Azərbaycanın Avropa qitəsindəki ərazisi
Azərbaycanın Avropa qitəsindəki ərazisi — Azərbaycan ərazisinin kiçik bir hissəsini (başlıca olaraq, Quba-Xaçmaz iqtisadi rayonu) əhatə edir. Ərazi üçün ən kiçik rəqəm 6960 kvadrat kilometrdir (Azərbaycan ərazisinin təqribən 8 faizi).
Ərazinin sərhədləri
redaktəAzərbaycanın Avropaya düşən hissələri Qusar rayonu, Quba rayonunun ərazisinin çox hissəsi, Şabran və Xaçmazın ərazisinin bir hissəsi, Xızı rayonunun ərazisinin yarıdan çoxu, Sumqayıt şəhəri, Novxanıdır.[1]
Avropanın sərhədləri Fatmayı ilə Mehdiabadın arasından keçir, Şüvəlanın ərazisinin də bir hissəsi Avropadadır. Avropanın sərhədinin bitdiyi yer təxminən Abşeron rayonunun Zirə qəsəbəsindədir. Zirənin yarısı Asiya, yarısı isə Avropadadır. Bakı tam olaraq Avropada deyil. Bakıda Şüvəlanın çox hissəsi, Binəqədi rayonu, Mərdəkan qəsəbəsinin bir hissəsi Avropa sərhədləri içindədir. Bakının mərkəzi hissəsi Asiya, şimal-qərb hissəsi isə Avropaya daxildir.[1]
-
![Altı günbəz sinaqoqu. Qırmızı Qəsəbə (Qəsəbə dünyada mövcud olan son ştetldir.[qeyd 1][2][3])](//upload.wikimedia.org/wikipedia/commons/thumb/b/bb/Alt%C4%B1_g%C3%BCnb%C9%99zli_sinaqoq%2C_Quba.jpg/202px-Alt%C4%B1_g%C3%BCnb%C9%99zli_sinaqoq%2C_Quba.jpg)
-
UNESCO Dünya irsi Xınalıq -
![Altı günbəz sinaqoqu. Qırmızı Qəsəbə (Qəsəbə dünyada mövcud olan son ştetldir.[qeyd 1][2][3])](/wiki/Fayl:Alt%C4%B1_g%C3%BCnb%C9%99zli_sinaqoq,_Quba.jpg)
Siyasi nəticələri
redaktəAzərbaycanın xarici siyasətində vacib məsələlərdən biri Avropa və Avropa-Atlantik quruluşuna inteqrasiyadır. Azərbaycan Avropa Şurasına üzvdür, Avropa Birliyi ilə yaxşı münasibətləri var, birliyə daxil olmaq üçün müraciət etmək hüququ var. Azərbaycan UEFA-nın üzvüdür, Avroviziya müsabiqəsində iştirak edir.[4]
| Təşkilat və ya tədbir | Daxil olma ili |
|---|---|
| Avropada Təhlükəsizlik və Əməkdaşlıq Təşkilatı | 30 yanvar 1992 |
| Avropa Yenidənqurma və İnkişaf Bankı | 25 sentyabr 1992 |
| Birləşmiş Millətlər Təşkilatının Avropa İqtisadi Komissiyası | 30 iyul 1993 |
| Sülh Naminə Tərəfdaşlıq (NATO) | 4 may 1994 |
| UEFA (Avropa Futbol Assosiasiyalarının İttifaqı) | may 1994 |
| Avro-Atlantik Tərəfdaşlıq Şurası | 1997 |
| Avropa Şurası | 25 yanvar 2001 |
| Avropa Mülki Aviasiya konfransı | 2002 |
| Avropa Yayım İttifaqı | 2007 (İctimai TV və İctimai Radio) |
| Avroviziya Mahnı Müsabiqəsi | 2008 |
| Şərq Tərəfdaşlığı (Avropa Birliyi) | 2009 |
| Avropa Siyasi İcması | 2022 |
Mədəniyyətdə
redaktə
|
Avropa qitəsinin təbii sərhədləri şimaldan Şimal dənizi, qərbdən Atlantik dənizi, cənubdan Aralıq dənizi ilə sınırianır. Avropanın qərb sərhədi Ural boyunca rus imperiyasından keçib Xəzər dənizini bölür və sonra Cənubi Qafqazdan addayır. Bəzi alimlər Qafqaz sıra dağlarından cənubdakı ərazini Asiyaya aid etdikləri halda, digərləri deyirlər ki, bu yerlərə də Avropanın bir parçası kimi yanaşmaq lazımdır, başlıcası da mədəni inkişaf baxımından. Deməli, müəyyən mənada sizin davranışınızdan asılı olacaq ki, balalarım, şəhərimiz inkişaf etmiş Avropayamı, yoxsa geridə qalmış Asiyayamı aid edilsin. | 
|
|
|
Sən İranda necə bədbəxt idinsə, mən də Parisdə elə bədbəxt olacam. Özümü yad hərkiliyin ağuşuna atılmış hiss edəcəm. Şimrandakı hərəmxananı yadına sal. Sən Asiyaya dözmədiyin kimi, mən də Avropaya dözməyəcəm. Gəl Asiya ilə Avropanın hiss edilmədən çulğalaşdığı Bakıda qalaq. Parisə gedə bilmərəm, orda nə məscid, nə qədim qala divarı, nə də Seyid Mustafa var. Mən vaxtaşırı gərək Asiya mənəviyyatından qidalanam, bizə təşrif buyuran saysız əcnəbilərə duruş gətirmək üçün Parisdə səndən zəhləm gedəcək, sənin məhərrəmlikdə məndən zəhlən getdiyi kimi. Bəlkə də belə tezliklə yox, amma haçansa, hansısa karnavaldan, yaxud baldan sonra qəfildən sənə nifrət etməyə başlayacam, məni içinə salmağa məcbur etmək istədiyin aləmə görə. Ona görə də burda qalıram, hər nə baş verməsindən asılı olmayaraq. Mən bu ölkədə doğulmuşam, burda da ölmək istəyirəm. |
|
Həmçinin bax
redaktəQeydlər
redaktə- ↑ Ştetl Yəhudi soyqırımından əvvəl Şərqi Avropada mövcud olan, böyük Aşkenazi yəhudi əhalisinə sahib kiçik qəsəbələrə verilən addır.
İstinadlar
redaktə- ↑ 1 2 "Azərbaycanın hansı rayonları Avropaya düşür?" (az.). oxu.az. 26 SENTYABR, 2013. 2024-06-29 tarixində arxivləşdirilib. İstifadə tarixi: 2024-06-22.
- ↑ "Eating with the Mountain Jews of Azerbaijan". Food52.com (ingilis). 10 January 2017. 12 April 2017 tarixində arxivləşdirilib. İstifadə tarixi: 12 April 2017.
- ↑ "Jewish shtetl in Azerbaijan survives amid Muslim majority". The Times of Israel. 8 September 2013 tarixində arxivləşdirilib. İstifadə tarixi: 12 April 2017.
- ↑ "National Security Concept of the Republic of Azerbaijan" (PDF). United Nations. 23 May 2007. 13 January 2014 tarixində arxivləşdirilib (PDF). İstifadə tarixi: 23 May 2007.
- ↑ Səid, 2006. səh. 8
- ↑ Səid, 2006. səh. 204-205
Ədəbiyyat
redaktə- Qurban Səid. Əli və Nino. Bakı, "Qafqaz", 2006. — 252 səh. ISBN 9952-432-49-6