Əsas menyunu aç

Əli Zeynalov

Azərbaycanın teatr və kino aktyoru

Əli Yusif oğlu Zeynalov (4 aprel 1913(1913-04-04), Salyan, Bakı quberniyası4 yanvar 1988(1988-01-04), Bakı) — Azərbaycanın teatr və kino aktyoru, Azərbaycan SSR xalq artisti (1964), Azərbaycan SSR əməkdar artisti (1955), Ermənistan SSR əməkdar artisti (1939), M.F.Axundov adına Respublika Mükafatı laureatı (1965).

Əli Zeynalov
Əli Zeynalov.JPG
Doğum tarixi 4 aprel 1913(1913-04-04)
Doğum yeri
Vəfat tarixi 4 yanvar 1988(1988-01-04) (74 yaşında)
Vəfat yeri
Həyat yoldaşı
Vətəndaşlığı
Peşəsi teatr aktyoru[d], kino aktyoru
Fəaliyyət illəri 1933–1975
Teatr İrəvan Dövlət Azərbaycan Dram Teatrı (1934–1945);
Azərbaycan Dövlət Akademik Milli Dram Teatrı (1945–1975)
Mükafatları "Azərbaycan SSR xalq artisti" fəxri adı — 1964 "Azərbaycan SSR əməkdar artisti" fəxri adı — 1955 "Ermənistan SSR əməkdar artisti" fəxri adı — 1939 Mirzə Fətəli Axundov adına Azərbaycan SSR dövlət mükafatı — 1965
IMDb ID 2948065

Xalq artisti Əli Zeynalov Azərbaycan teatr və kino sənətində səhnə və ekran hadisələrini real həyat faktı kimi təqdim edən, yaratdığı maraqlı, dolğun rolları tamaşaçıların həmsöhbətinə çevirən istedadlı aktyorlarımızdan biri olub.[1]

HəyatıRedaktə

Əli Yusif oğlu Zeynalov 4 aprel 1913-cü ildə Salyanda anadan olub. Atası Yusif Zeynalov (1887-1965) ilk əlifba kitabının müəllifidir. Uzun illər pedaqoji fəaliyyətlə məşğul olub. Əli Zeynalov da öz atasının yolunu davam etdirib. Pedaqoji təhsil alıb. Aktyorluğa marağı böyük olduğundan müxtəlif dərnəklərə üz tutub. 1928-ci ildə Biləsuvar kənd cavanlarının hazırladığı "Şeyda" tamaşasındakı baş rolu ilə çoxlarının rəğbətini qazanıb. Bakı Pedaqoji və Teatr Texnikumlarını (1933) bitirdikdən sonra o, bir müddət Moskva teatrlarında istehsalat təcrübəsi keçib, geri döndükdən sonra Şəki Dövlət Dram Teatrında işləyib.

YaradıcılığıRedaktə

İrəvan Tearında (1934-1935), Dram Teatrında (1945-1975) işləyib. Əli Zeynalovun uzun illər rejissor Tofiq Kazımovla fəal yaradıcılıq əlaqəsi ona gözəl sənət uğurları gətirib. İlyas Əfəndiyevin "Sən həmişə mənimləsən" pyesində bu iki sənətkar – quruluşçu rejissor Tofiq Kazımov və Həsənzadə rolunun ifaçısı Əli Zeynalov böyük uğur əldə ediblər. Yumşaq tembrli gözəl səsə, aydın diksiyaya malik оlan Əli Zeynalоv bədii qiraət ustası kimi də tanınmışdı. İncəsənət İnstitutunda "səhnə danışığı" fənnindan dərs deyib.

Əli Zeynalov "İki ömrüm olsaydı..." kitabının müəllifidir. O, 1975-ci ildə səhnəni tərk etməsini belə açıqlayıb: "Bir gün teatrın direktoru məni yanına çağırıb dedi ki, "Vaqif" tamaşasını bərpa edirik. Götür Vaqifi yaz. - Nə? Ələsgər Ələkbərovdan, Kazım Ziyadan sonra mən – Vaqif? - Onda I pərdədə Vaqifi görməyə gələn kəndlilərdən birinin rolunu yaz. Bunu eşidəndən sonra otaqdan çıxıb truppa müdiri Qürbətin yanına gəldim, ondan bir qələm-kağız aldım, ərizə yazaraq teatrdan getdim. Mən belə teatrda işləyə bilməzdim."

Əli Zeynalov 1988-ci ildə dünyasını dəyişib.

AiləsiRedaktə

Aktrisa Mirvari Novruzovanın həyat yoldaşıdır.

MükafatlarıRedaktə

FilmoqrafiyaRedaktə

İstinadlarRedaktə

MənbəRedaktə

  • Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 52.

Xarici keçidlərRedaktə