Vikipediya

İzakaya

İzakaya (居酒屋?) – Yaponiya barlarının bir növü. İrland barları, tapaslar və meyxanalar ilə müqayisə olunur.[1] "İzakaya" sözü yapon dilində "i" (qalmaq) və "sakaya" (sake dükanı) sözlərinin birləşməsindən yaranmışdır.[2] Bəzən izakayalara "akaçoçin" (qırmızı lampa) da deyirlər, çünki onların qabağında çox vaxt qırmızı lampalar asılır.

Tokionun Qotanda bölgəsində yerləşən bir izakaya.

İzakayalar ilk dəfə Edo dövründə ortaya çıxmağa başlamışdır. İzakaya haqqında ilk beynəlxalq xəbər 1962-ci ildə verilmişdir.[3]

İzakayalar meyxana və barlara oxşayırlar, lakin aralarında bəzi fərqlər var.[4][5][6] İzakayalarda insanlar tatamilərdə oturub içkilərini içirlər. Bundan əlavə, bəzi izakayalar müştəriləri üçün taçi-nomi (dur-iç) stili də təklif edirlər. Bu stildə müştərilər içkilərini ayaqüstə içirlər.[7] Müştərilərə oşibori adlı dəsmal da verilir. Oşibori qışda isti, yayda soyuq halda verilir. Menyular ya masaya qoyulur, ya da divardan asılır. Sifariş masaya gətirilir və sifarişçilər arasında bölüşdürülür.

İzakayalarda əsas 2 format geniş yayılmışdır: tabe-hoday (nə qədər yeməyi bacarırsan) və nomi-hoday (nə qədər içməyi bacarırsan). Bu formatlarda müştəri müəyyən qiymət ödəyir və müəyyən zaman limitində (2-3 saat) istədiyi qədər içki və yemək sifariş edə bilir. Adətən əvvəlcə edamame və hiyayakko, daha sonra yakitori və kara-aqe, axırda isə düyülü və ya əriştəli yemək sifariş edilir.[8]

İzakayalarda əsasən bu içkilər təklif edilir: sake, pivə, şoçu, çuhay, şərab, viski. Əsas sifariş edilən yeməklər isə bunlardır: edamame, qoma-ae, karaaqe, kuşiyaki, salatlar, saşimi, tabesaki, tofu, hiyayakko, aqedaşi dofu, tsukemono, yakisoba, yakitori, oçazuke.[9]

İzakayaların müxtəlif növləri var. 2000-ci illərdən etibarən kospley izakayaları populyar olmuşdur. Kospley izakayalarında işçilər kostyumlar geyinirlər, bəzən şou da təşkil edirlər.[10][11] Oden verməkdə ixtisaslaşmış izakayalar isə oden-yalardır. Robatayakilərdə isə aşpaz yeməkləri sərbəst şəkildə hazırlayıb qoyur və müştərilər istədikləri yeməyi seçib götürürlər. Yakitori bişirməkdə ixtisaslaşmış izakayalar isə yakitori-ya adlanır.[12]

İzakayalar bir çox manqa və qekiqaya mövzu olmuşdur.

Qalereya

redaktə
  •  
    Oden-ya.
  •  
    Robatayaki.
  •  
    Üzərində "izakaya" yazılmış lampa.
  •  
    İzakaya menyusu.

İstinadlar

redaktə
  1. ↑ Mente, Boye Lafayette De. AMAZING JAPAN! – Why Japan is Such an Intriguing Country!. Cultural-Insight Books. səh. 52. ISBN 978-0-914778-29-5.
  2. ↑ *Hiroshi Kondō. Saké: a drinker's guide. 1984. səh. 112. ISBN 978-0-87011-653-7. Literally translated, the word izakaya means a 'sit-down sake shop.'
  3. ↑ "Bobby Regales Japanese with Song Rendition" Arxivləşdirilib 2019-04-30 at the Wayback Machine Monroe Morning World (6 February 1962): 11. via Newspapers.com Şablon:Open access
  4. ↑ Moskin, Julia. "Soaking Up the Sake". The New York Times. 9 April 2013. 12 July 2019 tarixində arxivləşdirilib. İstifadə tarixi: 19 March 2015.
  5. ↑ Coghlan, Adam. "Introducing izakaya: the new breed of casual Japanese restaurant". London Evening Standard. 3 May 2017 tarixində arxivləşdirilib. İstifadə tarixi: 19 March 2015.
  6. ↑ Phelps, Caroline. "The Advent of Izakayas". The Huffington Post. 2 January 2013. 4 April 2017 tarixində arxivləşdirilib. İstifadə tarixi: 19 March 2015.
  7. ↑ Swinnerton, Robbie. "Standing Firm For Tradition". Japan Times. 9 December 2005. 24 July 2022 tarixində arxivləşdirilib. İstifadə tarixi: 28 October 2016.
  8. ↑ How to Izakaya – Kampai! : Kampai! Arxivləşdirilib 2019-04-16 at the Wayback Machine. Kampai.us. Retrieved 24 May 2014.
  9. ↑ Kauffman, Jonathan. "What Exactly Is an Izakaya? An Interview with Umamimart's Yoko Kumano". SF Weekly. 23 February 2011. 1 February 2016 tarixində arxivləşdirilib. İstifadə tarixi: 28 January 2016.
  10. ↑ "izakaya – a new trend or a lasting option?". Oyster Food and Culture (ingilis). 25 February 2021 tarixində arxivləşdirilib. İstifadə tarixi: 25 January 2016.
  11. ↑ "Step Out of the Vegie Patch in a Pair of Onion Tights". RocketNews24. 26 January 2016 tarixində orijinalından arxivləşdirilib. İstifadə tarixi: 25 January 2016.
  12. ↑ Bender, Andrew; Yanagihara, Wendy. Tokyo (ingilis). Lonely Planet. səh. 39. ISBN 978-1-74059-876-7.

Xarici keçidlər

redaktə
Mənbə — "https://az.wikipedia.org/w/index.php?title=İzakaya&oldid=7391398"