Arzuxan Əlizadə
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Arzuxan Əlizadə (18 mart 1965, Bakı) — Azərbaycanlı ictimai-siyasi xadim, Milli Məclisinin deputatı, Azərbaycan Milli İstiqlal Partiyasının V sədri, Azərbaycan Respublikası Mərkəzi Seçki Komissiyasının sabiq üzvü.
| Arzuxan Əlizadə | |
|---|---|
Vəzifədədir | |
| 2024-cü ildən | |
| Seçki dairəsi | 2024 — 27 saylı Sabunçu ikinci seçki dairəsi |
Vəzifədədir | |
| 16 avqust 2020-ci ildən | |
| Əvvəlki | Arzuxan Əlizadə (özü) |
| 27 oktyabr 2015 – 16 avqust 2020 | |
| Əvvəlki | Yusif Bağırzadə |
| Sonrakı | Arzuxan Əlizadə (özü) |
| 2005 – 2006 | |
| Təmsil etdiyi | Azərbaycan Milli İstiqlal Partiyası |
| Əvvəlki | Yusif Bağırzadə |
| Şəxsi məlumatlar | |
| Doğum tarixi | 18 mart 1965 (59 yaş) |
| Doğum yeri | |
| Partiya | Azərbaycan Milli İstiqlal Partiyası |
| Təhsili |
|
| Fəaliyyəti | siyasətçi |
Həyatı
redaktəArzuxan Baxşəli oğlu Əlizadə 18 mart 1965-ci ildə Bakı şəhərində anadan olub. 1981-ci ildə Bakı şəhəri 75 saylı orta məktəbi qızıl medalla bitirib.1981–1983 və 1985–1986-cı illərdə Bakı şəhəri, Razin qəsəbə sovetində hərbi inspektor vəzifəsində işləyib. 1983–1985-ci — ci illərdə Moskva yaxınlığında ordu sıralarında hərbi xidmətdə olub. 1986–1992-ci illərdə Bakı Dövlət Universitetinin hüquq fakültəsində hüquqşünas ixtisası üzrə ali təhsil alıb. 1992–1993-cü illərdə Bakı şəhəri Sabunçu rayon İcra hakimiyyətində hüquqşünas, həmçinin şöbə müdiri vəzifəsini icra edib. 1993–1996-cı illərdə təsisçisi olduğu istehsalat kommersiya müəssisəsinə rəhbərlik etməklə biznes fəaliyyəti ilə məşğul olub.
1996–2000-ci illərdə Müstəqil Vəkillər Kollegiyasının üzvü olaraq vəkillik fəaliyyəti göstərib. 2001–2006-cı illərdə Azərbaycan Beynəlxalq Universitetinin "Dövlət hüququ" kafedrasının Baş müəllimi olaraq pedoqoji fəaliyyətlə məşğul olub. Eyni zamanda 2001–2005-ci illərdə AMEA Fəlsəfə və Hüquq İnstitutunun dissertantı olaraq "Fövqəladə vəziyyət şəraitində vətəndaşların Konstitusiya ilə müəyyən olunmuş hüquq və azadlıqları" mövzusunda namizədlik üzərində işləmişdir. İnsan hüquq və azadlıqlarına dair bir sıra elmi məqalə və broşurların müəllifidir.
Ailəsi
redaktəEvlidir. Üç övladı, iki nəvəsi var.
Siyasi fəaliyyəti
redaktəAzərbaycan Xalq Cəbhəsi
redaktə1987-ci ildə Milli Azadlıq Hərəkatına qoşulmuşdur. 1989–1991-ci illərdə Azərbaycan Xalq Cəbhəsinin (AXC) üzvü, AXC Sabunçu rayon şöbəsində dayaq dəstəsinin sədri olmuşdur.
Azərbaycan Milli İstiqlal Partiyası
redaktə1995-ci ildə Azərbaycan Milli İstiqlal Partiyasına (AMİP) üzv olmuşdur. 1998-ci ildə AMİP Mərkəzi Aparatında sektor müdiri,1999-cu ildə təşkilat şöbəsinin müdiri vəzifəsinə təyin olunmuş.
1998-ci ildə AMİP Mərkəzi Şurasının, 2001-ci ildə AMİP Siyasi Şurasının üzvü seçilmişdir.
2005-ci ilin martında AMİP baş katibi seçilmiş, bir qədər sonra MSK üzvü kimi fəaliyyətə başlaması ilə əlaqədar olaraq tutduğu vəzifədən istefa vermişdir. 2010-cu ildə yenidən Partiyanın baş katibi seçilmiş, 2015-ci ilin oktyabr ayında eyni zamanda Partiyanın sədr əvəzi olaraq fəaliyyət göstərmişdir. Azərbaycan Milli İstiqlal Partiyasının 15 avqust 2020-ci il tarixli XI Qurultayında AMİP sədri seçilmişdir.[1]
Mərkəzi Seçki Komissiyasında
redaktə2003-cü ildə Azərbaycan Milli İstiqlal Partiyasının namizədi olaraq Mərkəzi Seçki Komissiyasının əvəzedici üzvü seçilmiş[2], 2005–2006-cı illərdə eyni partiyadan Mərkəzi Seçki Komissiyasının üzvü seçilmişdir.
Seçkilərdə
redaktə2004, 2009 və 2014-cü il bələdiyyə seçkilərində ardıcıl üç dəfə Bakıxanov bələdiyyəsinin üzvü seçilmiş, bələdiyyənin hüquq məsələləri daimi komissiyasının sədri olmuşdur.2024-cü il növbədənkənar parlament seçkilərində 27 saylı Sabunçu ikinci seçki dairəsindən seçkiyə qatılıb. Qələbə qazanaraq Azərbaycan Respublikasının Milli Məclisinin VII çağırış deputatı seçilib.
Milli Məclisin İnsan hüquqları komitəsinin sədr müavini (sədr:Sadiq Qurbanov) Regional məsələlər komitəsinin üzvüdür.
2024-cü il oktyabrın 8-də Azərbaycan — Kamerun parlamentlərarası əlaqələr üzrə işçi qrupunun rəhbəri seçilib.[3]
İdeologiyası
redaktəArzuxan Əlizadə özünün azərbaycançılıq, türkçülük, milliyətçilik, dövlətçilik ideologiyasını daşıdığını bildirmişdir.[4]
İstinadlar
redaktə- ↑ "Arxivlənmiş surət". 2021-07-26 tarixində arxivləşdirilib. İstifadə tarixi: 2021-08-02.
- ↑ "Arxivlənmiş surət". 2021-05-02 tarixində arxivləşdirilib. İstifadə tarixi: 2021-08-02.
- ↑ "Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI". Apa.az (az.). 2024-10-08 tarixində arxivləşdirilib. İstifadə tarixi: 2024-10-22.
- ↑ https://cebheinfo.az/siyaset/razi-nurullayev-sosial-demokratdirsa-bes-digerleri