Altı günbəz sinaqoqu
Altı günbəz sinaqoqu — Quba rayonunun Qırmızı Qəsəbəsindəki İsaak Xanukov küçəsində yerləşən, memar Gilel ben Xaimin layihəsi əsasında 1888-ci ildə inşa edilmiş sinaqoq.[1] Altı günbəz (sinaqoq həm də 6 guşəlidir) qəsəbədəki Qilqat məhəlləsi sakinlərinin Qələdüz kəndi ətrafından Quba xanı Hüseynəli xanın icazəsi ilə 6 gün ərzində bura köçüb gəlmələrinin rəmzidir. Məbədin 14 əsas pəncərəsi vardır.[1]
| Altı günbəz sinaqoqu | |
|---|---|
 | |
 | |
| 41°22′00″ şm. e. 48°30′24″ ş. u.HGYO | |
| Ölkə |
 Azərbaycan |
| Şəhər |
 Quba |
| Yerləşir | Qırmızı Qəsəbə, İsaak Xanukov küçəsi |
| Aidiyyatı | İudaizm |
| Memar | Gilel ben Xaim |
| Tikilmə tarixi | 1888 |
| Üslubu | Şərq üslubu[1] |
| Günbəzləri | 6 |
| Vəziyyəti | Restavrasiya olunub (1995–2000) |
| Kateqoriya | Sinaqoq |
|
|
|
 Vikianbarda əlaqəli mediafayllar | |
Böyük ibadət zalı olan sinaqoq şərq üslubunda tikilmiş qədim memarlıq abidəsidir. İçərisindəki ibadət divarına baxan hissə aron-kaduş adlanır. O, hündürlüyünə görə Avropada təkrarı olmayan və Qüdsə baxan qibləgahdır. Hündürlüyü 7 metrdir. Müqəddəs kitab həmin divarda yerləşən dolabda saxlanılır.[1]
Pəncərələri altıguşəli ulduz şəklində palıd ağacından hazırlanmışdır. Sinaqoqun bərpasına 1995-ci ildə başlanılmış və 2000-ci ilin oktyabr ayında başa çatdırılmışdır. Hazırda dindarların istifadəsində olan məbədin zirzəmisində dini mərasimlərin keçirilməsi üçün 60 nəfərlik ibadət zalı və mətbəx də vardır.[1]
Həmçinin bax
redaktəİstinadlar
redaktə- ↑ 1 2 3 4 5 "Qırmızı qəsəbə "Altı günbəz" sinaqoqu". Azərbaycan Respublikası Dini Qurumlarla İş üzrə Dövlət Komitəsi. 2022-08-01 tarixində arxivləşdirilib. İstifadə tarixi: 2021-04-26.
Xarici keçidlər
redaktə
Vikianbarda Altı günbəz sinaqoqu ilə əlaqəli mediafayllar var.
