Həyat bizi sınayır

Həyat bizi sınayır
Fayl:Həyat Bizi Sınayır (1972).JPG
Janr	dram məhəbbət
Rejissor	Şamil Mahmudbəyov
Ssenari müəllifləri	Vidadi Babanlı, Mixail Papava
Baş rollarda	Fikrət Quliyev-Rəşid Ömür Nağıyev-Fərəc Şahmar Ələkbərov-Arif Mayak Kərimov-Murad Ə. Rzayev-Şumal Sadıq Həsənzadə-Sadıq Larisa Lutova-Valya Xuraman Qasımova-Hicran Eldəniz Zeynalov-Məsi Amaliya Pənahova-Münəvvər Arzu Səfərova-Lalə
Operator	Arif Nərimanbəyov
Bəstəkar	Vasif Adıgözəlov
Rəssamlar	Fikrət Bağırov, Mayis Ağabəyov
İstehsalçı	"Azərbaycanfilm" Kinostudiyası
İlk baxış tarixi	17 fevral 1972
Filmin növü	tammetrajlı bədii film
Müddət	74,5 dəq.
Ölkə	Azərbaycan SSR SSRİ
Dil	Azərbaycan dili
İl	1972
Texniki məlumatlar	8 hissə 2183 metr genişekranlı 35 mm
Rəng	ağ-qara
Çəkiliş yeri	Şamaxı(dəfn səhnəsi) Bakı(küçə səhnələri) Bakı, kinostudiyanın pavilyonu(otaq səhnələri) Sumqayıt(zavod səhnəsi)

Məzmun

Həyat yoluna yenicə qədəm qoymuş gəncin üç il ərzində qarşılaşdığı insanlar və münasibətlərdən bəhs olunur. Kinolent xeyirxah insanların köməyi ilə həyatın sərt sınaqlarından çıxan gənc metallurqun, yeni tipli fəhlənin-Rəşidin(Fikrət Quliyev) taleyindən söhbət açır.

Film haqqında

• Film aktyor Ömür Nağıyevin kinoda ilk işidir.
• Film yazıçı Vidadi Babanlının eyniadlı povesti əsasında ekranlaşdırılmışdır.
• Filmin çəkilişləri bitdikdən sonra təsdiq olunmaq üçün Moskva Kino İdarəsinin baxışına təqdim olunur. Ssenari müəllifi Vidadi Babanlı bununla bağlı deyir: "Filmdə milli ruhda çəkilən kadrlar çoxluq təşkil edirdi. Həmin kadrlar Moskva Kino İdarəsinin rəhbərliyi tərəfindən filmdən çıxarıldı. Ümumiyyətlə, o dövrdə (Sovetlər Birliyinin mövcud olduğu dövr nəzərdə tutulur) Moskva milli ruhda çəkilən filmlərimizə çox amansız yanaşırdı. Onlar daima çalışırdılar ki, məhz milli ruhla zəngin olan kadrları məhv etsinlər. Bu baxımdan da "Həyat Bizi Sınayır" filmində, təbii ki, ssenariyə əsasən baş qəhrəmanın ifasında çəkilən ən maraqlı kadrlardan birinin filmdən çıxarılması bir müəllif olaraq mənə pis təsir etdi. Bu o kadrdır ki,- Rəşid ustasına corab hədiyyə edir. Sözdə adi görünən bu kadr çəkiliş vaxtı bütün yaradıcı heyəti riqqətə gətirmişdi. Çünki bu kadrda milli ruh güclü şəkildə təsvir olunurdu. Bundan başqa, Rəşidlə Hicranın bir-birinə necə bənd olması və ümumiyyətlə isə Rəşid-Hicran süjet xəttində olan lirik sevgi dünyasına aid kadrlar lentə almışdıq. Moskva bu kadrların hamısını çox amansızca "qayçıladı". Elə buna görə də film yarımçıq təsiri bağışlayır. Düzdür, film tez bir vaxtda ekranlara çıxdı, festivala qatıldı, yer tutdu. Ancaq yarımçıq şəklinə salınmış kadrlar daima məni düşündürdü. O mənada ki, axı Moskvanın marağı nə idi ki, filmlərimiz bu günə salınırdı."… "bütün bunlar o dövrün tələbindən irəli gəlirdi. İstər burada, istərsə də Moskvada belə tələb qoymuşdular ki, sənayeyə, fəhlə əməyinə geniş yer verilsin. İnsan taleyi qalırdı bir tərəfdə, texniki cəhətlər isə geniş şəkildə qabardılırdı. Bu, ədəbiyyatda da özünü büruzə verirdi. Bu tələblər sovet dövrünün mövcud olan qayda-qanunundan irəli gəlirdi. Bütün bunlar guya ki, sovet sisteminin yaxşı tərəfləri idi ki, kinoda da, ədəbiyyatda da qabardılmalı idi. Yəqin elə buna görədir ki, bu gün o dövrdə çəkilən hər hansı bir filmə baxanda və yaxud o dövrdə yazılan hər hansı bir əsəri oxuyanda tam bütövlük hiss etmirik." ("Həyat Bizi Sınayır: Moskva fimi "qayçılayıb" "öldürdü", Ekspres qəzeti, 21.10.2004, səh 18-19, Ulduzə Qaraqızı).
• Film 2-ci kateqoriya almışdır.

