Əhməd Əhmədzadə (siyasətçi)

Əhməd Cuma oglu Əhmədzadə (7 yanvar 1945, Qaxmuğal, Qax rayonu) — Azərbaycan Respublikası Meliorasiya və Su Təsərrüfatı Açıq Səhmdar Cəmiyyətinin sədri (2006–2021).[1]

Əhməd Əhmədzadə
Ahmad Ahmadzade.jpg
bayraqAzərbaycan Respublikası Meliorasiya və Su Təsərrüfatı Açıq Səhmdar Cəmiyyətinin sədribayraq
2006 — 2021
Xələfi Zaur Mikayılov
bayraqKənd Təsərrüfatı Nazirinin birinci müavini, Kənd Təsərrüfatı Nazirliyi yanında Dövlət Meliorasiya və Su Təsərrüfatı Agentliyinin baş direktorubayraq
2004 — 2006
bayraqAzərbaycan Respublikası Nazirlər Kabineti yanında Meliorasiya və Su Təsərrüfatı Komitəsinin sədribayraq
1993 — 2004
bayraqQuba Rayon İcra Hakimiyyətinin başçısıbayraq
1991 — 3 sentyabr 1992
bayraqŞəki Rayon Xalq Deputatları Sovetinin sədribayraq
1991 — 1991
Xələfi Vəzifə ləğv edildi.
bayraqAzərbaycan Kommunist Partiyası Şəki Şəhər Komitəsinin birinci katibibayraq
1991 — 1991
Sələfi Mürvət Əliyev
Xələfi Vəzifə ləğv edildi.
bayraqAzərbaycan Kommunist Partiyası Şamxor Rayon Komitəsinin birinci katibibayraq
1987 — 1991
Sələfi Əjdər Əsədov
Xələfi Vəzifə ləğv edildi.
bayraqAzərbaycan Kommunist Partiyası Füzuli Rayon Komitəsinin birinci katibibayraq
1980 — 1987
Xələfi Cavanşir Məmmədov
bayraqAbşeron Rayon Xalq Deputatları Soveti İcraiyyə Komitəsinin sədribayraq
1978 — 1980
bayraqQax Rayon Zəhmətkeş Deputatlar Soveti İcraiyyə Komitəsinin sədribayraq
1975 — 1976
Şəxsi məlumatlar
Doğum tarixi 7 yanvar 1945(1945-01-07) (77 yaş)
Doğum yeri
Partiya
Təhsili

Təltifləri "Azərbaycan Respublikasının əməkdar mühəndisi" fəxri adı
1-ci dərəcəli "Əmək" ordeni — 2020 "Şöhrət" ordeni "Azərbaycan Xalq Cümhuriyyətinin 100 illiyi (1918-2018)" yubiley medalı
Vikianbarın loqosu Vikianbarda əlaqəli mediafayllar

HəyatıRedaktə

1945-ci ildə Qax rayonunun Qaxmuğal kəndində anadan olmuşdur. 1961-ci ildə 1 saylı orta məktəbi və 1966-cı ildə Azərbaycan Politexnik İnstitutunu bitirərək mühəndis-hidrotexnik ixtisasına yiyələnmişdir. 1976–1978-ci illərdə keçmiş Sov.İKP yanında İctimai Elmlər Akademiyasında ali partiya-siyasi təhsili almışdır.

Əmək fəaliyyətinə 1961-ci ildə 11 saylı Bakı şəhər Tikinti İdarəsində fəhlə kimi başlamış, 1966-cı ildə Azərbaycan Elmi-Tədqiqat Hidrotexnika və Meliorasiya İnstitutunda böyük mühəndis, 1967–1975-ci illərdə Qax Suvarma Sistemləri İdarəsində böyük mühəndis, idarənin rəisi vəzifələrində işləmişdir.

AiləsiRedaktə

Ailəlidir, üç övladı var.

Siyasi fəaliyyətiRedaktə

Əhməd Əhmədzadə 1975–1976-cı illərdə Qax Rayon Xalq Deputatları Soveti İcraiyyə Komitəsinin sədri, 1978–1980-ci illərdə Abşeron Rayon Xalq Deputatları Soveti İcraiyyə Komitəsinin sədri, 1980–1987-ci illərdə Azərbaycan Kommunist Partiyası Füzuli Rayon Komitəsinin birinci katibi, 1987–1991-ci illərdə Azərbaycan Kommunist Partiyası Şamxor Rayon Komitəsinin birinci katibi, 1991-ci ildə Azərbaycan Kommunist Partiyası Şəki Şəhər Komitəsinin birinci katibi, Şəki Rayon Xalq Deputatları Sovetinin sədri, 1991–1992-ci illərdə Quba Rayon İcra Hakimiyyətinin başçısı vəzifələrində işləmişdir. 1981–1995-cı illərdə Azərbaycan Respublikası Ali Sovetinin deputatı seçilmişdir.

1993–2004-cü illərdə Azərbaycan Respublikası Nazirlər Kabineti yanında Meliorasiya və Su Təsərrüfatı Komitəsinin sədri, 2004–2006-cı illərdə Kənd Təsərrüfatı Nazirinin birinci müavini, Kənd Təsərrüfatı Nazirliyi yanında Dövlət Meliorasiya və Su Təsərrüfatı Agentliyinin baş direktoru, 2006–2021-ci illərdə Azərbaycan Meliorasiya və Su Təsərrüfatı Açıq Səhmdar Cəmiyyətinin sədri vəzifələrində çalışmışdır. Respublika Dövlət Aqrar İslahatı Komissiyasının üzvü, Fövqəladə Hallar üzrə Dövlət Komissiyasının sədr müavini olmuşdur.

TəltifləriRedaktə

Azərbaycan Respublikasının orden və medalları, Azərbaycan Respublikası Ali Soveti Rəyasət Heyətinin Fəxri Fərmanı ilə təltif olunub.

Respublikanın meliorasiya və su təsərrüfatının inkişafı sahəsindəki xidmətlərinə görə 2015-ci ildə Azərbaycan Respublikası Prezidentinin Sərəncamı ilə "Şöhrət" ordeni, "Əməkdar mühəndis" fəxri adına, 2019-cu ildə Azərbaycan Xalq Cümhuriyyətinin 100 illiyi münasibətilə "Cümhuriyyət medalı"na və 2020-ci ildə meliorasiya və su təsərrüfatı sahəsində uzunmüddətli səmərəli fəaliyyətinə görə 1-ci dərəcəli "Əmək" ordeninə layiq görülüb.

İstinadlarRedaktə

  1. "Əhməd Əhmədzadə vəzifəsindən azad edilib". report.az (az.). Report İnformasiya Agentliyi. 2 aprel 2021. İstifadə tarixi: 4 aprel 2021.
  2. "Arxivlənmiş surət". 2022-07-17 tarixində arxivləşdirilib. İstifadə tarixi: 2022-07-17.