Böyükağa Mustafayev

Böyükağa Hacıağa oğlu Mustafayev (1911, Bakı – 1976, Bakı) — Azərbaycan vokalçı-aktyoru, Azərbaycan SSR əməkdar artisti (1943).

Böyükağa Mustafayev
Doğum tarixi	1911
Doğum yeri	Bakı, Bakı quberniyası, Rusiya İmperiyası
Vəfat tarixi	1976
Vəfat yeri	Bakı, Azərbaycan SSR, SSRİ
Vətəndaşlığı	Rusiya imperiyası→ AXC→ SSRİ
Fəaliyyəti	vokalçı-aktyor
Fəaliyyət illəri	1936-cı ildən
Təhsili	Azərbaycan Dövlət Konservatoriyası
Teatr	Azərbaycan Dövlət Opera və Balet Teatrı
Mükafatları

Həyatı

Böyükağa Mustafayev 1911-ci ildə Bakıda anadan olub. Azərbaycan Dövlət Konservatoriyasının skripka sinfində təhsil alıb və ikinci kursdan Üzeyir Hacıbəyovun rəhbərlik etdiyi xorda oxumağa başlayıb. 1936-cı ildə Azərbaycan Dövlət Opera və Balet Teatrı truppasına qəbul edilib.

Gur bas səsə malik olan Böyükağa Mustafayev Üzeyir Hacıbəyovun "Koroğlu" operasında İbrahim xan rolunun ilk ifaçısı olmuşdur. O, "Əsli və Kərəm" operasında Keşişin obrazını da yaratmışdır.

Aktyor 1976-cı ildə Bakıda vəfat edib.

İfa etdiyi əsas rollar

Rol	Tamaşa	Müəllif
İbrahim xan	Koroğlu	Üzeyir Hacıbəyov
Keşiş	Əsli və Kərəm	Üzeyir Hacıbəyov
Vəzir və İbn Tahir	Şah İsmayıl	Müslüm Maqomayev
Həsən kişi	Nərgiz	Müslüm Maqomayev
Mayor Sergeyev	Vətən	Qara Qarayev, Cövdət Hacıyev
Şah	Xosrov və Şirin	Niyazi
Əmir Haris	Nizami	Əfrasiyab Bədəlbəyli
Məmmədəli bəy	Sevil	Fikrət Əmirov
Əsir gürcü	Vaqif	Ramiz Mustafayev
Suniqa	Karmen	Jorj Bize
Lodoviqo və Montano	Otello	Cüzeppe Verdi
Sparafuçil	Riqoletto	Cüzeppe Verdi
Don Bazilyo	Sevilya bərbəri	Coakkino Rossini
Aşıq Səməd və Aşıq Həmid	Şahsənəm	Reynqold Qlier
Narumov	Qaratoxmaq qadın	Pyotr Çaykovski

Ədəbiyyat

• Үзејир Һаҹыбәјов енсиклопедијасы. Бакы: «Азәрбајҹан» нәшријјаты. Елми-редаксија шурасынын сәдри: Н. С. Ибраһимов. 1996. 304 сәһ.
• İlham Rəhimli. Azərbaycan Teatr Ensiklopediyası (3 cilddə). 1-ci cild. Bakı: Azərnəşr. 2016. 428 səh. ISBN 978-9952-8306-3-7.