Btooom!

Btooom! (ブトゥーム!, Butūmu!, azərb. Btuuum!‎) – Cunya İnoe tərəfindən yazılan və çəkilən manqa seriyası. 2009-cu ildə "Weekly Comic Bunch" jurnalında nəşr olunmağa başlamışdır. Hazırda isə "Monthly Comic Bunch" jurnalında nəşr olunur. 2017-ci ilin mayına qədər 23 cildi nəşr olunmuşdur. Manqa seriyası Ryota Sakamoto adlı gənc, tənha, "Btooom!" adlı video oyunun mahir oyunçularından birinin başına gələn macəralardan bəhs edir. Bir gün Ryota istəmədən "Btooom!" oyununun real versiyasını oynamağa məcbur edilir və uzaq tropik adada Himiko adlı gənc qızla sağ qalma mübarizəsinə başlayır. Onlar öz dünyalarına qayıtmaq üçün yol tapmalıdırlar.

Btooom!
Birinci cildin üzlüyü. Personaj: Ryota Sakamoto.
ブトゥーム! (Butūmu!) azərb. Btuuum!‎
Janr	döyüş, psixoloji, romantika
Manqa
Manqaka	Cunya İnoe
Nəşriyyat	Shinchosha
Tərcüməçi nəşriyyat	ŞA Yen Press
Jurnal	Weekly Comic Bunch (iyun 2009 – avqust 2010) Monthly Comic @BUNCH
Demoqrafiya	seynen
Nəşr tarixi	19 iyun 2009 – hazırda
Cildlər	23 (cild siyahısı)
Anime
Rejissor	Kotono Vatanabe
Ssenarist	Yosuke Kuroda
Bəstəkar	Keyci İnay
Studiya	Madhouse
Digər lisenziyalar	AVA Hanabee ŞA Sentai Filmworks BB MVM Films
Kanal	Tokyo MX, AT-X, SUN, KBS, TVA, BS11
Digər kanallar	CŞA Animax Asia
Buraxılış tarixi	4 oktyabr 2012 – 20 dekabr 2012
Vaxt	23 dəq.
Seriyalar	12 (seriya siyahısı)

Manqa seriyasının ilk 50 fəsli əsasında Madhouse studiyası tərəfindən 12 seriyalıq anime serialı adaptasiyası çəkilmişdir. Anime 2012-ci ilin 4 oktyabrından 20 dekabrına qədər yayımlanmışdır. Manqa seriyası Şimali Amerikada Yen Press tərəfindən lisenziyalaşdırılmışdır.

Məzmun

Ryota Sakamoto 22 yaşlı işsiz yapon gəncdir və Yukie adlı anası ilə yaşayır. O, "Btooom!" döyüş oyununun top oyunçularından biridir. Bir gün Ryota özünü uzaq tropik adada oyanır, bura kim tərəfindən gətirildiyini və necə düşdüyünü xatırlamır. Nə baş verdiyini öyrənməyə çalışan Ryota ətrafda gəzir və bir nəfəri görüb kömək istəyir, lakin yad adam ona bombalar atır. Ryota tezliklə başa düşür ki, həyatı təhlükədədir və sevimli oyununun real versiyasını oynamalıdır. Oyunda Ryota digər "Btooom!" oyunçusu Himiko ilə qarşılaşır. İkisi güclərini birləşdirib adada sağ qalmağa çalışırlar.

Personajlar

Əsas

Ryota Sakamoto (坂本 竜太, Sakamoto Ryōta)

Səsləndirən: Kanata Honqo

Ryota "Btooom!" oyununun 4 ulduzlu elit oyunçusundan biridir. Oyuna anası tərəfindən namizəd göstərilib.

Himiko (ヒミコ) / Emiliya (エミリア, Emiria)

Səsləndirən: Suzuko Mimori

Himiko lisey tələbəsi və "Btooom!" oyunçusudur. Ryotanın oyundakı həyat yoldaşıdır. İlk qarşılaşdıqlarında bir-birilərini tanımırlar.

Rəqiblər

Kosuke Kira (吉良 康介, Kira Kōsuke)

Səsləndirən: Miyuki Savaşiro

Kosuke Kira "Btooom!" oyunçularından biridir. Oyunun 3 ulduzlu oyunçusu olmağa and içib.

