Burnaz Atikə Sultan
Atikə Sultan (osm. عاتکه سلطان) və ya Burnaz Atikə Sultan (1614, Konstantinopol – 1674, Konstantinopol) — I. Əhmədin Kösəm Sultandan doğulan dördüncü qızı.
| Burnaz Atikə Sultan | |
|---|---|
| عاتکه سلطان | |
| Şəxsi məlumatlar | |
| Doğum tarixi | |
| Doğum yeri | İstanbul, Osmanlı imperatorluğu |
| Vəfat tarixi | |
| Vəfat yeri | |
| Vəfat səbəbi | səpmə yatalaq |
| Dəfn yeri | |
| Atası | I Əhməd |
| Anası | Kösəm Sultan |
| Həyat yoldaşları |
Cəfər Paşa Qoca Kənan Paşa Doğancı Yusif Paşa |
HəyatıRedaktə
1614-cü ildə Şahzadə Qasımla birlikdə əkiz olaraq dünyaya gəldi. Ögey qardaşı Sultan Osmanın səltənəti illərində anası Kösəm Sultanla birlikdə Köhnə Saraya sürgün edildi. Qardaşı Sultan Muradın səltənəti illərində riqabdar Cəfər ağayla evləndirildi. Nigahdan sonra vəzir ünvanı alan Cəfər Paşa Rumeliyə təyin olundu və bir neçə il sonra Sultan Muradın əmriylə cütlük boşandı.
Daha sonra 1633-cü ildə İstanbul naibi gürcü əsilli Kənan Paşa ilə evləndi. Qardaşı Sultan İbrahimin ilk hasəkisi olan Turhan Sultanın saraya gətirilərək yetişdirilməsi ilə şəxsən məşğul olmuşdur.[1] 19 il davam edən ikinci evliliyi Kənan Paşanın 1652-ci ildə vəfat etməsiylə başa çatdı. Həmin ilin iyulunda divan vəzirlərindən Doğancı Yusif Paşa ilə evləndirildi. Tarixlərdə hər hansı bir uşağının olduğu bilinmir. 1672-ci ildə vəfat etmiş və Ayasofya Məscidinin bağçasındakı Sultan İbrahim türbəsinə dəfn edilmişdir.[2]