Festivallar və mükafatlar

1)1972-ci ildə Qorkidə (indiki Nijni Novqorod) fəhlə sinfi haqqında filmlərin Ümumittifaq kinofestivalı

• Filmə SSRİ Kinematoqrafiya Komitəsi və SSRİ Kinematoqrafçılar İttifaqının Diplomu verilmişdir.

Filmin heyəti

Film üzərində işləyənlər

Ssenari müəllifi : Vidadi Babanlı, Mixail Papava

Quruluşçu rejissor : Şamil Mahmudbəyov

Quruluşçu operator : Arif Nərimanbəyov

Bəstəkar : Vasif Adıgözəlov

Quruluşçu rəssam : Fikrət Bağırov, Mayis Ağabəyov

Səs operatoru : Ağahüseyn Kərimov

Rejissor : Mirzəbala Məlikov

Redaktor : İntiqam Qasımzadə, Nataliya Şneyer

Məsləhətçi : R. Faybisoviç

Montaj edən : A. Abramova, Lidiya Vyalsova

Rejissor assistenti : A. Əliyev, Y. Əhmədov

Operator assistenti : Rafiq Əmirov, Ələsgər Ələkbərov (II), Amin Novruzov

Qrim rəssamı : V. Arapov

Quraşdırılmış səhnələrin operatoru : Mirzə Mustafayev

Quraşdırılmış səhnələrin rəssamı : Eduard Abdullayev

Çalır : SSRİ Dövlət Kinematoqrafiya Komitəsinin Simfonik Orkestri

Dirijor : D. Ştilman

Filmin direktoru : Bəşir Quliyev

İnzibatçı : Nadir Əliyev

Rollarda

Fikrət Quliyev-Rəşid

Ömür Nağıyev-Fərəc

Şahmar Ələkbərov-Arif

Mayak Kərimov-Murad

Ə. Rzayev-Şumal

Sadıq Həsənzadə-Sadıq

Larisa Lutova-Valya

Xuraman Qasımova-Hicran

Eldəniz Zeynalov-Məsi

Amaliya Pənahova-Münəvvər

Arzu Səfərova-Lalə

Elxan Əhədzadə-Rəşidin qardaşı Ömər

Məmmədrza Şeyxzamanov-Murtuz

Əminə Nağıyeva

İ. Muxtəliyev

Əhməd Əhmədov-Qəssab

Süsən Məcidova-Sadıqın arvadı

Q. Şabanov

Q. Baxtiquzina

Q. Mazanov

A. Əliyev

Tatyana Kuznetsova

Lena Tolstova-Qonşu

Ruhəngiz Musəvi-Bazardakı alıcı

Zirəddin Tağıyev(Z. Tağıyev kimi)-Zavod işçisi

Əliabbas Qədirov-Zavod işçisi

Flora Kərimova-Müğənni

S. Süleymanova-Yataqxana işçisi

Eldəniz Rəsulov-Müğənniyə qulaq asan (titrlərdə yoxdur)

Filmi səsləndirənlər

Bahadur Əliyev-Yol milisi (titrlərdə yoxdur)

Pərviz Bağırov-Rəşid (Fikrət Quliyev) (titrlərdə yoxdur)

Əli Zeynalov-Hamlet (titrlərdə yoxdur)

Dadaş Kazımov (titrlərdə yoxdur)

Əliabbas Qədirov-Fərəc (Ömür Nağıyev) (titrlərdə yoxdur)

Yusif Vəliyev-Sadıq (Sadıq Həsənzadə) (titrlərdə yoxdur)

Hamlet Xanızadə-Müəllim (titrlərdə yoxdur)

Əminə Yusifqızı-Hicran (Xuraman Qasımova) (titrlərdə yoxdur)

Tariyel Qasımov - Rəşidin qardaşı Ömər - (Elxan Əhədzadə) (titrlərdə yoxdur)

Mənbə

• Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.
• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 194-196.
• Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 815.
• Aydın Dadaşov. "Bizim kino". Şamil Mahmudbəyovun "Həyat bizi sınayır" filmi haqqında. 9 yanvar 2016-cı il Arxivləşdirilib 2018-02-15 at the Wayback Machine

Həmçinin bax

Azərbaycan filmlərinin siyahısı

Xarici keçid

Filmi izlə

Filmin musiqisi

Musiqi-1