Şahzadə Qasım (1614, İstanbul, Osmanlı imperiyası – 17 fevral 1638, İstanbul, Osmanlı imperiyası) — 14-cü Osmanlı sultanı I Əhmədin oğlu.[1]
| Şahzadə Qasım | |
|---|---|
| Şəxsi məlumatlar | |
| Doğum tarixi | 1614 |
| Doğum yeri | |
| Vəfat tarixi | 17 fevral 1638 |
| Vəfat yeri | |
| Dəfn yeri | |
| Atası | I Əhməd |
| Anası | Kösəm sultan |
| Ailəsi | Osmanlı xanədanı |
Şahzadə Qasım 1614-cü ildə İstanbulda dünyaya gəlmişdir. Atası Osmanlı sultanı I Əhməd, anası isə Mahpeykər Kösəm Sultandır.[2] Burnaz Atikə Sultanın əkizidir. Uşaqlıq illəriylə bağlı yetərli məlumat yoxdur. Ancaq 1617-ci ilin noyabrında atası Sultan Əhmədin vəfat etməsiylə, qardaşları Osman, Süleyman, Murad, Bəyazid, Mehmed və İbrahimlə birlikdə sarayın Şimşirlik adlanan qəfəs bölümündə yaşamağa başladı. Əmisi Sulan Mustafanın qısa səltənətinin ardından ögey qardaşı II Osman taxta çıxdı.
Ancaq qardaşının taxtdan endirilərək öldürülməsi (1622) və əmisi Sultan Mustafanın qısa səltənətindən sonra doğma qardaşı IV Muradın taxta çıxarılmasının ardından (1623) yenidən sarayın Şimşirlik bölümünə qapadıldı. Böyük qardaşlarından Mehmed Sultan Osman dövründə, Süleyman və Bəyazid isə Sultan Murad dövründə edam olunmuş, beləcə Qasım yaşca ən böyük şahzadə olaraq taxt varisi görülməyə başlanmışdı.
Ancaq qardaşları Süleyman və Bəyazidin edamından sonra can qorxusuna düşən Qasım bu əsnada özündən yaşca kiçik olan qardaşı İbrahimi də qorumağa çalışmışdır. Buna baxmayaraq Bağdad səfərinə hazırlaşan qardaşı Sultan Murad paytaxtdan ayrılmadan öncə taxtına təhlükə olaraq gördüyü qardaşını aradan qaldırmaq niyyətində idi. Nəhayət, səfər hazırlığı davam edərkən Şahzadə Qasım 17 fevral 1638-ci ildə sarayın Şimşirlik bölümündə edam olundu.[3] Cənazəsi Ayasofiyadakı Sultan Murad türbəsinə dəfn edilən Şahzadə Qasım, Osmanlı tarixində Kanuni kadim əsasında edam olunan son Osmanlı şahzadəsidir.
İstinadlar
redaktə- ↑ Table XXXIV. AHMED I (page 208). A.D.Alderson "The Structure of the Ottoman Dynasty". Oxford 1956
- ↑ I. Ahmed (s. 78). M.Çağatay Uluçay "Padişahların Kadınları və Kızları". İstanbul 2011
- ↑ Tahta çıkamayan Osmanlı şehzadelerinin akıbeti. "Tahta çıkamayan Osmanlı şehzadelerinin akıbeti"