İsa Kəlbiyev
İsa Rəhim oğlu Kəlbiyev (21 sentyabr 2002; Göytəpə, Cəlilabad rayonu, Azərbaycan — 13 sentyabr 2022; Kəlbəcər rayonu, Azərbaycan) — Azərbaycan Xüsusi Təyinatlı Qüvvələrinin əsgəri. 2022-ci il sentyabrın 12-dən 13-nə keçən gecə Ermənistan Silahlı Qüvvələrinin Kəlbəcər rayonu istiqamətində, Azərbaycan-Ermənistan sərhədində Azərbaycan Ordusuna qarşı törətdiyi təxribat nəticəsində şəhid olmuşdur.
| İsa Kəlbiyev | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Göytəpə, Cəlilabad rayonu, Azərbaycan |
| Vəfat tarixi | (19 yaşında) |
| Vəfat yeri | Kəlbəcər rayonu, Azərbaycan |
| Dəfn yeri | Göytəpə, Cəlilabad rayonu, Azərbaycan |
| Vətəndaşlığı |
 Azərbaycan |
| Atası | Rəhim Kəlbiyev |
| Anası | Nəfisə Kəlbiyeva |
| Təhsili | orta |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü |
 Xüsusi Təyinatlı Qüvvələr |
| Xidmət illəri | 2020—2022 |
| Rütbə | Əsgər |
| Döyüşlər | Azərbaycan–Ermənistan sərhəd toqquşması (2022) |
| Təltifləri |
  |
Həyatı redaktə
İsa Kəlbiyev 21 sentyabr 2002-ci ildə Cəlilabad rayonunun Göytəpə şəhərində Rəhim Kəlbiyevin və Nəfisə Kəlbiyevanın ailəsində anadan olmuşdur.[1] 2008-2019-cu illərdə Cəlilabad rayon Göytəpə şəhər 1 saylı tam orta məktəbdə orta təhsil almışdır.[2] Subay idi.
Hərbi xidməti redaktə
İsa Kəlbiyev 2020-ci ildə Səfərbərlik və Hərbi Xidmətə Çağırış üzrə Dövlət Xidmətinin Cəlilabad rayon şöbəsi tərəfindən hərbi xidmətə çağırılmışdır. Azərbaycan Silahlı Qüvvələrinin sıralarında, "N" saylı hərbi hissələrdən birində sıravi əsgər kimi xidmət etmişdir. Hərbi xidmətini başa vurduqdan sonra "müddətdən artıq hərbi xidmət" kurslarına yazılmışdır. Kursları bitirən İsa Kəlbiyev Xüsusi Təyinatlı Qüvvələrin sıralarında müddətdən artıq həqiqi hərbi xidmət edirdi.
2022-ci il sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilmişdir. Təxribat nəticəsində Azərbaycan-Ermənistan sərhədində sərhəd toqquşması baş vermişdir. Döyüşlərdə Xüsusi Təyinatlı Qüvvələrin hərbçisi kimi iştirak edən İsa Kəlbiyev 13 sentyabr 2022-ci ildə Kəlbəcər rayonu istiqamətində döyüş tapşırığını yerinə yetirərkən şəhid olmuşdur.[3] 16 sentyabr 2022-ci ildə nəşi evinə gətirilərək doğulduğu Cəlilabad rayonunun Göytəpə şəhərində dəfn edilmişdir.
Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş İsa Kəlbiyev Azərbaycan Prezidenti İlham Əliyevin 05.11.2022-ci il tarixli Sərəncamına əsasən ölümündən sonra 3-cü dərəcəli "Vətənə xidmətə görə" ordeni və "Vətən uğrunda" medalı ilə təltif edilmişdir.[4]
Təltifləri redaktə
(05.11.2022) — 3-cü dərəcəli "Vətənə xidmətə görə" ordeni (ölümündən sonra)[5]
(05.11.2022) — "Vətən uğrunda" medalı (ölümündən sonra)[6]
.png){kind=small}
İstinadlar redaktə
- ↑ Azərbaycanın Müdafiə Nazirliyi. "2022-ci il sentyabrın 12-dən etibarən Ermənistan Silahlı Qüvvələrinin törətdiyi genişmiqyaslı təxribatların qarşısının alınması zamanı şəhid olan hərbi qulluqçuların siyahısı" (PDF). www.mod.gov.az (ingilis). 2022-09-17. 2022-09-17 tarixində arxivləşdirilib (PDF). İstifadə tarixi: 17.09.2022.
- ↑ "Şəhid İsa Kəlbiyev". www.unudulmazlar.az (az.). 2023-01-09 tarixində arxivləşdirilib. İstifadə tarixi: 09.01.2023.
- ↑ "Şəhid İsa Kəlbiyev torpağa tapşırıldı - FOTO/VİDEO". www.oxu.az (az.). 16.09.2022. 2023-01-09 tarixində arxivləşdirilib. İstifadə tarixi: 09.01.2023.
- ↑ Azərbaycan Prezidentinin rəsmi saytı. "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (az.). 05.11.2022. Archived from the original on 2022-11-06. İstifadə tarixi: 06.11.2022.
- ↑ Azərbaycan Prezidentinin rəsmi saytı. "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (az.). 05.11.2022. Archived from the original on 2022-11-06. İstifadə tarixi: 06.11.2022.
- ↑ Azərbaycan Prezidentinin rəsmi saytı. "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (az.). 05.11.2022. Archived from the original on 2022-11-06. İstifadə tarixi: 06.11.2022.