.mod.gov.az (Azərbaycan Müdafiə Nazirliyi)(azərb.)). 2021-01-05 tarixində arxivləşdirilib. İstifadə tarixi: 13.07.2020.
  9. 1 2 Müdafiə Nazirliyinin Mətbuat Xidməti (14.07.2020). "Düşmənin mövqeləri və müdafiəsinin dərinliyində yerləşən ehtiyatlar məhv edilib - VİDEO". www.mod.gov.az (Azərbaycan Müdafiə Nazirliyi)(azərb.)). 2021-01-06 tarixində arxivləşdirilib. İstifadə tarixi: 14.07.2020.
  10. Müdafiə Nazirliyinin Mətbuat Xidməti (14.07.2020). "Tovuz rayonu istiqamətində şiddətli döyüşlər gedir". www.mod.gov.az (Azərbaycan Müdafiə Nazirliyi)(azərb.)). 2021-01-06 tarixində arxivləşdirilib. İstifadə tarixi: 14.07.2020.
  11. "Müdafiə nazirinin müavini general-leytenant Kərim Vəliyev: "Şəhidlərimizin qisası alınacaq"". www.youtube.com (  YouTube portalı / "İCTİMAİ TV" səhifəsi)(azərb.)). 14.07.2020. İstifadə tarixi: 14.07.2020.
  12. 1 2 "Azərbaycan Müdafiə Nazirliyi: Tovuz rayonu istiqamətində şiddətli döyüşlər gedir". www.azertag.az (Azərbaycan Dövlət İnformasiya Agentliti)(azərb.)). 14.07.2020. 04.01.2021 tarixində arxivləşdirilib. İstifadə tarixi: 14.07.2020.
  13. 1 2 3 4 5 Müdafiə Nazirliyinin Mətbuat Xidməti (15.07.2020). "Şəhid Polad Həşimov və İlqar Mirzəyevlə vida mərasimi baş tutub - VİDEO". www.mod.gov.az (Azərbaycan Müdafiə Nazirliyi)(azərb.)). 04.01.2021 tarixində arxivləşdirilib. İstifadə tarixi: 15.07.2020.
  14. Şəfiqə Nazimqızı (15.07.2020). "Polad Həşimov və İlqar Mirzəyev dəfn olunub". www.report.az ("Report" İnformasiya Agentliyi)(azərb.)). 04.01.2021 tarixində [BOBO arxivləşdirilib] (#bad_url). İstifadə tarixi: 15.07.2020.
  15. Normativ hüquqi sənədlərin vahid internet bazası (09.12.2020). "Azərbaycan Silahlı Qüvvələrinin hərbi qulluqçularına "Azərbaycanın Milli Qəhrəmanı" adının verilməsi haqqında Azərbaycan Prezidenti İlham Əliyevin 09.12.2020-ci il tarixli 2337 nömrəli Sərəncamı". www.e-qanun.az(azərb.)). 04.01.2021 tarixində arxivləşdirilib. İstifadə tarixi: 09.12.2020.
  16. Azərbaycan Prezidentinin rəsmi saytı (09.12.2020). "Azərbaycan Silahlı Qüvvələrinin hərbi qulluqçularına "Azərbaycanın Milli Qəhrəmanı" adının verilməsi haqqında Azərbaycan Prezidenti İlham Əliyevin 09.12.2020-ci il tarixli Sərəncamı". www.president.az(azərb.)). 09.12.2020 tarixində arxivləşdirilib. İstifadə tarixi: 09.12.2020.