Masaşi Miyamoto (宮本 雅志, Miyamoto Masashi)

Səsləndirən: Takaya Kuroda

Masashi "Btooom!" oyunçusu və müharibə veteranıdır.

Nobutaka Oda (織田 信隆, Oda Nobutaka)

Səsləndirən: Yuiçi Nakamura

Oda ən təhlükəli "Btooom!" oyunçularından biridir.

Masahito Date (伊達 雅仁, Date Masahito)

Səsləndirən: Ken Narita

Masahito Şiki Murasaki ilə eyni xəstəxanada işləyən həkim olub.

Kiyoşi Tayra (平 清, Taira Kiyoshi)

Səsləndirən: Toru Okava

Kiyoşi "Btooom!" oyunçularından biridir və Kansay dialektində danışır.

Hidemi Kinoşita (木下 秀美, Kinoshita Hidemi)

Səsləndirən: Yoko Hikasa

Hidemi lovğa "Btooom!" oyunçusudur. Nobutaka onu tərk edənə qədər onunla birlikdə döyüşür.

Yoşiaki İmaqava (今川 義昭, Imagawa Yoshiaki)

Səsləndirən: Toru Nara

Yoşiaki "Btooom!" oyunçusudur. Ryotanı sıxışdırmaq və izləmək istəyəndə onun tərəfindən öldürülür.

Soyçi Natsume (夏目 壮一, Natsume Sōichi)

Səsləndirən: İssey Futamata

Vəkildir.

Yoşihisa Kira (吉良 義久, Kira Yoshihisa)

Səsləndirən: Hisao Egawa

Yoşihisa "Btooom!" oyunçularından biri və Kosuke Kiranın atasıdır. Oğlu tərəfindən öldürülür.

Mitsuo Akeçi (明智 光男, Akechi Mitsuo)

Səsləndirən: Yasuhiro Mamiya

Digər

Şiki Murasaki (村崎 志紀, Murasaki Shiki)

Səsləndirən: Rica Fukami

Oyunun əvvəlki versiyasını oynamış qadındır. Artıq bir ildən çoxdur ki, bu adada yaşayır.

İsamu Kondo (近藤 勇, Kondō Isamu)

Səsləndirən: Yasumiçi Kuşida

Kondo "Btooom!" oyunçularından biridir.

Misako Hoco (北条 美沙子, Hōjō Misako)

Səsləndirən: May Todo

Misako "Btooom!" oyunçusudur. Nobutaka Oda tərəfindən öldürülür.

Tsuneaki İida (飯田 恒明, Iida Tsuneaki)

Səsləndirən: Cunpey Asaşina

Ryotanın Tyrannos Japan-da işləyən senpayıdır.

Yukie Sakamoto (坂本 幸恵, Sakamoto Yukie)

Səsləndirən: Ayumi Kida

Ryotanın anasıdır.

Hisanobu Sakamoto (坂本 久信, Sakamoto Hisanobu)

Səsləndirən: Mitsuaki Madono

Ryotanın ögey atasıdır.

Yoşioka (吉岡)

Səsləndirən: Hiroyuki İvasaki

Himikonun tanıdığı və güvəndiyi gənc şəxsdir. Musiqi qrupunun üzvü olub və Himikonu dostlarını evə gətirməsi üçün aldadıb.

Miho (ミホ)

Səsləndirən: Şiori Mikami

Himikonun keçmiş ən yaxşı dostudur.

Arisa (アリサ)

Səsləndirən: Noriko Ueda

Himikonun keçmiş dostudur.

Yuki (ユキ)

Səsləndirən: Yukiyo Fucii

Himikonun keçmiş dostudur.

Media

Manqa

Cunya İnoenin müəllifi olduğu manqa seriyası 2009-cu ildə Shinchosha nəşriyyatının "Weekly Comic Bunch" jurnalında nəşr olunmağa başlamışdır. 2011-ci ildə isə "Monthly Comic @ Bunch" jurnalında nəşr olunmağa başlamışdır. Jurnalın 2014-cü ilin may buraxılışında (20 martda buraxılıb) 21 aprel 2014-cü ildə buraxılacaq iyun buraxılışında manqanın final arkına daxil olacağı açıqlanmışdır.

Shinchosha nəşriyyatı tərəfindən 23 tankobon cildi buraxılmışdır. Həmçinin manqa Şimali Amerikada Yen Press tərəfindən lisenziyalaşdırılmışdır.

