Əbdürrəhman Fərəcov

Əbdürrəhman Fərəcov
Əbdürrəhman Fərəcov
Doğum tarixi	1892
Doğum yeri	Şuşa, Şuşa qəzası, Yelizavetpol quberniyası, Rusiya imperiyası;
Vəfat tarixi	1952
Fəaliyyəti	aktyor

Əbdürrəhman Mürsəlqulu oğlu Fərəcov (1892, Şuşa – 1952) — aktyor, "Leyli və Məcnun" operasında Leyli rolunun ilk ifaçısı.^[1]

Həyatı

1892-ci ildə Şuşada anadan olmuşdur.

Fəaliyyəti

Bəllidir ki, "Leyli və Məcnun"un ilk tamaşası olduqca uğurlu keçib. Leyli rolunun da ifaçısı çayçı şagirdi Əbdürrəhman Fərəcov olub. Bir dəfə Üzeyir bəy Hacıbəyov çayxanada olarkən təsadüfən bu çayçı şagirdinin xoş zümzüməsini eşidərək səsinə valeh olub. Leyli rolunu yaratmaq üçün qadın tapılmadığından xəyalına məhz Əbdürrəhman Fərəcov gəlib. Həm səsinin məlahətini, həm də boy-buxununun incəliyini nəzərə alıb onu inandırıb ki, Leyli obrazını yarada bilər.

Hüseynqulu Sarabski "Bir aktyorun xatirələri" adlı kitabında yazırdı: "Çox yalvar-yaxardan sonra Əbdürrəhman Fərəcovu Leyli rolunu oynamağa razı sala bildik". Amma Əbdürrəhman Fərəcov ikinci tamaşa zamanı Leyli rolunu oynamaqdan imtina edib.

Məşədi Cəmil Əmirov muğam kursu açır. Seyid Şuşinski, Bülbül, Zülfü Adıgözəlov, Əli Cavad oğlu, Əbdürrəhman Fərəcov və Musa Şuşinski kimi sənətkarlar bu kursdan faydalanır.

Mənbə

Hüseynqulu Sarabski. Bir aktyorun xatirələri. Bakı: Azərnəşr, 1930;
Üzeyir Hacıbəyov Ensiklopediyası. Bakı: “Şərq-Qərb”, 2007, səh. 74.

İstinadlar

↑ Fərəcov Əbdürrəhman // Üzeyir Hacıbəyov Ensiklopediyası (PDF). Bakı: “Şərq-Qərb”. 2007. 74. ISBN 978-9952-34-075-4. 2024-03-20 tarixində arxivləşdirilib (PDF). İstifadə tarixi: 2024-03-20.

Həmçinin bax

[1] Fərəcov Əbdürrəhman // Üzeyir Hacıbəyov Ensiklopediyası (PDF). Bakı: “Şərq-Qərb”. 2007. 74. ISBN 978-9952-34-075-4. 2024-03-20 tarixində arxivləşdirilib (PDF). İstifadə tarixi: 2024-03-20.

[1]