İqbal Ağazadə

İqbal Fehruz oğlu Ağazadə (18 sentyabr 1968, Merdinli, Füzuli, Azərbaycan SSR) — azərbaycanlı siyasətçi, Azərbaycan Milli Məclisinin II, III və IV çağırış deputatı, Azərbaycan Ümid Partiyasının sədri (2002), 2008 və 2013-cü il Azərbaycan Respublikası Prezident seçkilərində prezidentliyə namizəd.

İqbal Ağazadə
Azərbaycan Ümid Partiyasının sədri Vəzifədədir 15 dekabr 2002-ci ildən
Sələfi	Əbülfət Əhmədov
Azərbaycan Respublikasının Milli Məclisi III və IV çağırış deputatı 2005 — 2015
Sələfi	Vəzifə təsis edildi.
Xələfi	Araz Əlizadə
Seçki dairəsi	2005 — 35 saylı Xətai üçüncü 2010 — 35 saylı Xətai üçüncü
Azərbaycan Respublikasının Milli Məclisi II çağırış deputatı 7 yanvar 2001 — 2003
Sələfi	Babaxan Muradov
Xələfi	Vəzifə ləğv edildi.
Seçki dairəsi	2001 — 10 saylı Xətai ikinci
Şəxsi məlumatlar
Doğum tarixi	18 sentyabr 1968(1968-09-18) (54 yaş)
Doğum yeri	Merdinli, Füzuli, Azərbaycan SSR
Partiya	Vətəndaş Birliyi Partiyası (1999–2000) Azərbaycan Ümid Partiyası (2002–) Vətəndaş Birliyi Partiyası (1999), Azərbaycan Ümid Partiyası (15 dekabr 2002)
Təhsili	4 saylı fars dili təmayüllü internat məktəbi[d], BDU
Vikianbarda əlaqəli mediafayllar

Həyatı

İqbal Ağazadə 1968-ci il sentyabrın 17-də Füzuli rayonunun Merdinli kəndində anadan olub. 1975–1985-ci illərdə Bakı şəhəri, S.C.Pişəvəri adına 4 saylı fars təmayüllü məktəbdə təhsil alıb. 1986–1988-ci illərdə Sovet Ordusu sıralarında hərbi xidmət keçib. 1989–1994-cü illərdə Bakı Dövlət Universitetinin Şərqşünaslıq fakültəsində təhsil alıb, universiteti fərqlənmə diplomu ilə bitirib.

1992-ci ildə universitetdə təhsilini donduraraq, Azərbaycan Respublikasının ərazi bütövlüyünün bərpası uğrunda tələbələrdən ibarət könüllülərin komandiri kimi Ağdərə, Tərtər, Ağdam, Goranboy istiqamətlərində döyüşlərdə iştirak edib.^{[mənbə göstərin]}

Ailəsi

Evlidir, 2 övladı var.

Siyasi fəaliyyəti

Azərbaycan Milli Məclisinin II çağırışı, III çağırış və IV çağırış 35 saylı Xətai III Seçki Dairəsindən millət vəkili seçilib.

Milli Məclisin İnsan Hüquqları Daimi Komissiyasının üzvü, Azərbaycan-Braziliya Parlamentlərarası əlaqələr üzrə işçi qrupunun rəhbəri olmuşdur. Azərbaycan-İordaniya, Azərbaycan-Türkiyə parlamentlərarası əlaqələr üzrə işçi qruplarının üzvü olmuşdur.

2020-ci il 9 fevral növbədənkənar parlament seçkilərində iştirak etmiş, namizəd olduğu 35 saylı Xətai III Seçki Dairəsinin seçki nəticələri ləğv olunub.

2008 və 2013-cü il Azərbaycan Respublikası Prezident seçkilərində prezidentliyə namizəd olsa da seçilə bilməyib.

2002-ci ildən Azərbaycan Ümid Partiyasının sədridir.

Mənbə

• Azərbaycanın Milli Məclisi