Cild siyahısı

№	Yapon versiyasının nəşr tarixi	Yapon ISBN	İngilis versiyasının nəşr tarixi	İngilis ISBN
1	9 oktyabr 2009	ISBN 978-4-10-771516-6	26 fevral 2013	ISBN 978-0-316-23267-8
2	9 yanvar 2010	ISBN 978-4-10-771537-1	28 may 2013	ISBN 978-0-316-24534-0
3	8 may 2010	ISBN 978-4-10-771563-0	20 avqust 2013	ISBN 978-0-316-24535-7
4	9 oktyabr 2010	ISBN 978-4-10-771593-7	19 noyabr 2013	ISBN 978-0-316-24536-4
5	9 iyun 2011	ISBN 978-4-10-771622-4	18 fevral 2014	ISBN 978-0-316-24542-5
6	9 sentyabr 2011	ISBN 978-4-10-771633-0	27 may 2014	ISBN 978-0-316-24543-2
7	7 yanvar 2012	ISBN 978-4-10-771647-7	26 avqust 2014	ISBN 978-0-316-24544-9
8	8 iyun 2012	ISBN 978-4-10-771665-1	18 noyabr 2014	ISBN 978-0-316-33623-9
9	7 sentyabr 2012	ISBN 978-4-10-771680-4	24 fevral 2015	ISBN 978-0-316-33625-3
10	9 yanvar 2013	ISBN 978-4-10-771693-4	19 may 2015	ISBN 978-0-316-38047-8
11	9 may 2013	ISBN 978-4-10-771708-5	18 avqust 2015	ISBN 978-0-316-25885-2
12	9 sentyabr 2013	ISBN 978-4-10-771718-4	17 noyabr 2015	ISBN 978-0-316-33957-5
13	9 yanvar 2014	ISBN 978-4-10-771733-7	23 fevral 2016	ISBN 978-0-316-33966-7
14	9 may 2014	ISBN 978-4-10-771746-7	19 iyul 2016	ISBN 978-0-316-27059-5
15	9 sentyabr 2014	ISBN 978-4-10-771773-3	15 noyabr 2016	ISBN 978-0-316-50281-8
16	9 yanvar 2015	ISBN 978-4-10-771794-8	21 fevral 2017	ISBN 978-0-316-50283-2
17	9 may 2015	ISBN 978-4-10-771819-8	23 may 2017	ISBN 978-0-316-50285-6
18	9 sentyabr 2015	ISBN 978-4-10-771843-3	22 avqust 2017	ISBN 978-0-316-50287-0
19	9 yanvar 2016	ISBN 978-4-10-771871-6	14 noyabr 2017	ISBN 978-0-316-41278-0
20	9 may 2016	ISBN 978-4-10-771895-2	—	—
21	9 sentyabr 2016	ISBN 978-4-10-771918-8	—	—
22	7 yanvar 2017	ISBN 978-4-10-771949-2	—	—
23	9 may 2017	ISBN 978-4-10-771980-5	—	—

Anime

Həmçinin bax: Btooom! seriyalarının siyahısı

Madhouse studiyası tərəfindən anime adaptasiyasının çəkiləcəyi 2012-ci ilin iyununda açıqlanmışdır. 12 seriyalıq anime serialı Yaponiyada 4 oktyabr 2012-ci ildən 20 dekabr 2012-ci ilə kimi göstərilmişdir. Bundan əlavə anime Crunchyroll vasitəsilə Şimali Amerika, Böyük Britaniya, İrlandiya, Avstraliya, Yeni Zelandiya, Skandinaviya, Niderland və CAR-da yayımlanmışdır. Anime 2013-cü ildə Sentai Filmworks tərəfindən Şimali Amerikada buraxılmışdır. Açılış mahnısı Nano tərəfindən ifa olunan "No pain, No game" mahnısı, bağlanış mahnısı isə May'n tərəfindən ifa olunan "Aozora" (アオゾラ) mahnısıdır. Anime manqa seriyasının ilk 50 fəslini əhatə edir.

Xarici keçidlər

• btooom.com — Animenin rəsmi saytı  (yap.)
• Btooom! (manqa) Anime News Network Ensiklopediyasında
• Btooom! (anime) Anime News Network Ensiklopediyasında