Cavanşir Məmmədov (siyasətçi)

Cavanşir Məmmədov- Jdanov (Beyləqan) rayonu Partiya Komitəsinin birinci katibi

Cavanşir Məmmədov
MƏMMƏDOV CAVANŞIR AĞALI OĞLU
bayraqJdanov (Beyləqan) rayon Partiya Komitəsinin ikinci katibibayraq
1965 — 1978
bayraqMirbəşir (Tərtər) rayon Partiya Komitəsinin birinci katibibayraq
1978 — 1988
bayraqFüzuli rayon Partiya Komitəsinin birinci katibibayraq
1988 — 1990
Sələfi Əhməd Əhmədzadə
Şəxsi məlumatlar
Doğum yeri Füzuli rayonunun Əhmədbəyli

Təltifləri "Qırmızı Əmək Bayrağı" ordeni və Oktyabr inqlabı

HəyatıRedaktə

10 Sentyabr 1930-ci il tarixində Füzuli rayonunun Əhmədbəyli kəndində anadan olmuşdur. 1953-cü ildə ADPU –nun tarix fakültəsini, 1968-ci ildə AKTA –nın aqronomluq fakültəsini, 1972-ci ildə isə Moskva ALİ Partiya Məktəbini bitirmişdir.

Cavanşir Məmmədov 1953–1954-cü illərdə Beyləqan rayon Komsomol Komitəsində təşkilat müdiri vəzifəsində çalışmış, 1954–1959-cu illərdə həmin qurumun ikinci və birinci katibləri vəzifəsinə yüksəlmişdir. 1959–1961-ci illərdə C.Məmmədov Azərbaycan SSR KP Beyləqan rayon Komitəsinin katibi vəzifəsində çalışmış, 1961–1963-cü illərdə Beyləqan rayon XDS İcraiyyə Komitəsinin sədri, 1963–1965-ci illərdə İmişli rayon İstehsalat Partiya Komitəsində katib, 1965–1978-ci illərdə Beyləqan rayon Partiya Komitəsinin birinci katibi, 1978–1988-ci illərdə Tərtər rayon Partiya Komitəsinin birinci katibi, 1988–1990-cı illərdə isə Füzuli rayon Partiya Komitəsinin birinci katibi vəzifələrin müvəffəqiyyətlə çalışmışdır. VII, VIII, IX, X, XI çağırış Azərbaycan Ali Sovetinə deputat seçilmişdir. 4 dəfə "Qırmızı Əmək Bayrağı" (30.04.1966; 08.04.1971; 12.12.1973; 23.02.1981) və "Oktyabr inqlabı" (27.12.1976) ordenləri ilə təltif edilmişdir. Cavanşir Məmmədov 25 il fasiləsiz olaraq birinci katib vəzifəsində müvəffəqiyyətlə çalışmış az sayda ola biləcək dövlət xadimlərindən birisidir[1]

İstinadlarRedaktə